ଭୁବନେଶ୍ୱର : କଟକ-ଭୁବନେଶ୍ୱର ସହରାଞ୍ଚଳରେ ଇଚ୍ଛାଧୀନ କୋଟାରେ ପ୍ର୍ରାୟ ଦେଢ ହଜାର ଫ୍ଲାଟ, ପ୍ଲଟ୍ ଓ ଘର ବଣ୍ଟାଯାଇଛି । ଏ ସମ୍ପର୍କରେ ଗଭୀର ଅନୁସନ୍ଧାନ ପାଇଁ ÷ରାଜ୍ୟ ସରକାରଙ୍କ ପକ୍ଷରୁ ଗଠିତ ଟାସ୍କଫୋର୍ସରୁ ଏହି ତଥ୍ୟ ମିଳିଛି ।
ଇଚ୍ଛାଧୀନ କୋଟାର ବ୍ୟାପକ ଅପବ୍ୟବହାରକୁ ନେଇ ତୀବ୍ର ବିବାଦ ଉଠିବା ପରେ ରାଜ୍ୟ ସରକାର ରାଜସ୍ୱ ବିଭାଗ ଅତିରିକ୍ତ ମୁଖ୍ୟଶାସନ ସଚିବ ତାରାଦତ୍ତଙ୍କ ଅଧ୍ୟକ୍ଷତାରେ ତିନିଜଣିଆ ଟାସ୍କଫୋର୍ସ ଗଠନ କରିଥିଲେ । ଏଥିରେ ସାଧାରଣ ପ୍ରଶାସନ ବିଭାଗର ସ୍ୱତନ୍ତ୍ର ସଚିବ ଏବଂ ନଗର ଉନ୍ନୟନ ବିଭାଗ ସଚିବଙ୍କୁ ସଭ୍ୟ ଭାବେ ରଖାଯାଇଥିଲା । ଟାସ୍କଫୋର୍ସ ରିପୋର୍ଟ ଯଦିଓ ସର୍ବସାଧାରଣରେ ପ୍ରକାଶ ପାଇନାହିଁ ତେବେ କଟକ ଉନ୍ନୟନ କର୍ତ୍ତୃପକ୍ଷ, ସାଧାରଣ ପ୍ରଶାସନ ବିଭାଗ ଏବଂ ଓଡ଼ିଶା ରାଜଜ୍ୟ ହାଉସିଂ ବୋର୍ଡ ଦ୍ୱାରା ୧୯୯୫ ମସିହାରୁ ୨୦୧୪ ମଧ୍ୟରେ ଇଚ୍ଛାଧୀନ କୋଟାରେ ପ୍ରାୟ ୧୫ଶହଟି ପ୍ଲଟ, ଫ୍ଲାଟ୍, ଓ ଘର ଆବଣ୍ଟିତ ହୋଇଥିବା ରିପୋର୍ଟରେ ଉଲ୍ଲେଖ କରାଯାଇଛି ।
ଚଳିତ ବର୍ଷ ଅଗଷ୍ଟ ଦୁଇ ତାରିଖରେ ଟାସ୍କଫୋର୍ସ ଗଠନ କରାଯାଇଥିଲା । ଶାସକ ଦଳର ବରିଷ୍ଠ ନେତାମାନଙ୍କୁ କୌଣସି ନୀତି ନିୟମ ଅନୁସରଣ ନକରି ଓ ବିନା ବିଚାରରେ ଏକାଧିକ ପ୍ଲଟ ଓ ଘର ଇଚ୍ଛାଧୀନ କୋଟାରେ ଦିଆଯାଇ ଥିବା ସିଏଜି ରିପୋର୍ଟକୁ ନେଇ ବିଜେଡ଼ି ସରକାରକୁ ତୀବ୍ର ସମାଲୋଚନାର ଶିକାର ହେବାକୁ ପଡ଼ିଥଲା । ଏହାର ତଦନ୍ତ ପାଇଁ ମୁଖ୍ୟମନ୍ତ୍ରୀ ଟାସ୍କଫୋର୍ସ ଗଠନ କରିôଲେ । ୧୯୯୫ ମସିହା ଜାନୁଆରୀ ପହିଲାରୁ ୨୦୧୪ ଜୁଲାଇ ୩୧ ମଧ୍ୟରେ ସମସ୍ତ ଇଚ୍ଛାଧୀନ ଆବଣ୍ଟନକୁ ଏଥିରେ ଅନ୍ତର୍ଭୁକ୍ତ କରାଯାଇଥିଲା । ଇଚ୍ଛାଧୀନ କୋଟାରେ ଗୋଟିଏ ପରିବାରର ଏକାଧିକ ସଭ୍ୟଙ୍କୁ ପ୍ଲଟ ଓ ଫ୍ଲାଟ୍ ଦିଆଯାଇଛି ନାହିଁ ତାହା ମଧ୍ୟ ତଦନ୍ତ ପରିସରଭୁକ୍ତ ହୋଇଥିଲା । ତଦନ୍ତ ସହ କାଯ୍ୟାନୁଷ୍ଠାନ ପ୍ରସ୍ତାବ ପାଇଁ ମଧ୍ୟ ଟାସ୍କଫୋର୍ସକୁ କ୍ଷମତା ପ୍ରଦାନ କରାଯାଇଥିଲା ।
