କଟକ: ନିରପେକ୍ଷ ଖବର: ତା ୧୯/୧୧ ବ୍ୟାଙ୍କ ଅଫ ବରୋଦା କ୍ଷେତ୍ରୀୟ କାର୍ଯ୍ୟାଳୟ, କଟକସ୍ଥିତ ପଟ୍ଟାମୁଣ୍ଡାଇ ପୌରପାଳିକା ଟାଉନହଲରେ ଏକ ମେଗା କିଷାନ ମେଳା ଆୟୋଜିତ ହୋଇଯାଇଛି । ଯାହାର ଉଦ୍ଦେଶ୍ୟ ଥିଲା କୃଷକମାନଙ୍କୁ ଆଧୁନିକ କୃଷି ସୁବିଧା, ସରକାରୀ ଯୋଜନା ଏବଂ ସମନ୍ୱିତ ବ୍ୟାଙ୍କିଂ ସେବା ସହିତ ଯୋଡ଼ି ଗ୍ରାମୀଣ ସମ୍ପ୍ରଦାୟକୁ ସଶକ୍ତ କରିବା । ଏହି କାର୍ଯ୍ୟକ୍ରମରେ ଭୁବନେଶ୍ୱର ଜୋନର ମହାପ୍ରବନ୍ଧକ ଏବଂ ଜୋନାଲ ମୁଖ୍ୟ ସ୍ୱପ୍ନା ବନ୍ଦୋପାଧ୍ୟାୟ, କଟକ କ୍ଷେତ୍ରର
ଏଜିଏମ୍ ଏବଂ କ୍ଷେତ୍ରୀୟ ମୁଖ୍ୟ ପ୍ରଦୀପ କୁମାର ବେହେରା, କଟକ କ୍ଷେତ୍ରର ଡିଆରଏମ୍ ଗୌତମ ପାଲ ଉପସ୍ଥିତ ଥିଲେ । କେନ୍ଦ୍ରାପଡ଼ା, ପଟ୍ଟାମୁଣ୍ଡାଇ, ହାତିନା, କେରାଗଡ଼, ଚାଣ୍ଡି ଇତ୍ୟାଦି ବିଭିନ୍ନ ଶାଖାର କର୍ମଚାରୀଙ୍କୁ ଏହି କାର୍ଯ୍ୟକ୍ରମ ମାଧ୍ୟମରେ ସମ୍ମାନିତ କରାଯାଇଥିଲା । ବିଭିନ୍ନ ସ୍ୱୟଂ ସହାୟକ ଗୋଷ୍ଠୀ(ଝଐଏ)ର ୩୫୦ରୁ ଅଧିକ ଚାଷୀ ଏବଂ ମହିଳା ମେଳାରେ ସକ୍ରିୟ ଭାବରେ ଅଂଶଗ୍ରହଣ କରିଥିଲେ । ଏହି କାର୍ଯ୍ୟକ୍ରମ ସମୟରେ ବ୍ୟାଙ୍କ ଅଫ ବରୋଦା ମୋଟ ୨୯.୧୪ କୋଟି ଟଙ୍କାର କୃଷି ଋଣ ମଞ୍ଜୁର ଏବଂ ବଣ୍ଟନ କରିଥିଲା, ଯାହା ମଧ୍ୟରୁ୨୦ କୋଟି ଟଙ୍କା ଘଟଣାସ୍ଥଳରେ ପ୍ରଦାନ କରାଯାଇଥିଲା । ଏଥିରେ ବରୋଦା କିଷାନ କ୍ରେଡିଟ୍ କାର୍ଡ(ଈକଉଉ),ଝଐଏ ଆର୍ଥିିକ ସହାୟତା, ଖାଦ୍ୟ ଏବଂ କୃଷିଭିତ୍ତିକ ଋଣ, ଗ୍ରାମୀଣ ଗୋଦାମ, ଟ୍ରାକ୍ଟର ଋଣ, ଅମଳକାରୀ ଋଣ ଏବଂ ଅନ୍ୟାନ୍ୟ କୃଷି ସମ୍ବନ୍ଧୀୟ ଋଣ ଉତ୍ପାଦ ଅନ୍ତର୍ଭୁକ୍ତ ଥିଲା । ମେଳାରେ କୃଷକମାନଙ୍କ ପାଇଁ ବ୍ୟାଙ୍କର ପ୍ରମୁଖ ଆର୍ଥିକ ସେବା ଯେପରିକି ଡିଜିଟାଲ କିଷାନ କ୍ରେଡିଟ୍ କାର୍ଡ, ଟ୍ରାକ୍ଟର ଋଣ, କୃଷି, କାର ଋଣ, ଦୁଗ୍ଧ ଋଣ, ଖାଦ୍ୟ ପ୍ରକ୍ରିୟାକରଣ ଯୋଜନା, କୃଷି
ଭିତ୍ତିଭୂମି ଋଣ ଏବଂ ଡିଜିଟାଲ ସୁନା ଋଣ ପ୍ରଦର୍ଶିତ ହୋଇଥିଲା । ଚାଷୀମାନଙ୍କୁ ଅନଲାଇନ ଠକେଇ ଏଡ଼େଇବା ପାଇଁ ସତର୍କତା ବିଷୟରେ ସଚେତନ କରାଯାଇଥିଲା । ଏବଂ ଡିଜିଟାଲ ବ୍ୟାଙ୍କିଂ ସେବାର ନିରାପଦ ଏବଂ ପ୍ରଭାବଶାଳୀ ବ୍ୟବହାର ଉପରେ ମାର୍ଗଦର୍ଶନ କରାଯାଇଥିଲା । ଲାଭ ବୃଦ୍ଧି କରିବା ପାଇଁ ସେମାନଙ୍କୁ ଅଭିନବ କୃଷି ପଦ୍ଧତି ଶିକ୍ଷା ଦିଆଯାଇଛି।
