ପୋଲିସ ଅଫିସର ଙ୍କୁ ସରକାରଙ୍କ ଅଣଦେଖା କାହିଁକି ?

**୧୫ ହଜାର ରେ ୧୮ ଘଂଟା କାମ କରୁଛନ୍ତି ପୋଲିସ ଏ.ଏସ.ଆଇ, ୯ ହଜାର ରେ ଖଟୁଛନ୍ତି କନେଷ୍ଟବଳ**

ନିରପେକ୍ଷ ଖବର:ତା ୨୩/୦୬ (ରାଜେଶ କୁମାର ଲେଙ୍କା) (କଟକ):ସରକାରଙ୍କ ତରଫରୁ ବାରମ୍ବାର ପ୍ରଚାର ଓ ପ୍ରସାର କରାଯାଉଛି କରୋନା ଯୋଦ୍ଧାଙ୍କୁ ସମ୍ମାନ ଓ ସହଯୋଗ କରିବା ପାଇଁ,କିନ୍ତୁ ବାସ୍ତବରେ କହିବାକୁ ଗଲେ କରୋନା ଯୋଦ୍ଧା ମାନେ କଣ ଏହି ସମ୍ମାନ କୁ ନେଇକି ସେମାନଙ୍କର ପରିବାର ପୋଷିବେ। କରୋନା ଯୋଦ୍ଧାଙ୍କ ସମସ୍ୟା ଉପରେ ସରକାରଙ୍କ ନଜର ପଡୁନାହିଁ ଓ ସେମାନଙ୍କ ସମସ୍ୟା ଉପରେ ମଧ୍ୟ ଗୁରୁତ୍ବ ଦିଆ ଯାଉନାହିଁ। ଓଡ଼ିଶା ସରକାରଙ୍କ ଅଧିନରେ ଚାକିରି କରିଥିବା ପୋଲିସ ଏବେ ଆଗ ଧାଡ଼ିର କରୋନା ଯୋଦ୍ଧା ପାଲଟିଛନ୍ତି,କିନ୍ତୁ ସେମାନଙ୍କୁ ସେମାନଙ୍କ ପରିଶ୍ରମର ଉପଯୁକ୍ତ ପାରିଶ୍ରମିକ ମୂଲ୍ୟ ମିଳୁ ନଥିବାରୁ ପୋଲିସ ଅଫିସରଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇବାରେ ଲାଗିଛି ଓ ସେମାନଙ୍କର ପରିବାର ର ଭରଣ ପୋଷଣ ପାଇଁ ସେମାନେ ଏକ ପ୍ରକାର ଅକ୍ଷମ ହୋଇ ପଡିଛନ୍ତି।ଓଡ଼ିଶା ସରକାରଙ୍କ ଅଧିନରେ ଚାକିରି କରୁଥିବା ଏସଆଇ ଙ୍କୁ ୧୫,୦୦୦ ଟଙ୍କା ମିଳୁଥିବା ବେଳେ କନେଷ୍ଟବଳ ଙ୍କୁ ୯୦୦୦ ରୁ କମ ଟଙ୍କା ମିଳୁଛି ଏବଂ ଏହା ମଧ୍ୟ କେତେକ ସମୟରେ ଠିକ୍ ଭାବରେ ମିଳୁ ନାହିଁ ବୋଲି ପୋଲିସ ଅଫିସର କହିଛନ୍ତି,ଯାହାକୁ ନେଇକି ସେମାନଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇବାରେ ଲାଗିଛି।କିନ୍ତୁ ସେମାନେ ଖୋଲାଖୋଲି ଏହାର ବିରୋଧ ମଧ୍ୟ କରି ପାରୁ ନାହାଁନ୍ତି।ବିଶେଷ କରି ନୂଆ କରି ଯୋଗ ଦେଇ ଥିବା କର୍ମଚାରୀ ମାନେ ଏବେ ବହୁତ ଅସୁବିଧାରେ ଅଛନ୍ତି।ସରକାରୀ ଚାକିରୀ କରି ମଧ୍ୟ ସେମାନଙ୍କ ଜୀବନ ଦୁର୍ବିସହ ହୋଇ ପଡ଼ିଛି।୨୦୧୩ ମସିହା ପରଠାରୁ ପୋଲିସ ବିଭାଗରେ ଚୁକ୍ତଭିତ୍ତିକ ନିଯୁକ୍ତି ଭାବରେ ଉଭୟ ଏସଆଇ ଓ କନେଷ୍ଟବଳ ଙ୍କ କ୍ଷେତ୍ରରେ ଏହି ନିୟମ ଲାଗୁ କରାଯାଇଥିଲା ଏବଂ ୬ ବର୍ଷ କାମ କରିବା ପରେ ସ୍ଥାୟୀ ନିଯୁକ୍ତି ମିଳୁଥିଲା।ଏହାପରେ ୨୦୧୫ ମସିହାରେ ଏସଆଇ ମାନଙ୍କ ପାଇଁ ଯେଉଁ ପଦବୀ ବାହାରି ଥିଲା ସେମାନଙ୍କୁ

୨୦୧୯ ମସିହା ରେ ନିଯୁକ୍ତି ମିଳୁଥିଲା। ଆହୁରି ଅନେକ ଏସ ଆଇ ପଦବୀ ପାଇଁ ନିଯୁକ୍ତି ପ୍ରକାଶ ପାଇ ଥିଲେ ମଧ୍ୟ ସେମାନଙ୍କୁ ଏ ପର୍ଯ୍ୟନ୍ତ ନିଯୁକ୍ତି ମିଳି ପାରି ନାହିଁ।ଅଫିସ୍ ସୂଚନା ଅନୁଯାୟୀ ୨୦୨୧ ରେ ଏହି ନିଯୁକ୍ତି ମିଳିବ ବୋଲି ଜଣା ପଡିଛି ।ସେହିଭଳି କନେଷ୍ଟବଳ ଙ୍କୁ ମୋଟ ୯୦୦୦ ଟଙ୍କା ମିଳୁଥିବା ବେଳେ ସେମାନଙ୍କ ପାଖରେ ପହଞ୍ଚିଛି ୮୦୦୦ ଟଙ୍କା,ସେଥିରେ ନିଜର ଖର୍ଚ୍ଚ ଓ ପରିବାର ଭରଣ ପୋଷଣ କଥା ନ କହିବା ଭଲ। ବର୍ତ୍ତମାନ ଓଡ଼ିଶା ପୋଲିସ କାର୍ଯ୍ୟ କ୍ଷେତ୍ରରେ ଦେଶରେ ଏକ ନମ୍ବର।ସେମାନେ ୨୪ ଘଣ୍ଟାରୁ ୧୬ ଘଣ୍ଟା ପରିଶ୍ରମ କରୁଛନ୍ତି।ଦରମା କଥା କହିବାକୁ ଗଲେ ଦେଶରେ ସବୁଠୁ କମ ପାରିଶ୍ରମିକ ମିଳୁଛି ଓଡ଼ିଶା ପୋଲିସ ଙ୍କୁ।ପୋଲିସ ଏସ ଆଇ ଙ୍କୁ ପୋଲିସ ବାହିନୀର ମେରୁଦଣ୍ଡ ବୋଲି କୁହା ଯାଇଥାଏ।ସେମାନେ ପ୍ରାୟତଃ ବିଭାଗର ସମସ୍ତ ତଦନ୍ତ ଭାର ଗ୍ରହଣ କରିଥାନ୍ତି।ସପ୍ତମ ବେତନ କମିଶନଙ୍କ ନିୟମ ଅନୁସାରେ ସେମାନଙ୍କୁ ୧୯ ହଜାର ଏବଂ କନେଷ୍ଟବଳ ଙ୍କୁ ୧୫ ହଜାର ପାରିଶ୍ରମିକ ମୂଲ୍ୟ ମିଳିବା କଥା ସେତିକି ମଧ୍ୟ ସେମାନଙ୍କୁ ଦିଆ ଯାଉନାହିଁ। ଯାହାକୁ ନେଇକି ଅଫିସର ଓ କନେଷ୍ଟବଳ ଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି।ଏପରି ସ୍ଥଳେ ଏତେ କମ ଦରମାରେ ପରିବାର ପୋଷିବା କଷ୍ଟକର ହୋଇ ପଡିଛି।ଦେଶରେ ଓଡିଶା ପୋଲିସ ସର୍ବାଧିକ ପରିଶ୍ରମ କରୁଥିବା ଏକ ରିପୋର୍ଟ ରୁ ଜଣା ପଡିଥିଲା।ଯଦି ସମୟ ପୂର୍ବରୁ ଏସବୁ ସମସ୍ୟା ର ସମାଧାନ କରା ନ ଯାଏ,ତେବେ ଆଗାମୀ ଦିନରେ ସରକାର ଉତ୍ତର ଦାୟୀ ରହିବେ ବୋଲି ବୁଦ୍ଧିଜୀବୀ ମହଲରେ ମତପ୍ରକାଶ ପାଇଛି।ଏଭଳି କ୍ଷେତ୍ରରେ ପୋଲିସ ଅଫିସର ମାନଙ୍କର ଏହି ଦୁର୍ଦ୍ଦିନ ଅବସ୍ଥା ଉପରେ ଦୃଷ୍ଟି ପକାଇ ସମସ୍ୟା ର ସମାଧାନ କରିବା ପାଇଁ ସରକାର ଙ୍କୁ ଅନୁରୋଧ କରାଯାଇଛି।