ବାରିପଦା(ନିରପେକ୍ଷ ଖବର)ତା-୨୧/ନଭେମ୍ବର/୨୦୧୯: ମୟୁରଭଞ୍ଜ ଜିଲ୍ଲାର ସବୁଠୁଁ ବଡ଼ ମେଳା ଭାବେ ପରିଚୟ ସୃଷ୍ଟି କରିଥିବା ଜଗଦ୍ଧାତ୍ରୀ ମେଳା ଆଜି ୧୦ମ ଦିନରେ ପହଁଚିଛି। ଏହି ମେଳା ଯେତେ ସରିସରି ଆସୁଛି, ଦର୍ଶକଙ୍କ ଭିଡ଼ ସେତେ ବଢ଼ିବାରେ ଲାଗିଛି।ଆଜି ବାରିପଦା ଜଗଦ୍ଧାତ୍ରୀ ମେଳାର ୧୦ମ ଦିବସରେ ବେଶ ଭିଡ ଜମିଥିଲା ମେଳା ପଡ଼ିଆରେ।ଦିନତମାମ ମେଳା ପଡ଼ିଆରେ ଲୋକଙ୍କ ସମାଗମ ଚାଲିଥିବା ବେଳେ ସନ୍ଧ୍ୟା ହେବା କ୍ଷଣି ବିଭିନ୍ନ ଅଞ୍ଚଳରୁ ଲୋକଙ୍କ ସୁଅ ଛୁଟି ଚାଲିଥିଲା । ସନ୍ଧ୍ୟା ୬ଟା ବେଳକୁ ସମ୍ପୂର୍ଣ୍ଣ ପଡ଼ିଆ ଲୋକାରଣ୍ୟ ହୋଇଯାଉଛି । ବ୍ୟବସାୟୀମାନଙ୍କ ପାଇଁ ଥିଲା ଏହି ମେଳା ଲାଭ ଦାୟକ ରହିଛି। ମେଳାରେ ବିଭିନ୍ନ ଘରକରଣା ସାମଗ୍ରୀ ଠାରୁ ଆରମ୍ଭ କରି ଭଳିକି ଭଳି ଖାଦ୍ୟ ଖାଇବରେ ସମସ୍ତେ ଲାଗିଛନ୍ତି। ପ୍ରତି ସନ୍ଧ୍ୟାରେ ଦର୍ଶକଙ୍କ ମନପସନ୍ଦର ସାଂସ୍କୃତିକ କାର୍ଯ୍ୟକ୍ରମ ବେଶ ଆକର୍ଷଣ ସାଜୁଛି। ସ୍ଥାନୀୟ ଭଞ୍ଜପୁର ଠାରେ ଗତ ୧୧ ତାରିଖ ଠାରୁ ଆରମ୍ଭ
ହୋଇଥିବା ୨୭ ତମ ଜଗଦ୍ଧାତ୍ରୀ ମେଳା ୧୦ମ ଦିନରେ ପହଞ୍ଚିଥିବା ବେଳେ ବୁଧବାର ପ୍ରବଳ ଭିଡ ଜମିଥିଲା । ଖେଳନା ଓ ବେଲୁନ ଦୋକାନରେ କୁନିକୁନି ପିଲାଙ୍କ ଭିଡ଼। ମେଳା ପଡ଼ିଆର ପ୍ରବେଶ ପଥରେ ବସିଥିବା ବେଲୁନ ଓ ଖେଳନା ଦୋକାନରେ କୁନି କୁନି ପିଲାମାନେ ବେଶ ଭିଡ଼ ଲଗାଇଥିଲେ । ମେଳା ବୁଲି ଫେରିବା ସମୟରେ ବାପା, ମାଆଙ୍କ ସହ ଆସିଥିବା ପିଲାମାନଙ୍କ ମନ ପସନ୍ଦର ରଙ୍ଗବେରଙ୍ଗ ବେଲୁନ୍ କିଣିବା ସହିତ ବିଭିନ୍ନ ପ୍ରକାରର ଖେଳନା ନେଉଥିବା ଦେଖିବାକୁ ମିଳିଥିଲା । ମେଳାରେ ସବୁଦିନ ଅପେକ୍ଷା ଆଜି ପ୍ରବଳ ଭିଡ ଜମିଥିଲେ ମଧ୍ୟ ଆମିଷ ଖାଦ୍ୟ ଷ୍ଟଲରେ ଖାଲିଖାଲି ଲାଗିଛି । କାରଣ ପବିତ୍ର ପ୍ରଥମା ଅଷ୍ଟମୀ ଥିବାରୁ ଲୋକେ ନିରାମିଷ ଖାଦ୍ୟ ଖାଇବାକୁ ବେଶି ପସନ୍ଦ କରିଥିଲେ। 
ବର୍ଷକରେ ଥରେ ଏହି ଜଗଦ୍ଧାତ୍ରୀ ମେଳା ପଡୁଥିବାରୁ ଲୋକେ ମେଳାର ନିଜ ନିଜ ମନପସନ୍ଦର ଘରକରଣା ଜିନିଷ କିଣିବାର ମଜା ନେଇଛନ୍ତି କିନ୍ତୁ ପଥର ତିଆରି ଶିଳ, ଦୀପ, ପଥୁରି ସାଙ୍ଗକୁ ଅନେକ ଘରୋଇ ଉପକରଣ ଜିନିଷ କିଣିବାରେ ସୁଯୋଗ ପାଇଥିଲେ । ମେଳାରେ ଏଠି ସବୁ ଜିନିଷ କମ୍ ଦାମରେ ମିଳୁଥିବାରୁ ଲୋକେ ଘରକରଣା ଜିନିଷ କିଣି ବାର ସୁଯୋଗ ହାତ ଛଡା କରିନାହାନ୍ତି।
ମେଳା ଦେଖିବାକୁ ଆସି ପାରୁ ନଥିବା ଦର୍ଶକମାନଙ୍କ ପାଇଁ ମେଳା କମିଟି ପକ୍ଷରୁ ମେଳାର ପ୍ରତ୍ୟେକ ଦୃଶ୍ୟକୁ ସିଧାପ୍ରସାରଣ କରାଯାଉଛି। ଦର୍ଶକଙ୍କ ସମାଗମ ହେଇଥିବାରୁ ସୁରକ୍ଷାକୁ ଦୃଷ୍ଟି ରଖି ପୁରା ପଡ଼ିଆରେ ସିସିଟିଭି ଲଗାଯାଇଛି। ମେଳାକୁ
ଆସୁଥିବା ଲୋକମାନେ ମେଳା ପଡ଼ିଆର ଥିବା ବିଭିନ୍ନ ଅବ୍ୟବସ୍ଥା ସମ୍ପର୍କରେ ନିଜନିଜର ମତାମତ ଦେବା ପାଇଁ କମିଟି ପକ୍ଷରୁ ମତାମତ ବାକ୍ସ ଖୋଲାଯାଇଛି। ମତାମତ
ବାକ୍ସରେ ନିଜର ପୋଷ୍ଟକାର୍ଡ ମାଧ୍ୟମରେ ନିଜର ମତ ଦେଉଛନ୍ତି। ସଂସ୍କୃତିକ କାର୍ଯ୍ୟକ୍ରମରେ ରକ୍ତଦାନ ଉପରେ ସଚେତନତା ଦିଆ ଯାଉଛି ।
ଜଗଦ୍ଧାତ୍ରୀ ମେଳାରେ ପ୍ରତି ସନ୍ଧ୍ୟାରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହେଉଥିବା ବେଳେ ଆଜି କିନ୍ତୁ କୁନି କୁନି ପିଲାମାନଙ୍କ ଦ୍ୱାରା ରକ୍ତ ଦାନ ଉପରେ ଏକ
ସଚେତନତା କାର୍ଯ୍ୟକ୍ରମ ହୋଇଛି । ରକ୍ତ ଦାନ ମହତ ଦାନ। ମୟୁରଭଞ୍ଜ ଜିଲ୍ଲାରେ ରକ୍ତର ଅଭାବ ପରିଲିକ୍ଷିତ ହେଉଥିବା ବେଳେ ମେଳା କମିଟି ପକ୍ଷରୁ ଏଭଳି କାର୍ଯ୍ୟକ୍ରମକୁ ଦର୍ଶକମାନେ ବେଶ ପସନ୍ଦ କରିଥିଲେ । କୁନି କୁନି ପିଲାମାନେ ଗୀତନାଟ୍ୟ ମଧ୍ୟମରେ ଦର୍ଶକମାନଙ୍କୁ ରକ୍ତଦାନ କରିବାକୁ ବାର୍ତ୍ତା ଦେଇଥିଲେ। ସେହିପରି ସ୍ବାମୀ ବିବେକାନନ୍ଦ ଯୋଗ କେନ୍ଦ୍ର ପକ୍ଷରୁ ଯୋଗାସନ ପରିବେଷଣ କରଯାଇଥିବା ବେଳେ ପୁରୀର ଗୋଟିପୁଅ ନୃତ୍ୟ ସାଙ୍ଗକୁ ଭୁବନେଶ୍ବରର ଓଡିଶୀ ଦଳ ଓଡ଼ିଶୀ ନୃତ୍ୟ ପରିବେଷଣ କରିଥିଲେ ।ଏଥି ସହିତ ଚଳଚିତ୍ର ଜଗତର ସୁନାମଧନ୍ୟ ଅଭିନେତା ମାନେ ମଧ୍ଯ ଅତିଥି ଭାବେ ଯୋଗ ଦେଉଛନ୍ତି।
