ଡିଏଲ୍ / ଆରସି ପାଖରେ ନଥିଲେ ବି ଟ୍ରାଫିକ ପୁଲିସ୍ ଦେଖାଇ ପାରିବେନି ନାଲିଆଖି…..

*ଭୁବନେଶ୍ୱର, (ନିରପେକ୍ଷ ଖବର  ) ୬/୯/୧୯: ଗାଡି ଚାଳକଙ୍କ ପାଇଁ ବଜ଼ାରକୁ ଆସିଲା ନୂଆ ଆପ। ଗାଡି ଚାଳକମାନଙ୍କୁ ଏଣିକି ହାତରେ କାଗଜପତ୍ର ଧରି ବୁଲିବାକୁ ପଡିବ ନାହିଁ । ପାଖରେ ଡିଏଲ୍ / ଆରସି ନଥିଲେ ବି କଟିବନି ଚାଲାଣ। ଏମ୍ ପରିବହନ ଆପରେ ଗାଡି ମାଲିକଙ୍କ ନାଁ , ରେଜିଷ୍ଟ୍ରେସନ୍ ତାରିଖ ,ମଡଲ୍ ନମ୍ବର ଏବଂ ଇନ୍ସୋରାନ୍ସର ବୈଧତା ଆଦି ସବୁକିଛି ବିବରଣୀ ଏହି ଆପରେ ରଖାଯାଇଛି। ରାସ୍ତାରେ ଗାଡି ଚଳାଉଥିଲା ବେଳେ ଟ୍ରାଫିକ ପୁଲିସ ଧରିଲେ ଆପଣ ଏହି ଡିଜିଲକର୍ ଆପ୍ ମାଧ୍ୟମରେ ଆରସି , ଲାଇସେନ୍ସ ଏବଂ ଇନ୍ସୋରାନ୍ସର କପି ଡାଉନଲୋଡ୍ କରି ଟ୍ରାଫିକ୍ ପୁଲିସଙ୍କୁ ଦେଖାଇପାରିବେ । ଭାରତ ସରକାରଙ୍କ ପରିବହନ ମନ୍ତ୍ରାଳୟ ଆଇଟି ଆକ୍ଟ ଅନୁସାରେ , ଡିଜିଲକର ଏବଂ ଏମ୍ ପରିବହନରେ ଥିବା ଦସ୍ତାବିଜର ଇଲେକ୍ଟ୍ରୋନିକ୍ କପିଗୁଡିକ ମୂଳ ଦସ୍ତାବିଜ୍ ଭଳି ଦେଖାଯାଉଛି । ଯଦି କୌଣସି ଯାତ୍ରୀ କିମ୍ବା ଗାଡି ଚାଳକଙ୍କ ପାଖରେ ଏହି ଆପର ମୂଳ ଦସ୍ତାବିଜ୍ ଅଛି ତେବେ ତାଙ୍କୁ କାଗଜପତ୍ର ଧରି ବୁଲିବାର କୌଣସି ଆବଶ୍ୟକତା ନାହିଁ । ତେବେ ଏହି ଆପକୁ ଡାଉନଲୋଡ୍ କରି ଆପଣ ଏବେ ସବୁ ସମସ୍ୟାର ସମାଧାନ କରିପାରିବେ।
*କେମିତି ଏହି ଆପକୁ ଡାଉନଲୋଡ କରିବେ* ..
ପ୍ରଥମେ ଆପଣଙ୍କ ମୋବାଇଲ କିମ୍ବା ଲାପଟୋପରେ ଡିଜିଲକର୍ ଆପକୁ ଡାଉନଲୋଡ କରନ୍ତୁ । ଆପ ଡାଉନଲୋଡ ହେବାପରେ ସାଇନ୍ ଅପ୍ କରିବା ପାଇଁ ମୋବାଇଲ୍ ନମ୍ବର ଏଣ୍ଟର କରନ୍ତୁ । ଆପଣଙ୍କ ମୋବାଇଲ୍ କୁ ଗୋଟିଏ ଓଟିପି କୋଡ୍ ଆସିବ ଯାହାକୁ ଏଣ୍ଟର କରି ଭେରିଫାଇ କରନ୍ତୁ । ଏବେ ଲଗଇନ୍ କରିବା ପାଇଁ ୟୁଜର୍ ନାଁ ଏବଂ ପାସୱାର୍ଡ ସେଟ୍ କରନ୍ତୁ । ଏହାପରେ ଆପଣଙ୍କ ଡିଜିଲକର୍ ଆକାଉଣ୍ଟ୍ ପ୍ରସ୍ତୁତ ହୋଇଯିବ । ବର୍ତ୍ତମାନ ନିଜ ଡିଜିଲକର୍ ଆକାଉଣ୍ଟ୍ ରେ ଆଧାର ନମ୍ବର ପ୍ରମାଣିତ କରିବାକୁ ପଡିବ । ଏହାପରେ ଆଧାର ଡାଟାବେସରେ ଆପଣଙ୍କ ଯେଉଁ ମୋବାଇଲ୍ ନମ୍ବର ରେଜିଷ୍ଟର୍ ଥିବ ଏଥିରେ ଗୋଟିଏ ଓଟିପି ଆସିବ ଯାହାକୁ ଏଣ୍ଟର କରିବା ପରେ ଆପଣଙ୍କ ଆଧାର ପ୍ରମାଣିତ ହୋଇଯିବ । ବର୍ତ୍ତମାନ ଆପଣ ଡିଜିଲକର୍ ଆପ୍ ମାଧ୍ୟମରେ ଆରସି , ଲାଇସେନ୍ସ ଏବଂ ଇନ୍ସୋରାନ୍ସର କପି ଡାଉନଲୋଡ୍ କରିପାରିବେ ଏବଂ ଟ୍ରାଫିକ୍ ପୋଲିସଙ୍କୁ ଦେଖାଇପାରିବେ । ଏମ୍ ପରିବହନ ଆପ୍ ରେ ଗାଡି ମାଲିକଙ୍କ ନାଁ , ରେଜିଷ୍ଟ୍ରେସନ୍ ତାରିଖ ,ମଡଲ୍ ନମ୍ବର ଏବଂ ଇନ୍ସୋରାନ୍ସର ବୈଧତା ଆଦି ବିବରଣୀ ରହିଥାଏ । ଆପଣଙ୍କୁ କୌଣସି କାଗଜପତ୍ର ସାଙ୍ଗରେ ନେଇ ଚାଲିବାକୁ ପଡିବ ନାହିଁ । ଟ୍ରାଫିକ୍ ପୋଲିସ୍ ନିଜ ପାଖରେ ଥିବା ମୋବାଇଲରୁ ଡ୍ରାଇଭର୍ କିମ୍ବା ପରିବହନର ବିବରଣୀ ନେବାପାଇଁ କ୍ୟୁଆର୍ କୋଡ୍ ଜରିଆରେ ଡାଟାକୁ ବାହାର କରି ଦେଖିପାରିବେ ଏବଂ ଡ୍ରାଇଭର୍ ଦ୍ୱାରା ଟ୍ରାଫିକ୍ ନିୟମ ଉଲ୍ଲଘଂନର ସମ୍ପୁର୍ଣ୍ଣ ରେକର୍ଡ ବି ରଖିପାରିବେ ।