ଭୁବନେଶ୍ୱର,ନିରପେକ୍ଷ ଖବର:୧୭/୧୧: ଗଣତନ୍ତ୍ରର ଜାଗ୍ରତ ପହରୀ ସାଜିଥିବା ଗଣମାଧ୍ୟମ ଏବେ ଅସୁରକ୍ଷିତ ମାନେକରୁଛନ୍ତି। କାର୍ଯ୍ୟରତ ସାମ୍ବାଦିକମାନେ କେତେବେଳେ ମାଡ ଖାଉଛନ୍ତି ଆଉ କେତେବେଳେ ନେତା ଓ ପୁଞ୍ଜିପତିଙ୍କ ଠାରୁ ଅପମାନିତ ହେଉଛନ୍ତି। ଫଳରେ ଦିନକୁ ଦିନ ସାମ୍ବାଦିକମାନେ ସତ୍ୟ ଖବର ପରିବେଷଣ କରିବାରେ ଭୟଭିତ ହେଉଛନ୍ତି। ତେଣୁ ସାମ୍ବାଦିକ ମାନଙ୍କ ସୁରକ୍ଷା ପାଇଁ ସ୍ୱତନ୍ତ୍ର ଆଇନ୍ ପ୍ରଣୟନ କରାଯିବା ଉଚିତ। ଜାତୀୟ ପ୍ରେସ ଦିବସ ଅବସରରେ ସାମ୍ବାଦିକ ମିଳିତ ମଞ୍ଚ ପକ୍ଷରୁ ଆୟୋଜିତ ଏହି ବୈଠକ ଏମିତି ଅଭିଯୋଗ ହୋଇଛି। ଏହାକୁ ବିଧାନସଭାରେ ଆଗତ କରିବା ପାଇଁ ଆଜି ଓଡ଼ିଶାର ବିଭିନ୍ନ ପ୍ରାନ୍ତରୁ ବିଭିନ୍ନ ବର୍ଗର ଶତାଧିକ ସାମ୍ବାଦିକ ଫରେଷ୍ଟ ପାର୍କରେ ଆଲୋଚନା କରିଥିଲେ । ଅନେକ ସମୟରେ ସାମ୍ବାଦିକମାନେ କର୍ତବ୍ୟ କରୁଥିବା ବେଳେ ବହୁବାର ଆକ୍ରମଣର ଶିକାର ହେଉଥିବା ନେଇ ଆଲୋଚନା ହୋଇଥିଲା । ଚଳିତ ବିଧାନ ସଭାରେ କିପରି ସ୍ୱତନ୍ତ୍ର ଆଇନ୍ ପ୍ରଣୟନ କରାଯିବ ଓ ଉକ୍ତ ବିଧେୟକ ଆଗତ ହେବ, ଏ ନେଇ ବିସ୍ତୃତ ଆଲୋଚନା କରାଯାଇଥିଲା । ଏହି ବିଧେୟକ ପ୍ରସ୍ତୁତ ପାଇଁ ଏକ ଡ୍ରାଫ୍ଟ କରିବା ସହ ବିଭିନ୍ନ ବିଧାୟକ, ମନ୍ତ୍ରୀଙ୍କୁ ଭେଟି ଆଲୋଚନା କରାଯିବ ବୋଲି ନିଷ୍ପତି ହୋଇଥିଲା । ବୈଠକ ପରେ ସାମ୍ବାଦିକମାନେ କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ରଙ୍କୁ ଭେଟି ଏ ସମ୍ପର୍କରେ ଆଲୋଚନା କରିଥିଲେ । ଏହି ବୈଠକରେ ବରିଷ୍ଠ ସାମ୍ବାଦିକ ପ୍ରଦ୍ୟୁମ୍ନ ଶତପଥୀ, ରାମଚଣ୍ଡି ପ୍ରସାଦ ରଣସିଂହ, ଲିଙ୍ଗରାଜ ସାହୁ, କିଶନ କୁମାର ବରାଇ, ଲକ୍ଷ୍ମୀନାରାୟଣ କାନୁନ୍‌ଗୋ, ସୁକାନ୍ତ ରାଉତ, ବିଦ୍ୟାଧର ବାରିକ, ଆଲ୍‌ଫା ରାୟ, ମେନକା ପରିଡ଼ା, ଅରୁଣ କୁମାର ସାହୁ, ଦୀପକ ମହାପାତ୍ର, ନର୍ମଳ ଚନ୍ଦ୍ର ସେଠୀ, ଶକ୍ତିପ୍ରସାଦ ଦାଶ, ସିଦ୍ଧାର୍ଥ ପ୍ରେମଦାଶ, ହେମନ୍ତ ପ୍ରଧାନ, ସିମ୍ପୁଲ ନାୟକ, ଏସ୍.କେ. ସୟଦ, ଅଶ୍ୱିନୀ କୁମାର ଦାସ, ପ୍ରବୀଣ କୁମାର ମହାପାତ୍ର, ଅଶୋକ ନାୟକ, ବିଭୂତି ନାୟକ, ଲକ୍ଷ୍ମୀକାନ୍ତ ଦାସ, ଦେବବ୍ରତ ମହାନ୍ତ, ଦେବସ୍ମିତା ବେହେରା, ବିମଳ ଚନ୍ଦ୍ର ପ୍ରଧାନ, ଗଜେନ୍ଦ୍ର ନାୟକ, ସତ୍ୟଜିତ୍ ରାଉତ, ଦେବଦତ୍ତ ପାତ୍ର, ଜିତେନ୍ଦ୍ର ମହାନ୍ତି, ଭାବନୀ ପ୍ରସାଦ ଦାସ, ପ୍ରଦୀପ ମହାନ୍ତି, ରାଜେଶ କୁମାର ମହାନ୍ତି, ପ୍ରସନ୍ନଜିତ୍ ତ୍ରିପାଠୀ, ଦୟାନିଧି ଦାଶ, ନିର୍ଲିପ୍ତା ବରାଳ, ବିକାଶ ଚନ୍ଦ୍ର ବେହେରା, ଗୌରପ୍ରସାଦ ମହାନ୍ତି, ଏସ୍.କେ. ଗୁଜୁରାଲ, ଏସ୍.କେ. ପ୍ରଧାନ, ସୌଗନ ଶତପଥୀ, କାହ୍ନା ନାୟକ, ସୁବିର କୁମାର ପଣ୍ଡା, ଦିଲ୍ଲୀପ ମହାନ୍ତି ପ୍ରମୁଖ ଉପସ୍ଥିତ ଥିଲେ ।