Blank space
Blank space
Breaking News/ମୁଖ୍ୟ ଖବର:
କେବଳ ନବୀନ ଓ କେବଳ ଶଙ୍ଖ ଆସିଲେ ହିଁ ଆମ ରାଜ୍ୟରେ ଆହୁରି ଉନ୍ନତି ହୋଇପାରିବ୩୬ ନଂ ୱାର୍ଡ ମଧୁସୂଦନ ନଗର ଓ ୟୁନିଟ -୪ ମାର୍କେଟ ଅଞ୍ଚଳରେ ଜନ ସଂପର୍କ ପଦଯାତ୍ରାଓଡ଼ିଶାରେ ମୋଦୀଙ୍କର ଚିରାଚରିତ ମିଛ ପ୍ରତିଶ୍ରୁତି ଓ ଫମ୍ପା ଭାଷଣକୁ କଟାକ୍ଷ କଲା କଂଗ୍ରେସମଧ୍ୟରେ ବଢ଼ୁଚି ବଜେପି ଛିଡୁଚି ବିଜେଡିୱାର୍ଡ ନଂ ୪ ର ସମ୍ମିଳିତ ବିଜେପି କର୍ମୀମାନଙ୍କ ଦ୍ୱାରା ଆୟୋଜିତ ଏକ ସମାବେଶକେୟାର ହସ୍ପିଟାଲ ପକ୍ଷରୁ କେୟାର କନେକ୍ଟ କର୍ମଶାଳା ଆୟୋଜିତପଟିଆ ରାଜାଙ୍କ ଆଶୀର୍ବାଦ ନେଲେ ପ୍ରିୟଦର୍ଶୀଦୁଇଟି ପଦ୍ମ ଫୁଲ ଚି଼ହ୍ନରେ ମୋହର ମରିବା ପାଇଁ ନିବେଦନ କଲେ ପ୍ରିୟଦର୍ଶୀନିର୍ବାଚନ ଇସ୍ତହାରରେ ରହୁ ଭୁବନେଶ୍ୱର ଜିଲ୍ଲା ଘୋଷଣାPARICHAY FOUNDATION-PROJECT -PAVI – DISTRIBUTION DRIVE SUPPORTED BY Shipping corporation of India.ବିଜେପି ଡରରେ ନବୀନ ବାବୁ ଓଡ଼ିଶା ବାସୀଙ୍କୁ ଧୋକା ଦେଇଛନ୍ତିNMIET organizes 17th Athletic Meetସ୍ମାର୍ଟ ଲିଭିଙ୍ଗ୍ ସଲ୍ୟୁସନର ମାନ ବୃଦ୍ଧି ପାଇଁ ଟ୍ରାଞ୍ଜେପ ସ୍ମାର୍ଟ ବିଲିଂ ଏବଂ ଆମ୍ପିଓ ପୋଲାଣ୍ଡର ମିଳିତ ଉଦ୍ୟମଓଡ଼ିଶା କୃଷକ ସାଥୀ ସଂଘ ପକ୍ଷରୁ ରାଜ୍ୟ ସରକାରଙ୍କୁ ଚେତାବନୀ…ଏଏସିସିଆଇ ର ୩ ଦିନିଆ ସମ୍ମିଳନୀ ଅନୁଷ୍ଠିତ ହୋଇଯାଇଛିଆଗାମୀ ୨୦୨୪ ନିର୍ବାଚନ ଉତ୍ତରରୁ ଲଢ଼ିବେ ଦେବାଶିଷ ନାୟକଖୋଲିଲା ଆଭୂଷଣ ଜ୍ବେଲର୍ସ“ଜଗବନ୍ଧୁ ଜରାଶ୍ରମ” ପକ୍ଷରୁ ଶୀତବସ୍ତ୍ର ଓ ରାସନ ସାମଗ୍ରୀ ବଣ୍ଟନପ୍ରଫେସର ରଶ୍ମୀ ମିଶ୍ରଙ୍କ ପୁସ୍ତକ “ୟୁଭିକା” ଉନ୍ମୋଚିତPoetry Collection “YUVAIKA” Launched
Blank space

*ମା ପାଇଁ ଦିନଟିଏ*

ଆଜି ବିଶ୍ୱ ମାତୃତ୍ବ ଦିବସ*

0

*ବୃଦ୍ଧାଶ୍ରମରେ ବେସାହାରା ମା କାଟୁଛନ୍ତି ଜୀବନ*

ବାରିପଦା(ନିରପେକ୍ଷ ଖବର)ତା-୧୦/୦୫ ଗୋଟେ ସମୟ ଥିଲା ଯେତେବେଳେ ଆମ ସମାଜରେ ଏକାନ୍ନବର୍ତ୍ତୀ ପରିବାର ପ୍ରଥା ପ୍ରଚଳିତ ଥିଲା, ହେଲେ ଧୀରେ ଧୀରେ ମଣିଷ ଏତେ ଆତ୍ମକୌନ୍ଦ୍ରିକ ହୋଇଗଲା ଯେ ଦାଦା, ବଡବାପା ତ ଦୂରର କଥା ନିଜ ଜନ୍ମ କଲା ବାପା ମା କୁ ହତାଦର କଲା, ଏପରିକି ଏମାନଙ୍କୁ ବୃଦ୍ଧାଶ୍ରମ ରେ ଫୋପାଡ଼ି ଦେବାକୁ ମଧ୍ୟ ପଛାଇଲା ନାହିଁ।ବାଦ୍ଧକ୍ୟ ଅବସ୍ଥାରେ ବାପା ଓ ମାଆମାନେ ପୁଅ ବୋହୁ ଓ ଝିଅ ପାଖରୁ ଅନେକ କିଛି ଆସା ରଖିଥାନ୍ତି। ବୟସର ଅପରାହ୍ନରେ ତାଙ୍କ ପାଖରୁ ଟିକେ ସେବା ଯତ୍ନ ନେବାକୁ ଚାହିଁ ବସିଥାନ୍ତି। ହେଲେ ଘରେ ପୁଅ ବୋହୁ, ନାତି ନାତୁଣୀ, ଝିଅ ଜ୍ଵାଇଁ ସବୁ ଥାଇ ବି ମାଆମାନେ କେମିତି ବାରିପଦା ବୃଦ୍ଧାଶ୍ରମରେ ଜୀବନ ବିତାଉଛନ୍ତି ତାକୁ ନେଇ ବିଶ୍ଵ ମାତୃତ୍ବ ଦିବସରେ ଆମର ସ୍ବତନ୍ତ୍ର ଉପସ୍ଥାପନା।

Blank space

ଲକ୍ ଡାଉନ୍ ସମୟରେ ବାରିପଦା ବୃଦ୍ଧାଶ୍ରମରେ ମାଆମାନେ କେମିତି ଜୀବନ ବିତାଉଛନ୍ତି, ତାକୁ ପରଖିବା ପାଇଁ ଆମ ପ୍ରତିନିଧି ସେଠାରେ ପହଁଚିଥିଲେ। ଏଠାରେ ୩୭ ଜଣ ମାଆ ଓ ୧୯ ଜଣ ବୃଦ୍ଧ ରହୁଥିବା ବେଳେ ୧୦ ମାସ ୧୦ ଦିନ ଗର୍ଭ ଯନ୍ତ୍ରଣା ସହି ମାଆ ଜନ୍ମ ଦେଇଥିବା ପୁଅ ଝିଅମାନେ କିପରି ପୂର୍ବ କଥା ସବୁକିଛି ଭୁଲି ଯାଉଛନ୍ତି। ଯେଉଁ ମାଆ ଦିନେ ପଣତ କାନିରେ ପୁଅ, ଝିଅକୁ ଡାକି ସବୁ ବିପଦ ଆପଦରୁ ରକ୍ଷା କରୁଥିଲା, ସେ ପୁଅ ଆଜି ତାର ବାଦ୍ଧକ୍ୟ ଅବସ୍ଥାରେ ଶତ୍ରୁ ସାଜିଛି। ମାଡ ଗାଳି ସବୁ ସହି ପୁଅକୁ ଦୁନିଆ ଦେଖାଇ ଆଶା ବାନ୍ଧିଥିଲା ବାଦ୍ଧକ୍ୟ ଅବସ୍ଥାରେ ଟିକେ ଶାନ୍ତି ଦେବ ସାହାରା ହେବ। ହେଲେ ଆଖିର ଲୁହ ଶୁଖିବା ବଦଳରେ ମାଆ ତାକୁ ପାଟିରେ ପିଇ ଯାଉଛି। ବାରିପଦା ବୃଦ୍ଧାଶ୍ରମରେ ଏମିତି କେବଳ ଜଣେ ମାଆ ନୁହେଁ ଅନେକ ମାଆଙ୍କର ବୟସ ଗଡିଯିବା ପରେ ପୁଅ ଝିଅ ଓ ସମ୍ପକୀୟଙ୍କଠାରୁ ଅଲୋଡା ହୋଇ ଏଠାରେ ଜୀବନ ଜିଉଁବାର ରାହା ଖୋଜୁଛନ୍ତି ।

କିଏ ପୁଅ ବହୁର ଅତ୍ୟାଚାର ଓ ଯନ୍ତ୍ରଣା ସହି ନ ପାରି ଏଠାରେ ଆଶ୍ରୟ ନେଇଛି ତ ଆଉ କିଏ ପରିବାର ଠାରୁ ତାଡନା ଖାଇ ବୃଦ୍ଧାଶ୍ରମରେ ରହିବାକୁ ବାଧ୍ୟ ହୋଇଛି। ଆଉ କିଏ ସ୍ବାମୀର ଦେହାନ୍ତ ହେବାପରେ ତାର ମଦୁଆ ପୁଅର ମାଡ ସହି ନ ପାରି ଏଠାରେ ଆଶ୍ରୟ ନେଇଛନ୍ତି। ପୁଣି କାହାର ତିନି ତିନିଟା ଭେଣ୍ଡିଆ ପୁଅ ଥାଇ ବି ସେ ବୃଦ୍ଧାଶ୍ରମରେ ମୁଣ୍ଡ ଗୁଞ୍ଜିଛି।

କରୋନା ଭାଇରସ, ବୟସ୍କ ଲୋକମାନଙ୍କୁ ଅଧିକ ସଂକ୍ରମଣ ହେଉଥିବାରୁ ସେମାନଙ୍କୁ ବାହାର ଲୋକଙ୍କ ସହ ମିଳାମିଶା କରିବାକୁ ଦିଆଯାଉନି। କିଏ ଲୁଡୁ ଖେଳି ସମୟ କାଟୁଛି ତ ଆଉ କିଏ ପିଲାଙ୍କ ଗୋଡି ଖେଳକୁ ଆପଣେଇ ନେଇଛି। ଆଉ କିଏ ପୁଣି ଗୁମସୁମ ହୋଇ କାନ୍ଦୁଛି। ବିଶ୍ୱ ମାତୃତ୍ବ ଦିବସରେ ବିଭିନ୍ନ ସଙ୍ଗଠନ ପକ୍ଷରୁ ଏହି ମାଆମାନଙ୍କ ପୂଜା ଅର୍ଚ୍ଚନା କରାଯାଇଥାଏ। ମାତ୍ର ଚଳିତ ବର୍ଷ କରୋନାର ଭୟାବହତା ପାଇଁ ଏସବୁକୁ ରୋକ ଲଗାଯାଇଛି। ଆଜି ଭଳି ଦିନରେ ଘରେ ଘରେ ମାଆମାନଙ୍କୁ ପୂଜା ଅର୍ଚ୍ଚନା କରାଯାଉ ଥିବାବେଳେ ଲକ୍ ଡାଉନ୍ ପାଇଁ ପୁଅ ଝିଅମାନେ ବିଭିନ୍ନ ସ୍ଥାନରେ ଫସି ରହିଛନ୍ତି। ମାଆମାନେ ନିଜେ ପୂଜା ପାଇବା ବଦଳରେ କରୋନା ପାଇଁ ବିଦେଶରେ ଥିବା ପୁଅ ଝିଅଙ୍କର ଫେରିବାକୁ ବାଟକୁ ଚାହିଁ ବସିଛନ୍ତି।

ଅବଶ୍ୟକତା ଠାରୁ ଅଧିକ ବସ୍ତୁବାଦୀ ହେବା ଫଳରେ ଭାରତୀୟ ସମାଜରେ ସାମାଜିକ ମୂଲ୍ୟବୋଧ ବୋଲି କିଛି ନାହିଁ, ଅଧିକାଂଶ ଘର ବୟସ୍କ ବୟସ୍କା ମାନେ ସେମାନଙ୍କ ଗୁରୁତ୍ୱ ହରାଇଛନ୍ତି ଉପେକ୍ଷିତ ହେଉଛନ୍ତି, ନିର୍ଯାତିତ ହେଉଛନ୍ତି,  Senior Citizen Care and protection Act-2007 ମସିହାରେ କେନ୍ଦ୍ର ସରକାର ପ୍ରଣୟନ କରିଛନ୍ତି,ଏହି ଆଇନ କେବଳ ନିର୍ଯାତିନା ହେଉଥିବା ବେଳେ ମା ମନ କିନ୍ତୁ ବୁଝୁନାହିଁ,ରାଜି ହେଉନାହିଁ ନିଜ ପିଲାଙ୍କ ନାମରେ ମାମଲା ରୁଜୁ ପାଇଁ, ପିଲା ମାନେ ସିନା ବୁଝିଲେ ନାହିଁ କିନ୍ତୁ ସେ ତ ମା କରୁଣାମୟୀ।

Mo sapath

Leave A Reply

Your email address will not be published.