ଭୁବନେଶ୍ୱର, ନିରପେକ୍ଷ ଖବର: ତା ୨୧/୦୨ ଓଡ଼ିଶା କୃଷକ ସାଥୀ ସଂଘର କୃଷକ ସାଥୀ ଭାଇ ଓ ଭଉଣୀ ମାନେ କୃଷି ଓ କୃଷକର ଉନ୍ନତି ଦିଗରେ ଦୀର୍ଘ ଦିନ ଧରି କାର୍ଯ୍ୟ କରି ଆସୁଛନ୍ତି। ଦୁଃଖ ଓ ପରିତାପର ବିଷୟ ରାଜ୍ୟ ସରକାର କୃଷକ ସାଥୀ ମାନଙ୍କୁ ସେମାନଙ୍କର ପରିବାର ପ୍ରତିପୋଷଣ ପାଇଁ ମାସିକ ବେତନ ବ୍ୟବସ୍ଥା କରିବା ପାଇଁ ପ୍ରତିଶୃତି ଦେଈ ପ୍ରତାରଣା କରୁଛନ୍ତି। ବାର୍ଷିକ ₹୧୨୦୦୦ ଥିବା ବେଳେ ଏବେ ମାତ୍ର ₹୧୮୦୦୦ ଘୋଷଣା କରିଛନ୍ତି। ଏହା ସାଧାରଣ ଭତା ଠାରୁ ଭି କମ ଅଟେ। ତେଣୁ ଏହା କୃଷକ ମାନଙ୍କୁ ସମ୍ମାନ ବଦଳରେ ଭିକାରୀ କୁ ଭିକ୍ଷା ଦେଲା ପରି ଲାଗୁଛି। ସେଥିପାଇଁ କୃଷକ ସାଥୀ ସଂଘ ପକ୍ଷରୁ ସରକାରଙ୍କୁ ଗଣମାଧ୍ୟମ ଦ୍ଵାରା ଅନୁରୋଧ କରାଯାଉଛି। ଆମର ପୂର୍ବରୁ ଦିଆଯାଇଥିବା ଦାବୀ ଗୁଡ଼ିକ ପୂରଣ ଯଦି ଆଗାମୀ ସାତଦିନ ମଧ୍ୟରେ ରାଜ୍ୟ ସରକାର ନକରିନ୍ତି। ତେବେ ହଜାର ହଜାର କୃଷକଙ୍କ ସହ ରାଜରାସ୍ତାକୁ ଓହ୍ଲାଇବ ଓଡ଼ିଶା କୃଷକ ସାଥି ସଂଘ ଏନେଇ ସୂଚନା ଦେଇଛନ୍ତି ସଂଘର ସାଧାରଣ ସଂପାଦକ ଜିତେନ୍ଦ୍ର ସାହୁ।
