କେନ୍ଦ୍ରୀୟ ଆୟୁର୍ବେଦ ଅନୁସନ୍ଧାନ ସଂସ୍ଥାନ ଭୁବନେଶ୍ବର ପକ୍ଷରୁ ସପ୍ତମ ଆୟୁର୍ବେଦ ଦିବସ ପାଳନ …

ଭୁବନେଶ୍ୱର, ନିରପେକ୍ଷ ଖବର:ତା ୨୩/୧୦ ଚଳିତ ବର୍ଷ ଆୟୁଷ ମନ୍ତ୍ରଣାଳୟ, ଭାରତ ସରକାରଙ୍କ ସମସ୍ତ ମନ୍ତ୍ରଣାଳୟ ଏବଂ ବିଭାଗର ସହଯୋଗରେ ଏହାକୁ ପାଳନ କରୁଛି ଯାହା ଦ୍ବାରା ଦେଶର ପ୍ରତ୍ୟେକ ବ୍ୟକ୍ତି 3Js – ଜନ ସନ୍ଦେଶ, ଜନ ଭାଗିଦାରୀ ଏବଂ ଜନ ଆନ୍ଦୋଳନ ଲକ୍ଷ୍ୟରେ ପାରମ୍ପାରିକ ଔଷଧ ପ୍ରଣାଳୀ ବିଷୟରେ ଅବଗତ ହେବେ ଛଅ ସପ୍ତାହ ଧରି ଚାଲିଥିବା କାର୍ଯ୍ୟକ୍ରମ (୧୨ ସେପ୍ଟେମ୍ବର– ୨୩ ଅକ୍ଟୋବର ୨୦୨୨) କୁ ଆୟୁଷ ମନ୍ତ୍ରୀ ଶ୍ରୀ ସରବାନନ୍ଦ ସୋନାୱାଲ, ଆୟୁଷ ରାଜ୍ୟ ମନ୍ତ୍ରୀ ତାଂ.ମୁଞ୍ଜାପରା ମହେନ୍ଦ୍ରଭାଇ କଲୁଭାଇ., ସଚିବ ବୈଦ୍ୟ ରାଜେଶ କୋଟେଚା, ସ୍ଵତନ୍ତ୍ର ସଚିବ ଶ୍ରୀ ପି. କେ ପାଠକ ଏବଂ ଏନସିସିଏମ୍ ଚେୟାରମ୍ୟାନ୍‌ ବୈଦ୍ୟ ଜୟନ୍ତ ଦେଓପୁଜାରୀ ଶୁଭାରମ୍ଭ କରିଛନ୍ତି | ଏହି ଅବସରରେ ଶ୍ରୀ ସୋନାୱାଲ କହିଛନ୍ତି, “ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଜିଙ୍କ ଦୃଷ୍ଟିକୋଣକୁ ଆଗେଇ ନେବା ପାଇଁ ଏହି କାର୍ଯ୍ୟକ୍ରମ ଏକ ଉତ୍ତମ ପ୍ରୟାସ । ଚଳିତ ବର୍ଷର
ମୁଖ୍ୟ ବିଷୟ ବସ୍ତୁ ‘ହର ଦିନ୍ ହର ଘର ଆୟୁର୍ବେଦ’ ସଚେତନତା ସୃଷ୍ଟି ଉପରେ ଗୁରୁତ୍ବାରୋପ କରାଯାଇଛି ।
ପ୍ରତ୍ୟେକ ଘରେ ଉତ୍ତମ ସ୍ବାସ୍ଥ୍ୟ ପାଇଁ ଆୟୁର୍ବେଦ | ଏହା ଆମ ଦେଶକୁ ସୁସ୍ଥ ଏବଂ ଶକ୍ତିଶାଳୀ ହେବାକୁ
ସାହାଯ୍ୟ କରିବ । ” କେନ୍ଦ୍ରୀୟ ଆୟୁର୍ବେଦ ଅନୁସନ୍ଧାନ ସଂସ୍ଥାନ ଭୁବନେଶ୍ବର, ସିସିଆରଏଏସ, ଆୟୁଷ ମନ୍ତ୍ରଣାଳୟ, ଭାରତ ସରକାର ଦ୍ବାରା ପ୍ରସ୍ତାବିତ ବିଷୟ ‘ହର ଦିନ୍ ହର ଘର ଆୟୁର୍ବେଦ’ ପରିପେକ୍ଷିରେ ବିଭିନ୍ନ କାର୍ଯ୍ୟକ୍ରମର ଆୟୋଜନ କରାଯାଇଛି । ୱେବିନାର୍ସ ଆୟୋଜନ ଏବଂ ଆୟୁର୍ବେଦ ଉପରେ ଆଧାରିତ ଆୟୁର୍ବେଦ ରେସିପି ପୁସ୍ତକ ପ୍ରକାଶନ କରାଯାଇଛି । CSIR-IMMT, CRPF, CWC ଭୁବନେଶ୍ବର ସହିତ ମିଳିତ ସଂଗଠନରେ ଏବଂ THCRP, AMHCP-SCSP & WCH-SCSP ପରି ବିଭିନ୍ନ ଆଉଟ୍ରିଡ୍ କାର୍ଯ୍ୟକ୍ରମ ମାଧ୍ୟମରେ ବିଭିନ୍ନ ସ୍ଥାନରେ ସ୍ବାସ୍ଥ୍ୟ
ଶିବିରର ଆୟୋଜନ କରାଯାଇଅଛି । ସଂସ୍ଥାନର ବର୍ହିବିଭାଗରେ ପ୍ରକୃତି ପରୀକ୍ଷା ତଥା ଔଷଧ୍ୟ ବୃକ୍ଷ ମୁକ୍ତରେ ବିତରଣ କରାଯାଇଅଛି । ଆୟୁର୍ବେଦ ଆହାରକୁ ପ୍ରୋତ୍ସାହିତ କରିବାର ଏକ ଅଂଶ ଭାବରେ ଏହି ଅନୁଷ୍ଠାନ ପରିସରରେ ଦିବା ୨୨/୧୦/୨୦୨୨ ରେ ଆୟୁର୍ବେଦ ଖାଦ୍ୟ ମହୋତ୍ସବ ମଧ୍ୟ ଆୟୋଜନ କରିବାକୁ ଯାଉଅଛି ।