ଓଡ଼ିଶାର ‘ଫନି’ ପ୍ରଭାବିତ ଅଞ୍ଚଳରେ ଶକ୍ତି ପୁନଃରୁଦ୍ଧାର ନିମନ୍ତେ ସହଯୋଗର ହାତ ବଢାଇଛି ପାୱାରଗ୍ରୀଡ…

ନୂଆଦିଲ୍ଲୀ : ଚଳିତ ମାସ ୩ ତାରିଖରେ ଓଡ଼ିଶାରେ ହୋଇଥିବା ବାତ୍ୟା ‘ଫନି’ରେ ପ୍ରଭାବିତ ହୋଇଥିବା ଅଞ୍ଚଳରେ ବିଦ୍ୟୁତ ଯୋଗାଣ ନିମନ୍ତେ ତୁରନ୍ତ ଶକ୍ତି ପୁନଃରୁଦ୍ଧାର କାର୍ଯ୍ୟରେ ପାୱାରଗ୍ରୀଡ଼ କର୍ପୋରେସନ ଅଫ୍ ଇଣ୍ଡିଆ ଲିଃ (ପାୱାରଗ୍ରୀଡ଼) ଏକ ମୁଖ୍ୟ ଭୂମିକା ଗ୍ରହଣ କରିଛି । ଗତ ୨୦ ବର୍ଷ ମଧ୍ୟରେ ଓଡ଼ିଶାର ତଟବର୍ତ୍ତୀ ଅଞ୍ଚଳରେ ଏହା ଥିଲା ସବୁଠାରୁ ଶକ୍ତିଶାଳୀ ବାତ୍ୟା, ଏହାର ପ୍ରଭାବ ଓଡ଼ିଶାର ତଟବର୍ତ୍ତୀ ଅଞ୍ଚଳରେ ବିପୁଳ କ୍ଷୟକ୍ଷତି ଘଟା ଭିତ୍ତିଭୂମିକୁ ନଷ୍ଟ କରି ଲକ୍ଷ ଲକ୍ଷ ବିଦ୍ୟୁତ୍ ଖୁଣ୍ଟ ଉପୁଡ଼ିଯିବା ସହ, ଟ୍ରାନ୍ସଫର୍ମର ଏବଂ ବିଦ୍ୟୁତ୍ ଖୁଣ୍ଟଗୁଡ଼ିକ ଅଚଳ ହୋଇଯାଇଛି ।

ଉତ୍ତପ୍ତ ଏବଂ ଆର୍ଦ୍ର ଜଳବାୟୁ ଓଡ଼ିଶାର ବାତ୍ୟା ପ୍ରଭାବିତ ଅଞ୍ଚଳର ଲୋକଙ୍କ ନିମନ୍ତେ ଅଧିକ ସମସ୍ୟା ସୃଷ୍ଟି କରିଛି, ଏଥିସହିତ ପ୍ରତି ଘରକୁ ବିଦ୍ୟୁତ ଯୋଗାଣ ନିମନ୍ତେ ରାଜ୍ୟ ସରକାରଙ୍କ ପ୍ରତି ଏହା ଏକ ବଡ଼ ଆହ୍ୱାନ ରୂପେ ଉଭା ହୋଇଛି । ପରିସ୍ଥିତିରେ ସୁଧାର ଆଣିବା ଓ ଏହି ସମସ୍ୟାର ଶୀଘ୍ର ସମାଧାନ ଦିଗରେ ନିଜସ୍ୱ ଅତ୍ୟାଧୁନିକ ବୈଷୟିକ ଜ୍ଞାନ କୌଶଳକୁ ବ୍ୟବହାର କରି ଖୁବ କମ୍
ସମୟ ମଧ୍ୟରେ ସଫଳତାର ସହ ଇଆର୍ଏସ୍ (ତୁରନ୍ତ ପୁର୍ନରୁଦ୍ଧାର ପଦ୍ଧତି) ଦ୍ୱାରା ବିଦ୍ୟୁତ୍ ଯୋଗାଣ ନିମନ୍ତେ ପାୱାରଗ୍ରୀଡ଼ ସହଯୋଗର ହାତ ବଢାଇଛି, ସୁସଙ୍ଗଠିତ ପରିଚାଳନା ଦାୟିତ୍ୱ ଏବଂ ଓପିଟିସିଏଲ୍ (ଓଡ଼ିଶା ପାୱାର ଟ୍ରାନ୍ସମିଶନ କର୍ପୋରେସନ ଲିମିଟେଡ଼) ଏବଂ ସେସୁ (ସେଣ୍ଟ୍ରାଲ ଇଲେକ୍ଟିସିଟୀ ସପ୍ଲାଏ ୟୁଟିଲିଟୀ)କୁ ସହଯୋଗ କରିବା ପାଇଁ ପଡ଼ୋଶୀ ରାଜ୍ୟ ପଶ୍ଚିମବଙ୍ଗ ଓ ଆନ୍ଧ୍ରପ୍ରଦେଶରୁ ଏହାର ପ୍ରାୟ ୧୦୦୦ କୁଶଳୀ ମାନବ ସମ୍ବଳଙ୍କୁ ନିୟୋଜିତ କରିପାରିଥିବାରୁ ଏହି ପୁନଃରୁଦ୍ଧାର କାର୍ଯ୍ୟକୁ ତୀବ୍ର କରିବା ସମ୍ଭବ ହୋଇପାରିଛି । ରାଜ୍ୟର ପ୍ରଭାବିତ
ଅଞ୍ଚଳରେ ବିଦ୍ୟୁତ୍ ପୁନଃରୁଦ୍ଧାର ନିମନ୍ତେ ସମସ୍ତ ଆବଶ୍ୟକୀୟ ସହାୟତା ପ୍ରଦାନ କରାଯାଇଛି । ପାୱାରଗ୍ରୀଡ଼ ସଂଚାର ନେଟୱର୍କର ପୁନଃରୁଦ୍ଧାର ନିମନ୍ତେ ମଧ୍ୟ ସହାୟତା ପ୍ରଦାନ କରିଛି, ଯାହା ରାଜ୍ୟର ପରିସ୍ଥିତିରେ ସୁଧାର ଆଣିବାରେ ସହାୟକ ହୋଇପାରିଛି । ପାୱାରଗ୍ରୀଡ଼ ବିଭିନ୍ନ ଗୁରୁତ୍ୱପୂର୍ଣ୍ଣ ସ୍ଥାନରେ ୨୪×୭ ନିୟନ୍ତ୍ରଣ କକ୍ଷ ନିର୍ମାଣ କରିଛି ଏବଂ ଏହାର କର୍ମଚାରୀମାନେ ବିଭିନ୍ନ ରାଜ୍ୟର ଏଜେନ୍ସୀ ମଧ୍ୟରେ ସମନ୍ୱୟ ରକ୍ଷା ନିମନ୍ତେ ଦିନ-ରାତି କାର୍ଯ୍ୟ କରୁଛନ୍ତି, ଯାହା ସମୟ ସମୟରେ ନିଜର ଦଳ ଏବଂ ରାଜ୍ୟ ସଂସ୍ଥାକୁ ତୃଣମୂଳସ୍ତରରେ ସହାୟତା ଏବଂ ପ୍ରତିକ୍ରିୟା ପ୍ରଦାନ କରୁଛନ୍ତି । ସଠିକ୍ ସମୟରେ କାର୍ଯ୍ୟ ଭୁବନେଶ୍ୱର, ପୁରୀ, କେନ୍ଦ୍ରାପଡ଼ା ଏବଂ ଜଗତ୍ସିଂହପୁର ଆଦି ସ୍ଥାନରେ ଥିବା ସେସୁ କେନ୍ଦ୍ରଗୁଡ଼ିକୁ ତୁରନ୍ତ ବିଦ୍ୟୁତ୍ ଯୋଗାଣ ନିମନ୍ତେ, ବିପର୍ଯ୍ୟୟ ପରିଚାଳନା ଏବଂ ଉଚିତ ପଦକ୍ଷେପ ଗ୍ରହଣ ସ୍ୱରୂପ ପାୱାରଗ୍ରୀଡ଼ ତିନୋଟି ଉଚ୍ଚ ଶକ୍ତିସମ୍ପନ୍ନ ଡିଜି ସେଟ୍, ଅଧିକ ସଂଖ୍ୟକ ବିଦ୍ୟୁତ୍ ଖୁଣ୍ଟି, କଣ୍ଡକ୍ଟର ଏବଂ ଇନ୍ସୁଲେଟର ତଥା ଅନ୍ୟାନ୍ୟ ଆନୁଷଙ୍ଗିକ
ଉପକରଣ ଆଦି ଯୋଗାଇ ଦେଇଛି । ଏତଦ୍ବ୍ୟତୀତ ପାଣ୍ଡିଆବିଲି ଏବଂ ଅନୁଗୁଳ ସବ୍-ଷ୍ଟେସନରୁ ବିଦ୍ୟୁତ୍ ଯୋଗାଣର ଆବଶ୍ୟକତାକୁ ପୂରଣ କରିବା ନିମନ୍ତେ ଟ୍ରାନ୍ସଫର୍ମର ପାଇଁ ଆବଶ୍ୟକ ଇନ୍ଧନ ଏବଂ ଇନ୍ଧନ ବିଶୋଧନ ଯନ୍ତ୍ର ଆଦି ପାୱାରଗ୍ରୀଡ଼ ଦ୍ୱାରା ଯୋଗାଇ ଦିଆଯାଇଛି । ନିରନ୍ତର ବିକାଶ ପୁରୀ ଜିଲାରେ ଇଆର୍ଏସ୍ ମାଧ୍ୟମରେ ବିଦ୍ୟୁତ୍ ଯୋଗାଣ କରିବା ନିମନ୍ତେ ୧୩୨ କେଭି ଲାଇନର ପୁନଃରୁଦ୍ଧାର କରିବା ପାଇଁ ଓପିଟିସିଏଲ୍କୁ ପାୱାରଗ୍ରୀଡ଼ ମଧ୍ୟ ସହଯୋଗ କରୁଛି ଯାହାକି ଦିନେ ଦୁଇ ଦିନ ମଧ୍ୟରେ ବିଦ୍ୟୁତ ଯୋଗାଣକୁ ନିୟମିତ କରିବ ବୋଲି ଆଶା କରାଯାଉଛି । ଭାରତ ସରକାରଙ୍କ ଶକ୍ତି ମନ୍ତ୍ରଣାଳୟ ଅନ୍ତର୍ଗତ ଏକ ନବରତ୍ନ କେନ୍ଦ୍ରୀୟ ରାଷ୍ଟ୍ରାୟତ୍ତ ଉଦ୍ୟୋଗ ଏବଂ ବିଶ୍ୱର ଅନ୍ୟତମ
ବୃହତ୍ତ ବିଦ୍ୟୁତ୍ ସରବରାହ ବ୍ୟବସ୍ଥା, ପାୱାରଗ୍ରୀଡ଼ ନିଜର ଅଭିଜ୍ଞତାକୁ ଭିତ୍ତି କରି ବିଦ୍ୟୁତ୍ ଯୋଗାଣର ପୁନଃରୁଦ୍ଧାର କାର୍ଯ୍ୟରେ ତୀବ୍ରତା ଆଣିବାରେ ସକ୍ଷମ ହୋଇଛି ଏବଂ ମାନବସମ୍ବଳ ଓ ଅନ୍ୟାନ୍ୟ ଆନୁଷଙ୍ଗିକ ସାମଗ୍ରୀ ଯୋଗାଇବା ସହିତ ବିପର୍ଯ୍ୟୟ ପରିଚାଳନାରେ ମଧ୍ୟ ଏକ ବିଶେଷଜ୍ଞ ଭାବେ କାର୍ଯ୍ୟ କରୁଛି ।