ଭୁବନେଶ୍ୱର, ନିରପେକ୍ଷ ଖବର: ତା.୧୨/୦୧/୨୦୧୯ରିଖ
ସ୍ୱାମୀ ବିବେକାନନ୍ଦଙ୍କ ୧୫୬ତମ ଜନ୍ମବାର୍ଷିକୀ ତଥା ଜାତୀୟ ଯୁବ ଦିବସ ଉପଲକ୍ଷେ କ୍ରୀଡ଼ା ଓ ଯୁବସେବା ବିଭାଗ ଆନୁକୂଲ୍ୟରେ ଆଜି ସକାଳେ ସ୍ଥାନୀୟ କଳିଙ୍ଗ ଷ୍ଟାଡିୟମ୍ ସମ୍ମୁଖରେ
ଶ୍ରଦ୍ଧାଞ୍ଜଳି ଅର୍ପଣ ଓ ସମୂହ ପଦଯାତ୍ରା ଆୟୋଜିତ ହୋଇଥିଲା ।
ସ୍ୱାମୀ ବିବେକାନନ୍ଦଙ୍କ ପ୍ରତିମୂର୍ତ୍ତିରେ ଭୁବନେଶ୍ୱର ରାମକୃଷ୍ଣ ମିଶନ୍ର ସଂପାଦକ ସ୍ୱାମୀ ଆତ୍ମାପ୍ରଭାନନ୍ଦଜୀ ମାଲ୍ୟାର୍ପଣ କରି ବିବେକାନନ୍ଦଙ୍କୁ ଭାରତୀୟ ଦର୍ଶନ ଓ ଚିନ୍ତନର ଆତ୍ମା ଭାବରେ
ଅଭିହିତ କରିଥିଲେ । ପରେ ସେଠାରେ ଆରମ୍ଭ ହୋଇଥିବା ରାଲିର ଶୁଭାରମ୍ଭ କରିଥିଲେ । ପ୍ରାୟ ସାଢ଼େ ତିନି ଶହ ଛାତ୍ର, ଯୁବକ ଓ ସଚେତନ ନାଗରିକ ଭାଗ ନେଇଥିଲେ । ଷ୍ଟାଡିୟମ୍ର ୩ ନଂ ଗେଟ୍ରୁ ରାଲି ବାହାରି ପାୱାର ହାଉସ୍ ଛକଠାରେ ପହଞ୍ଚି ପୁନଶ୍ଚ
ଷ୍ଟାଡିୟମ୍ଠାରେ ସମାପ୍ତ ହୋଇଥିଲା । କାର୍ଯ୍ୟକ୍ରମରେ କ୍ରୀଡ଼ା ଓ ଯୁବସେବା ବିଭାଗର ଯୁଗ୍ମ ଶାସନ ସଚିବ ମନୋଜ କୁମାର
ପାଢ଼ୀ, ଉପଶାସନ ସଚିବ ବେଦବନ୍ଧୁ ମିଶ୍ର ଓ ବିଜୁ ଯୁବ ବାହିନୀର କାର୍ଯ୍ୟକ୍ରମ ଅଧିକାରୀ ହରେଶ ମିଶ୍ର ଓ ଅନ୍ୟାନ୍ୟ ପଦାଧିକାରୀ ପଦଯାତ୍ରାରେ ସାମିଲ ହୋଇଥିଲେ ।
