ଭୁବନେଶ୍ବର, ନିରପେକ୍ଷ ଖବର:୧୧/୦୧ ଶିକ୍ଷା, ସ୍ବାସ୍ଥ୍ୟ ଓ ଅନେକ ମୌଳିକ ସୁବିଧାରୁ ବଞ୍ଚିତ ହେଉଛନ୍ତି ଆଦିବାସୀ। ରାଜ୍ୟ ସରକାର ବିଭିନ୍ନ ନିଷ୍ପତ୍ତି ଗ୍ରହଣ କରୁଥିବାବେଳେ ତାହା ଆଦିବାସୀଙ୍କୁ ସୁହାଇବା ବଦଳରେ ସେମାନଙ୍କର କ୍ଷତି କରୁଛି । ତେଣୁ ସରକାର ତୁରନ୍ତ ଆଦିବାସୀଙ୍କ ସମସ୍ୟାକୁ ଉପଲବ୍ଧି କରି ସମାଧାନ କରିବା ଦାବିରେ ବିଭିନ୍ନ ଜିଲାରୁ ହଜାର ହଜାର ଆଦିବାସୀ ବିରାଟ ଶୋଭାଯାତ୍ରାରେ ଆସି ଗାନ୍ଧୀ ମାର୍ଗରେ ଏକତ୍ରିତ ହୋଇ ଧାରଣାରେ ବସିବା ସହିତ କହିଥିଲେ ଯେ ପର୍ଯ୍ୟନ୍ତ ଦାବି ପୂରଣ ନହୋଇଛି ସେ ପର୍ଯ୍ୟନ୍ତ ଲଢ଼େଇ ଜାରି ରହିବ ଓ ଏହି ଅବସରରେ ୯ଦଫା ସମ୍ବଳିତ ଦାବିପତ୍ର ରାଜ୍ୟପାଳଙ୍କୁ ମଧ୍ୟ ପ୍ରଦାନ କରିଥିଲା। ଓଡିଶା ଆଦିବାସୀ ସଂଘ ପକ୍ଷର ଆଦିବାସୀମାନେ ସରକାର ବିରୋଧୀ ନାରାବାଜି ଦେବା
ସହିତ ହାତରେ ପ୍ଲା-କାର୍ଡ ଧରି ସମସ୍ୟାର ସମାଧାନ ପାଇଁ ଦାବି କରିଥିଲେ । କ୍ୟାବିନେଟ ନିଷ୍ପତ୍ତି ରିଜୋଲ୍ୟୁସନ-୨ରେ ଆଦିବାସୀ ଜମିକୁ ଅଣ ଆଦିବାସୀଙ୍କୁ ବିକ୍ରୟ କରିବା ନିଷ୍ପତ୍ତି ପ୍ରତ୍ୟାହାର, ପେସା ଆଇନ ୧୯୯୬କୁ ତୁରନ୍ତ ଲାଗୁ କରିବା,ବନ ସଂରକ୍ଷଣ ସଂଶୋଧନ ବିଲ୍ ୨୦୨୩ ତୁରନ୍ତ ପ୍ରତ୍ୟାହାର ପ୍ରଭୃତି ଦାବି କରିଥିଲେ।ଏହି ମହାସମାବେଶରେ ମହାସଂଘର ସଭାପତି କାରମା ଲାକ୍ରା, ମହାସଚିବ ଶରତ ଚନ୍ଦ୍ର ନାଏକ, ଉପ-ସଭାପତି ଧ୍ରୁବ କାଲୋ, ସଂଯୋଜକ ରବୀନ୍ଦ୍ର ନାଥ ମାଡି, କୋରାପୁଟ ଜିଲା ସଭାପତି ଶିବ ମୁଦୁଲି, ମାଲକାନଗିରି ସଭାପତି ଗନ୍ଦ ମୁଦୁଲି, ନବରଙ୍ଗପୁର ସଭାପତି ଗୋପୀନାଥ ମାଝି, ରାୟଗଡ଼ା ସଭାପତି ଲକ୍ଷ୍ମୀ ପାରାସକା, ମୟୂରଭଞ୍ଜର ସୁକାନ୍ତି ନାଏକ ସମଖ ହଜାର ହଜାର ସଦସ୍ୟ ସାମିଲ ହୋଇଥିଲେ ।
