ଭୁବନେଶ୍ୱର, ନିରପେକ୍ଷ ଖବର: ତା ୧୮.୦୯- ଆସନ୍ତା ସେପ୍ଟେମ୍ବର ୨୫ ତାରିଖରେ ୬୬୨ ବର୍ଗ କଲେଜ ସଂଘ ବିଧାନସଭା
ଘେରିବ ଓ ୨୬ ତାରିଖରେ ସମସ୍ତ ବିଧାୟକ ମାନଙ୍କ ଜରିଆରେ ମାନ୍ୟବର ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ
ଦାବୀପତ୍ର ପ୍ରଦାନ କରାଯିବ ବୋଲି ଆଜି ଏକ ସାମ୍ବାଦିକ ସମ୍ବଳନୀରେ ଘୋଷଣା କରିଛନ୍ତି ସଂଘର ସଭାପତି
ଗୋଲକ ନାୟକ । ଆଜି ଧାରଣା ସ୍ଥଳରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ସରକାରଙ୍କର
କାଳକ୍ଷେପଣ ନୀତିରେ କ୍ଷୋଭ ପ୍ରକାଶ କରି ସେ କହିଥଲେ ଯେ ଦୀର୍ଘ ୨୨୦ ଦିନ ହେଲା ଲୋଏର
ପି.ଏମ୍.ଜିରେ ଅହୋରାତ୍ର ଧାରଣା ଚାଲିଛି । ଏହା ମଧ୍ୟରେ ୫ଥର ମହାସମାବେଶ କରି ହଜାର ହଜାର
ଅଧ୍ୟାପକ କର୍ମରୀ ନାଯ୍ୟ ଦାବୀ ସରକାରଙ୍କର ଦୃଷ୍ଟି ଆକର୍ଷଣ କରିଥିଲେ ମଧ୍ୟ ସରକାରଙ୍କର କୁମ୍ଭକର୍ଣ
ନିଦ୍ରା ଭାଙ୍ଗୁନାହିଁ । ସଂଘ ତାର ନାଯ୍ୟ ଦାବୀ ସମାନ ଗ୍ରେଡ ପେ ଆଧାରରେ ସମାନ କାମକୁ ସମାନ ଦରମା
ପ୍ରଦାନ, ଏହି ବର୍ଗର କର୍ମରୀମାନଙ୍କୁ ଚାକିରୀ ସର୍ତାବଳୀ ସହ ପେନସନ ପରିସର ଭୁକ୍ତ କରିବା, ୨୦୧୮
ଜି.ଓରେ ଉପକୃତ କର୍ମରୀମାନଙ୍କୁ ସପ୍ତମ ବେତନ କମିଶନର ଆଧାରରେ ଦରମା ପ୍ରଦାନ ଓ ବାଦ୍ ପଢିଥିବା
କର୍ମଚାରୀ ମାନଙ୍କୁ ଅନୁଦାନ ପରିସରଭୁକ୍ତ କରିବା ଦାବୀରେ ଆନ୍ଦୋଳନ ଜାରି ରଖୁଛନ୍ତି । ଏହା ମଧ୍ୟରେ
ମାନ୍ୟବର ମନ୍ତ୍ରୀ ଅତନୁ ସବ୍ୟସାଚୀ ନାୟକଙ୍କ ସହ ଆଲୋଚନା ଓ ଅଫିସର ସ୍ତରରେ ବହୁବାର ଆଲୋଚନା
ହୋଇଥିଲେ ମଧ୍ୟ କେବଳ ପ୍ରତିଶ୍ରୁତିରେ ସବୁ ଅଟକି ରହିଛି । ସରକାରଙ୍କ ଅନୁରୋଧ ରକ୍ଷା କରି ପରୀକ୍ଷା
ସୁପରିଚାଳନା କରିବା, ମୂଲ୍ୟାୟନ କାର୍ଯ୍ୟରେ ସହଯୋଗ କରିବା, ଛାତ୍ରଛାତ୍ରୀଙ୍କ ପାଠପଢ଼ା ପ୍ରତି ଅନୁରାଗ
ରଖ୍ କାର୍ଯ୍ୟ କଲେ ମଧ୍ୟ ସରକାରଙ୍କ ଏମାନଙ୍କୁ ଠକି ଚାଲିଛନ୍ତି । ଏହାର ପ୍ରତିବାଦରେ ୨୧ ତାରିଖ ଦିନ
ସମସ୍ତ କର୍ମରୀ ସେମାନଙ୍କ ଅନୁଷ୍ଠାନ ନିକଟରେ ଉପସ୍ଥିତ ହୋଇ ଏହାର ପ୍ରତିବାଦ କରିବେ । ଏହି ସମୟ
ମଧ୍ୟରେ ଯଦି ସରକାର କୌଣସି ଘୋଷଣା ନକରନ୍ତି ତେବେ ୨୫ ତାରିଖ ଦିନ ହଜାର ହଜାର କର୍ମରୀ
ଏକତ୍ରିତ ହୋଇ ବିଧାନସଭା ଘେରାଉ କରିବେ । ତା ସହିତ ୨୬ ତାରିଖରେ ସମସ୍ତ ବିଧାୟକମାନଙ୍କ
ଜରିଆରେ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉଦ୍ଦେଶ୍ୟରେ ଦାବୀପତ୍ର ପ୍ରଦାନ କରାଯିବ । ଚଳିତ
ବିଧାନସଭା ସମୟରେ ଯଦି ସରକାର କୌଣସି ଘୋଷଣା ନକରନ୍ତି ତେବେ ପରବର୍ତୀ କାଳରେ
ମହାବିଦ୍ୟାଳୟ ବନ୍ଦ କରି ପାଠପଢ଼ା ସଂପୂର୍ଣ୍ଣ ଠପ୍ କରିଦିଆଯିବ ବୋଲି ସଂଘର ସଭାପତି ଶ୍ରୀଯୁକ୍ତ ନାୟକଙ୍କ
ସମେତ ଦୁଇ ସାଧାରଣ ସଂପାଦକ ସତାପ ଉଦ୍ଦିନ୍ ଅହମ୍ମଦ, ଡଃ ଗଗନ ବେଉରା, ରଂଜନ ପ୍ରଧାନ, ଡଃ
ଘନ ଜେନାଙ୍କ ସମେତ ୩୦ ଜିଲ୍ଲାର ସଭାପତି ଓ ସଂପାଦକମାନେ ଆଜି ଏକ ପ୍ରେସ ଇସ୍ତାହାରରେ
ସରକାରଙ୍କୁ ଚେତାବନୀ ଦେଇଛନ୍ତି ।
