ବାରିପଦା(ନିରପେକ୍ଷ ଖବର)ତା-୨୭/୦୨-ନେସ୍କାବିଦ୍ୟୁତ୍ କର୍ମଚାରୀ ସଂଘ ପକ୍ଷରୁ ଜିଲ୍ଲାସ୍ତରୀୟ ବିଶାଳ ସମାବେଶ ଆୟୋଜିତ ହୋଇଥିଲା। ବାରିପଦା ରଘୁନାଥପୁର ଠାରେ ଏକ ମଣ୍ଡପରେ ଅନୁଷ୍ଠିତ ହୋଇଯାଇଥିଲା। ସଂଘର ସହସାଧାରଣ ସମ୍ପାଦକ ଶ୍ରୀ ଜ୍ୟୋତିକୃଷ୍ଣ ବେହେରା ସହିତ ସଂଘର ସାଧାରଣ ସମ୍ପାଦକ ଶ୍ରୀଯୁକ୍ତ ତାରାକାନ୍ତ ପଟ୍ଟନାୟକଙ୍କ ଅତିଥି ଭାବରେ ଯୋଗ ଦେଇଥିଲେ। ପ୍ରଦୀପ ପ୍ରଜ୍ଜଳନ,ପ୍ରାରମ୍ଭିକ ସଂଗୀତ ମାଧ୍ୟମରେ ସଭାକାର୍ଯ୍ୟ ପ୍ରାରମ୍ଭ କରାଯାଇଥିଲା।
ସଂଘର ଜିଲ୍ଲା ସଭାପତି ଶ୍ରୀଯୁକ୍ତ ସୁବ୍ରମଣ୍ୟମ ମହାନ୍ତିଙ୍କ ପୌରହିତ୍ୟରେ ସଭା କାର୍ଯ୍ୟ ପରିଚାଳନା ହୋଇଥିଲା। ବିଭିନ୍ନ ପ୍ରାନ୍ତରୁ ଆସିଥିବା ସଂଘର ବହୁ ବରିଷ୍ଠ ନେତୃବର୍ଗ ଏବଂ କର୍ମଋରୀ ଜିଲ୍ଲାର ବିଦ୍ୟୁତ୍ କ୍ଷେତ୍ରରେ କାର୍ଯ୍ୟରତ ସ୍ଥାୟୀ କର୍ମଗରୀ, ଠିକା ଶ୍ରମିକ ଏବଂ ଗ୍ରାହକ ମାନେ ବର୍ତ୍ତମାନ ସମୟରେ ସମ୍ମୁଖୀନ ହେଉଥିବା ବିଭିନ୍ନ ସମସ୍ୟା ଉପରେ ଆଲୋକପାତ କରିଥିଲେ। । ବିଶେଷତଃ ଏ କ୍ଷେତ୍ରରେ କାର୍ଯ୍ୟରତ କର୍ମଚାରୀ ମାନଙ୍କର ଘୋର ଅଭାବ ଉତ୍ତମ ଗ୍ରାହକ ସେବା ଯୋଗାଇବାରେ ମୁଖ୍ୟ ପ୍ରତିବନ୍ଧକ ବୋଲି ସଂଘ ପ୍ରକାଶ କରିବା ସହିତ ମରାମତି ସରଞ୍ଜାମ ଆବଶ୍ୟକତା ଅନୁସାରେ ନ ମିଳିବାରୁ ବିଦ୍ୟୁତ୍ ସେବା ଯୋଗାଇବାରେ ବାଧା ସୃଷ୍ଟି ହେଉଥିବାର ପ୍ରକାଶ କରିଥିଲେ ।ମୟୁରଭଂଜ ଏକ ଆଦିବାସୀ ଅଧୁଷିତ ଜିଲ୍ଲା ହୋଇଥିବାରୁ ସରକାର ବିଦ୍ୟୁତ୍ କ୍ଷେତ୍ରରେ ଏ ଜିଲ୍ଲାକୁ ଏକ ସ୍ୱତନ୍ତ୍ର ମାନ୍ୟତା ଦେବାକୁ ସଂଘ ପକ୍ଷରୁ କୁହାଯାଇଛି। ଜିଲ୍ଲାର ସ୍ଥାନ ଗୁଡ଼ିକର ଟ୍ରାନ୍ସଫର୍ମର ଗୁଡ଼ିକ ଆବଦ୍ଧ ନଥିବାରୁ ବହୁ ଧନଜୀବନ ନଷ୍ଟ ହେଉଛି।ତେଣୁ ନେସ୍କୋ କର୍ତ୍ତୁପକ୍ଷ ତୁରନ୍ତ ଏଗୁଡ଼ିକୁ ଆବଦ୍ଧ କରିବା ସହିତ ରାସ୍ତା କଡ଼ ଏବଂ ରାସ୍ତା ଉପରେ ଯାଇଥିବା ସମସ୍ତ ବିଦ୍ୟୁତ୍ ତାର ଗୁଡ଼ିକୁ ଉଚ୍ଚତା ସମ୍ପନ୍ନ କରିବା ପାଇଁ ସଂଘ ଦାବି କରିଛି । ନେସ୍କାରେ ଠିକା କର୍ମଚାରୀ ମାନଙ୍କୁ ଠିକା ସଂସ୍ଥା ଦ୍ୱାରା ବିଭିନ୍ନ ସମୟରେ ବେତନ ନଦେବା, ଇ.ପି.ଏଫ୍, ଇ.ଏସ.ଆଇ. ପୈଠ ନ କରିବା, ସରକାରଙ୍କ ନିୟମ ଉଲଙ୍ଘନ କରି ବେତନ ତାରତମ୍ୟ କରିବା ଉପରେ କର୍ତ୍ତୁପକ୍ଷ ତୁରନ୍ତ କାର୍ଯ୍ୟନୁଷ୍ଠାନ ନବାକୁ ଦାବି କରିଥିଲେ।ଏହି ଭଳି ଦିଆଯାଇଥିବା ୧୦ ଦଫା ଦାବୀ ଗୁଡ଼ିକ ନେସ୍କୋ କର୍ତ୍ତୃପକ୍ଷ ପୂରଣ ନ କଲେ ଆଗାମୀ ଦିନରେ ସଂଘ ଏକ ତୀବ୍ର ଆନ୍ଦୋଳନ କରିବା ସଂଘର ସାଧାରଣ ସମ୍ପାଦକ ତାରାକାନ୍ତ ପଟ୍ଟନାୟକ ଚେତାବନୀ ଦେଇଛନ୍ତି । ସଂଘରେ ନୂତନ ଭାବରେ ଯୋଗ ଦେଇଥିବା ସଭ୍ୟ ମାନଙ୍କୁ ସାଧାରଣ ସମ୍ପାଦକଙ୍କ ଦ୍ଵାରା ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧନା କରିବା ସହିତ ନିକଟ ଅତୀତରେ ସଂଘର କିଛି ସଭ୍ୟଙ୍କ ବିୟୋଗହେତୁ ଏକ ମିନିଟ୍ ନୀରବ ପ୍ରାର୍ଥନା କରାଯାଇଥିଲା। ସର୍ବଶେଷରେ ସଂଘର ଡିଭିଜନାଲ ସେକ୍ରେଟେରୀ ଚନ୍ଦନ କୁମାର ମହାନ୍ତି ଅତିଥ ମାନଙ୍କୁ ଧନ୍ୟବାଦ ଅର୍ପଣ କରି ସଭାସାଙ୍ଗ କରିଥିଲେ। ଦୁଇଶହରୁ ଉର୍ଦ୍ଧ୍ବ କର୍ମଚାରୀ ଏଥିରେ ଯୋଗଦାନ କରିଥିଲେ।
