ବାରିପଦା(ନିରପେକ୍ଷ ଖବର)ତା-୧୩/୦୨-ବାରିପଦା ସହର ଭିତରେ ଚାଲିଛି ଚୋରା ତେଲ କାରବାର। ନକଲି ତେଲ ବିକ୍ରି କରୁଥିବା ବେଳେ ଜଣେ ଅଭିଯୁକ୍ତ ବ୍ୟବସାୟୀକୁ ଗିରଫ କରିଛି ବାରିପଦା ଟାଉନ ଥାନା ପୁଲିସ। ଅଭିଯୁକ୍ତ ପାଖରୁ ଦୁଇ ଲିଟର ନକଲି ସୋରିଷ ତେଲ ଜବତ କରାଯାଇଛି।
ଏଥିସହିତ ବ୍ୟବସାୟୀ ଅଶୋକ କୁମାର ସାହୁ ଙ୍କୁ ବାରିପଦା ଟାଉନ ପୁଲିସ ପକ୍ଷରୁ ଅଟକ ରଖାଯାଇଛି। ସୂଚନା ମୁତାବକ ବୁଧୁବାର ରାତି ୧୦:୩୦ ସମୟରେ ବାରିପଦା ସହର ମଧ୍ୟ ଭାଗରେ ଥିବା ଗାନ୍ଧୀ ମାର୍କେଟରେ ନକଲି ସୋରିଷ ତେଲ ବିକ୍ରି ହେଉଥିବା ଅଭିଯୋଗ ହୋଇଥିଲା। ଏହି ଅଭିଯୋଗକୁ ଭିତ୍ତିକରି ଟାଉନ ଥାନା ପୋଲିସ ବିଳମ୍ବିତ ରାତିରେ ଦୋକାନ ଉପରେ ଅତର୍କିତ ଚଢ଼ାଉ କରି ୨ ଲିଟର ତେଲ ଜବତ କରିବା ସହ ଅଭିଯୁକ୍ତ ବ୍ୟବସାୟୀଙ୍କୁ ଥାନାକୁ ଆଣି ଅଟକ ରଖିଥିଲେ।ବାରିପଦା ଟାଉନ ଥାନାରେ ଏନେଇ କେସ ନମ୍ବର ୮୧/୨୦୨୦ ରେ ଅଭିଯୋଗ ରୁଜୁ ହୋଇଛି।ଏଥି ସହିତ ଜବତ ତେଲ କୁ ପରୀକ୍ଷା ପାଇଁ ଲେବିରୋଟାରୀ କୁ ପଠାଯାଇଛି ବୋଲି ଥାନାଧିକାରୀ ବିରେନ୍ଦ୍ର କୁମାର ସେନାପତି ସୂଚନା ଦେଇଛନ୍ତି।
