*ରାସ୍ତା ପାରି ହେଉଥିବା ବେଳେ ଅଜଣା ଗାଡି ଧକ୍କାରେ ବୃଦ୍ଧା ଙ୍କ ମୃତ୍ୟୁ…..
ବାରିପଦା(ନିରପେକ୍ଷ ଖବର)ତା-୧୦/ଜାନୁଆରୀ/୨୦୨୦-ଭତ୍ତା ନେବା ପାଇଁ ରାସ୍ତା ପାରି ହେଉଥିବା ବେଳେ ଅଜଣା ଗାଡି ଧକ୍କାରେ ବୃଦ୍ଧା ଙ୍କ ମୃତ୍ୟୁ।
ମୟୁରଭଞ୍ଜ ଜିଲ୍ଲା କୁଳିଅଣା ଥାନା ୧୮ ନମ୍ବର ଜାତୀୟ ରାଜପଥ ବାଇଗଣବାଡ଼ିଆ ଛକରେ ଏ ଭଳି ଏକ ଦୁଃଖଦ ଘଟଣା ଘଟିଛି। ବାଇଗଣବାଡ଼ିଆ ଗ୍ରାମପଞ୍ଚାୟତ ର ଚାଉଳଘେରି ଗ୍ରାମର ବୃଦ୍ଧା ସୁନି ସିଂ ଗ୍ରାମପଞ୍ଚାୟତ କୁ ଭତ୍ତା ନେବାପାଇଁ ୧୮ ନମ୍ବର ଜାତୀୟ ରାଜପଥ ପାରି ହେଇଯାଉଥିବା ବେଳେ ଅଜଣା ଗାଡି ପଛପଟୁ ଧକ୍କାଦେଇଥିଲା ଫଳରେ ବୃଦ୍ଧା ଜଣଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିଲା । ଅଜଣା ଗାଡି ଟି ବୃଦ୍ଧା ଙ୍କୁ ଧକ୍କା ଦେବାପରେ ଘଟଣାସ୍ଥଳରୁ ଫେରାର ହୋଇଯାଇଛି।
ଦୁର୍ଘଟଣା ପରେ ଗ୍ରାମବାସୀ ମୃତକ ଙ୍କ ପରିବାର ବର୍ଗ କୁ କ୍ଷତିପୂରଣ ଓ ବାଇଗଣବାଡ଼ିଆ ଛକ ରେ ଓଭରବ୍ରିଜ ନିର୍ମାଣ ଦାବିରେ ଜାତୀୟ ରାଜପଥ ଅବରୋଧ କରିଛନ୍ତି। 
ଘଟଣାସ୍ଥଳରେ ଅତିରିକ୍ତ ଆରକ୍ଷୀ ଅଧିକ୍ଷକ ପହଞ୍ଚି ଉତ୍ତକ୍ତ ଲୋକଙ୍କ ସହ ବୁଝାସୁଝା କରିଥିଲେ ବି ବର୍ତ୍ତମାନ ସୁଦ୍ଧା ରାସ୍ତାରୋକ ହଟିନାହିଁ। ଜାତୀୟ ରାଜପଥର ଦୁଇ ପାର୍ଶ୍ୱ ୨କିଲୋମିଟର ପର୍ଯ୍ୟନ୍ତ ଅବରୋଧ ହେବାଫଳରେ ଶହଶହ ଟ୍ରକ ଓ ବସ ଅଟକି ରହିଛି।
