ଭୁବନେଶ୍ୱର, ନିରପେକ୍ଷ ଖବର: ପୂର୍ବତନ ସାଂସଦ ବୈଜୟନ୍ତ ପଣ୍ଡା ନୂଆଦିଲ୍ଲୀଠାରେ ଆନୁଷ୍ଠାନିକ ଭାବେ ବିଜେପିରେ ବିଦ୍ଧିବଦ୍ଧ ଭାବେ ସାମିଲ ହେବା ପରେ ଭୁବନେଶ୍ୱର ଫେରିଛନ୍ତି । ଏହି ଅବସରରେ ଶ୍ରୀ ପଣ୍ଡାଙ୍କୁ ବିମାନ ବନ୍ଦରରୁ ଦଳୀୟ କାର୍ଯ୍ୟାଳୟ ପର୍ଯ୍ୟନ୍ତ ଏକ ବିରାଟ ଶୋଭାଯାତ୍ରାରେ ସ୍ୱାଗତ କରାଯାଇଥିଲା । ପରେ ଦଳୀୟ କାର୍ଯ୍ୟାଳୟ ଠାରେ ସ୍ୱାଗତ ସଭା ମାଧ୍ୟମରେ ଦଳର ବରିଷ୍ଠ ନେତୃବୃନ୍ଦ ଶ୍ରୀ ପଣ୍ଡାଙ୍କୁ ବିପୁଳ ସ୍ୱାଗତ ସମ୍ବର୍ନ୍ଧନା ଜଣାଇଛନ୍ତି ଓ ଏହି ସମ୍ବର୍ଦ୍ଧନା ଅବସରରେ ରାଜ୍ୟ ସଭାପତି ଶ୍ରୀ ବସନ୍ତ ପଣ୍ଡା ବିଜେପିକୁ ଉଭୟ ରାଜ୍ୟ ଏବଂ କେନ୍ଦ୍ରରେ ବିଜୟୀ କରାଇବା
ପାଇଁ ଆହ୍ୱାନ ଦେବା ସହ ବୈଜୟନ୍ତ ପଣ୍ଡାଙ୍କୁ ସ୍ୱାଗତ କରିଛନ୍ତି ।
ଆଶାଠୁ ଅଧିକ ବିଜେପି ସମସ୍ତଙ୍କୁ ସୁଯୋଗ ଏବଂ ସମ୍ମାନ ଦେଇଛି। ଏହି ଦଳ କାହାରିକୁ ଆଜି ପର୍ଯ୍ୟନ୍ତ ନିରାଶ କରିନି ବୋଲି କେନ୍ଦ୍ରମନ୍ତ୍ରୀ ଜୁଏଲ ଓରାମ ସଭାରେ କହିବା ସହ ଶ୍ରୀ ପଣ୍ଡାଙ୍କୁ ସ୍ୱାଗତ କରିଛନ୍ତି । ସାଢେ ୪ କୋଟି ଓଡିଆଙ୍କୁ ମୁଖ୍ୟମବୀ ତାଙ୍କର ପରିବାର ସଦସ୍ୟ ଭାବୁଥିବା ବକ୍ତବ୍ୟ ପ୍ରସଙ୍ଗରେ ବିଜେଡି କର୍ମୀଙ୍କ
ଗଣଦୁଷ୍କର୍ମର ଶିକାର ହୋଇ ମୃତ୍ୟୁ ମୁଖରେ ପଡିଥିବା ପିପିଲିର ଦଳିତ ଝିଅ ବେବିନା ମୁଖ୍ୟମନ୍ତ୍ରୀଙ୍କ ପରିବାର ସଦସ୍ୟ କି ନାହିଁ
ବୋଲି କଟାକ୍ଷ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ପୂର୍ବତନ ସାଂସଦ ତଥା ବରିଷ୍ଠ ନେତା ବୈଜୟନ୍ତ ପଣ୍ଡାଙ୍କୁ ବିଜେପିକୁ
ସ୍ୱାଗତ କରିବା ପାଇଁ ଆୟୋଜିତ ସଭାରେ ଉଦ୍ବୋଧନ ଦେଇ ୧୯ ବର୍ଷ ବହୁତ ହୋଇଗଲା ଓ ରାଜ୍ୟର ବିଜେଡି ସରକାର
ବଦଳିବା ଦରକାର ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନ କହିଛନ୍ତି ।ଏହି ସ୍ୱାଗତ ସଭାରେ ରାଜ୍ୟ ଉପସଭାପତି ସମୀର ମହାନ୍ତି, ସାଧାରଣ ସଂପାଦକ ପୃଥୀ ହରିଚନ୍ଦନ, ରାଜ୍ୟ ଗଣମାଧ୍ୟମ ବିଭାଗ ମୁଖ୍ୟ ଓ ରାଜ୍ୟ ମୁଖ୍ୟପାତ୍ର ଗୋଲକ ମହାପାତ୍ର ମଂଚ ପରିଚାଳନା କରିଥିଲେ । ଏହି ସ୍ୱାଗତ ସଭାରେ ଶ୍ରୀ ସୁରେଶ ପୂଜାରୀ ଶ୍ରୀ ସମ୍ବିତ ପାତ୍ର, ଶ୍ରୀ ମନମୋହନ ସାମଲ, ଶ୍ରୀ ପ୍ରତାପ ଷଡଙ୍ଗୀ, ଶ୍ରୀମତୀ ସୁରମା ପାଢୀ, ଶ୍ରୀ ଭୃଗୁ ବକ୍ସିପାତ୍ର, ଶ୍ରୀ ପୀତାମ୍ବର ଆଚାର୍ଯ୍ୟ, ଶ୍ରୀମତୀ ଅପରାଜିତା ଷଡଙ୍ଗୀ, ଶ୍ରୀମତୀ ପ୍ରଭାତୀ ପରିଡା, ଶ୍ରୀ ହରେକୃଷ୍ଣ ଖୁଂଟିଆ ପ୍ରମୁଖ ଉପସ୍ଥିତ ଥିଲେ ।
