ଭୁବନେଶ୍ୱର,ନିରପେକ୍ଷ ଖବର:ତା ୨୩/୦୨: ପରିବହନ କ୍ଷେତ୍ରରେ କିଛି ନୂତନତା ଆଣିବାକୁ ଓଡ଼ିଶାରେ ପ୍ରଥମ କରି କିଙ୍ଗ୍ଷ୍ଟୋନ୍ ଲଜିଷ୍ଟିକ୍ ପାର୍କ ଆରମ୍ଭ ହୋଇଛି । ସମସ୍ତ ପ୍ରକାରର ଉତ୍ପାଦକୁ ଷ୍ଟୋରେଜ୍ ରଖିବାକୁ ଯୋଜନା ହୋଇଥିବା ଏହି ଲଜିଷ୍ଟିକ୍ ପାର୍କରେ ଗ୍ରେଡ଼୍ ଏ ୱେୟାର୍ ହାଉସ୍, ଶୀତଳ ଭଣ୍ଡାର, ଓପେନ୍ ଏୟାର୍ ଷ୍ଟୋରେଜ୍, କଣ୍ଟେନର୍ ୟାର୍ଡ଼ ଇତ୍ୟାଦି ଗୋଦାମଗୁଡ଼ିକ ବିଲ୍ଟ ଟୁ ସିଟ୍ (ଈଞଝ) ଆଧାରରେ ନିର୍ମାଣ ହେବ । ଇ- କମର୍ସ, ଏଫ୍ଏମ୍ସିଜି, ସିମେଣ୍ଟ, ପେଟ୍ରୋଲିୟମ୍, ବିଦ୍ୟୁତ୍ ଏବଂ ବୈଦ୍ୟୁତିତ ଉପକରଣ, ଟେକ୍ସଟାଇଲ୍ ଉତ୍ପାଦ, ଇଞ୍ଜିନିୟରିଂ ଉତ୍ପାଦ, ଆଗ୍ରୋ, ଫାର୍ମାସିୟୁଟିକାଲ୍ସ, ଷ୍ଟିଲ୍ ଉତ୍ପାଦ ଇତ୍ୟାଦି ଏହି ୱେୟାର୍ ହାଉସ୍ରେ ସୁରକ୍ଷିତ ଭାବେ ସଂରକ୍ଷିତ କରି ରଖାଯିବାର ଯୋଜନା କରାଯାଇଛି । ଯେଉଁମାନେ ଦୀର୍ଘଦିନ ପର୍ଯ୍ୟନ୍ତ ନିଜର ଉତ୍ପାଦକୁ ସଂରକ୍ଷିତ କରି ରଖିବାକୁ ଆବଶ୍ୟକ କରନ୍ତି ସେହି ଟ୍ରାନ୍ସପୋର୍ଟ ବ୍ୟବସାୟୀମାନଙ୍କ ପାଇଁ ଏହା ସୁବିଧାଜନକ ହୋଇପାରିବ । ଉକ୍ତ ସ୍ଥାନକୁ ସେ ବ୍ୟବହାର ଉପଯୋଗୀ କରିପାରିବେ । କମ୍ ଖର୍ଚ୍ଚରେ ଯଥେଷ୍ଟ ସମୟ ଧରି ନିଜ ଉତ୍ପାଦକୁ ସୁରକ୍ଷା ଦେଇପାରିବେ । ଉପଭୋକ୍ତା ଓ ପରିବହନକାରୀଙ୍କୁ ଧ୍ୟାନରେ ରଖି ପରିସର ମଧ୍ୟରେ କାର୍ଯ୍ୟକରୁଥିବା ପ୍ରତ୍ୟେକ କର୍ମଚାରୀଙ୍କ ପାଇଁ କାର୍ଯ୍ୟ କରିବା ତଥା ସେବା ଯୋଗାଇଦେବାର ସୁବିଧା ଓ ସରଳୀକରଣ କରାଯାଇଅଛି ।
କଣ୍ଡୋଇ ଗ୍ରୁପ୍ ପକ୍ଷରୁ ୫୬ ଏକର ଜମିକୁ ନେଇ କିଙ୍ଗ୍ଷ୍ଟୋନ୍ ଲଜିଷ୍ଟିକ୍ ପାର୍କ ନିର୍ମାଣ କରାଯାଇଥିବା ଏହି ୱେୟାର୍ ହାଉସ୍ କଟକ, ଚୈାଦ୍ୱାରରେ ଅବସ୍ଥିିତ । ଯାହାକି ଭୁବନେଶ୍ୱର ସହରରୁ ୪୦ କିମି ଦୂର । ସାମଗ୍ରୀକ ମାଲ୍ ପରିବହନ ଖର୍ଚ୍ଚ କମାଇବା, ନିର୍ଦ୍ଦିଷ୍ଟ ମାଲ୍ ପରିବହନରେ ମାତ୍ରାଧିକ ଯାନାବାହାନ ଚଳାଚଳ ହ୍ରାସ, ଗୋଦାମ୍ ଖର୍ଚ୍ଚ କମାଇବା, ପରିବେଶ ପ୍ରଦୂଷଣ ହ୍ରାସ କରିବା ଇତ୍ୟାଦି ଲକ୍ଷ୍ୟ ନେଇ ଏହି ୱେୟାର୍ ହାଉସ୍ ନିର୍ମାଣ କରାଯାଇଛି ।
୪ ବର୍ଷ ମଧ୍ୟରେ ଉତ୍ପାଦ ସଂରକ୍ଷିତ ରଖିବାର କ୍ଷମତାକୁ ୧୫ ଲକ୍ଷ ବର୍ଗଫୁଟ ପର୍ଯ୍ୟନ୍ତ ସ୍ଥାନ ବିସ୍ତାର କରିପାରିଛି । ୧.୨୫ ଲକ୍ଷ୍ୟ ବର୍ଗଫୁଟ ସ୍ଥାନରେ ନୁତନଭାବେ ନିର୍ମାଣ କରାଯାଇଥିବା ୱେୟାର୍ ହାଉସ୍ରେ ଇ-କମର୍ସର ସୁବିଧା ଉପଲବ୍ଧ ରହିଛି । ୪ ବର୍ଷ ସମୟ ମଧ୍ୟରେ ମୋଟ୍ ୨୫୦ କୋଟି ପୁଞ୍ଜି ବିନିଯୋଗ କରିଥିବାବେଳେ ନୁତନ କରି ନିର୍ମାଣ କରାଯାଇଥିବା ୱେୟାର୍ହାଉସ୍ରେ ୩୦ କୋଟି ଟଙ୍କା ପୁଞ୍ଜି ଆକାରରେ ବିନିଯୋଗ କରାଯାଇଛି । ଏଥିରେ ୨୦୦୦ରୁ ଅଧିକ କର୍ମଚାରୀ କାର୍ଯ୍ୟରତ ଥିବାବେଳେ ନୂତନ କରି ୨୫୦ରୁ ଅଧିକ ଲୋକଙ୍କ ପାଇଁ ଚାକିରିର ସୁଯୋଗ ସୃଷ୍ଟି କରାଯାଇଛି ।
ଏହି ଅବସରରେ ଆଇପିସିଏଲ୍ର ପରିଚାଳନା ନିର୍ଦ୍ଦେଶକ ତଥା ଭାରତୀୟ ପ୍ରଶାସନିକ ସେବା ଅଧିକାରୀ ଡକ୍ଟର ନିତିନ୍ ଭାନୁଦାଶ ଜୱାଲେ କୁହନ୍ତି ଯେ, “ଓଡିଶା ଏକ ଶିଳ୍ପ ଭିତ୍ତିତ ରାଜ୍ୟ । ଗତ ଦୁଇବର୍ଷ ମଧ୍ୟରେ ଓଡ଼ିଶାରେ ବିଭିନ୍ନ ଶିଳ୍ପରେ ଅଭିବୃଦ୍ଧି ଘଟିଛି । କଣ୍ଡୋଇ ଗ୍ରୁପ ଦ୍ୱାରା ସ୍ଥାପିତ କିଙ୍ଗ୍ଷ୍ଟୋନ୍ ଲଜିଷ୍ଟିକ୍ ପାର୍କ ଉକ୍ତ ପ୍ରସଙ୍ଗରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବାକୁ ଯାଉଛି । ରାଜ୍ୟରେ ଥିବା ପ୍ରତ୍ୟେକ ଶିଳ୍ପଦ୍ୟୋଗୀଙ୍କ ପାଇଁ ଏହା ନିଶ୍ଚିତ ଲାଭଦାୟକ ହୋଇପାରିବ ।”କଣ୍ଡୋଇ ଗ୍ରୁପ୍ ଦ୍ୱାରା ୧୯୭୬ ମସିହାରେ ‘କଣ୍ଡୋଇ ଟ୍ରାନ୍ସପୋର୍ଟ ଲିମିଟେଡ଼୍’ ପ୍ରତିଷ୍ଠିତ ହୋଇଥିଲା । ସାରା ରାଜ୍ୟରେ କୋଇଲା, ଓରେ, ବସ୍କାଇଟ୍, ସାର ଏବଂ ବିଭିନ୍ନ ଖଣିଜ ପଦାର୍ଥର ପରିବହନ କ୍ଷେତ୍ରରେ ସର୍ବ ପୁରାତନ ଓ ବିଶ୍ୱସନୀୟ ବ୍ରାଣ୍ଡ୍ ଭାବରେ ପରିଚିତ । କୋଇଲା, ବକ୍ସସାଇଟ୍, ରିୟଲିଷ୍ଟେଟ୍, ୱେୟାର୍ ହାଉସ୍ ଏବଂ ଖଣିଜ ପଦାର୍ଥ ତଥା ଖଣି କାରବାର ଭଳି ବିବିଧ ଶିଳ୍ପ କ୍ଷେତ୍ରରେ ବେଶ୍ ଜଣାଶୁଣା । କମ୍ପାନୀର ଚେୟାର୍ମ୍ୟାନ୍ ଭାବରେ ଗଣେଶ ପ୍ରସାଦ କଣ୍ଡୋଇ ଏବଂ ନିର୍ଦ୍ଦେଶକ ନବୀନ କୁମାର କଣ୍ଡୋଇଙ୍କ ଦ୍ୱାରା ପରିଚାଳିତ ହେଉଛି ।‘
କେଟିଏଲ୍ ଲଜିଷ୍ଟିକ୍ସ ଆଣ୍ଡ୍ ସର୍ଭିସେସ୍ ଲିମିଟେଡ଼୍୍’ ଭାରତୀୟ ଶିଳ୍ପ ସଂଗଠନର ସଦସ୍ୟ (ଉଓଓ) ଏବଂ ଅଣୁ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ (ଗଝଗଋ) ଅଧିନରେ ପଞ୍ଜୀକୃତ ହୋଇଥିବା ଏହି ୱେୟାର୍ ହାଉସ୍କୁ ଗତ ଫେବୃୟାରୀ ୧୭ ତାରିଖରେ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୁଭାରମ୍ଭ କରିଥିଲେ ।
