ବାରିପଦା(ନିରପେକ୍ଷ ଖବର)ତା-୨୮/୦୬-ଜନ୍ମ ମାଟି ଛାଡ଼ି କର୍ମ ଭୂମିରେ ନିରାଡ଼ମ୍ବର ଭାବେ ଜନ୍ମଦିନ ପାଳିଲେ ମୟୂରଭଞ୍ଜ ଜିଲ୍ଲା ବିଜୁଜନତା ଦଳର ପର୍ଯ୍ୟବେକ୍ଷକ ତଥା ଯାଜପୁର ବିଧାୟକ ପ୍ରଣବ ପ୍ରକାଶ ଦାସ। ଦଳୀୟ ସଂଗଠନ ସୁଦୃଢ ପାଇଁ ରବିବାର ମୟୁରଭଞ୍ଜ ଜିଲ୍ଲା ଗସ୍ତରେ ଆସିଛନ୍ତି ପ୍ରଣବ ପ୍ରକାଶ ଦାସ। ଜନ୍ମ ଦିନ ଅବସରରେ ବହୁ ଦଳୀୟ ନେତା ଓ କର୍ମୀମାନେ ବାରିପଦା ସର୍କିଟ ହାଉସରେ ଉପସ୍ଥିତ ରହି ଶ୍ରୀ ଦାସଙ୍କୁ ଶୁଭେଚ୍ଛା ଜଣାଇଥିଲେ।ପ୍ରଦକ୍ଷଣ ଗୃହରେ ଜିଲ୍ଲାର ବିଭିନ୍ନ ବର୍ଗର ଲୋକଙ୍କ ସହ ମିଶି ଅନେକ ସମସ୍ୟାର ସମାଧାନ ବାବଦରେ ଆଲୋଚନା କରିଥିଲେ।ଅପରାହ୍ନରେ ରାଇରଙ୍ଗପୁର ଗସ୍ତରେ ଯାଇ ଚୀନ-ଭାରତ ସୀମା ଲଢେ଼ଇରେ ଶହୀଦ ମୟୁରଭଞ୍ଜ ମାଟିର ପୁଅ ନନ୍ଦୁରାମ ସରେନଙ୍କୁ ଶ୍ରଦ୍ଧାଞ୍ଜଳି ଦେବା ପରିବାର ବର୍ଗଙ୍କୁ ଭେଟି ସମବେଦନା ଜଣାଇଥିଲେ।ଏଥି ସହିତ ଶୁଦ୍ଧକ୍ରିୟା ନିମନ୍ତେ ଶହୀଦଙ୍କ ଧର୍ମପତ୍ନୀଙ୍କୁ ଏକ ଲକ୍ଷ ଟଙ୍କା ସାହାଯ୍ୟ ପ୍ରଦାନ କରିଥିଲେ।ତାଙ୍କ ତିନିଝିଅଙ୍କ ପଢ଼ାପଢ଼ି ଖର୍ଚ୍ଚ ସେ ନିଜେ ବହନ କରିବେ ବୋଲି ପ୍ରକାଶ କରିଥିଲେ।ଏହା ବ୍ୟତୀତ ରାଇରଙ୍ଗପୁର ସହର ମଧ୍ୟରେ ଥିବା ପଚାଶ ବର୍ଷ ପୁରୁଣା ଗୋଶାଳାର ପାଞ୍ଚ ଏକର ଜମିର ପଟ୍ଟା ଖୁବଶୀଘ୍ର ଉକ୍ତ ଅନୁଷ୍ଠାନକୁ ପ୍ରଦାନ କରିବା ପାଇଁ ଆରଡିସିଙ୍କ ସହିତ ଆଲୋଚନା କରିଥିଲେ।ନବ ଗଠିତ ପରିବା ବିକ୍ରେତା ସଂଘ ବାବା ତ୍ରିନାଥ ମାର୍କେଟ କମିଟିର ଅନୁରୋଧ କ୍ରମେ
ରାଇରଙ୍ଗପୁର ସହରର ରାଉତଖମାର ଠାରେ ଥିବା ତିନି ଏକର ଜମିରେ ମାର୍କେଟ କମ୍ପ୍ଲେକ୍ସ ନିର୍ମାଣ,ପିଇବାପାଣି ବ୍ୟବସ୍ଥା, ବିଜୁଳି, ରାସ୍ତା, ପାର୍କିଂ ସୁବିଧା ଖୁବଶୀଘ୍ର ହେବ ବୋଲି ଶ୍ରୀ ଦାସ କହିଥିଲେ।ଉକ୍ତ ଗସ୍ତରେ ଦଳୀୟ ନେତାଙ୍କ ସମେତ ମନ୍ତ୍ରୀ ସୁଦାମ ମାରାଣ୍ଡି,ଜିଲ୍ଳା ସଦର ସଭାପତି କାଶୀନାଥ ହେମ୍ବ୍ରମ,ମୋରୋଡା ବିଧାୟକ ରାଜକିଶୋର ଦାସ, କରଞ୍ଜିଆ ବିଧାୟିକା ବାସନ୍ତୀ ହେମ୍ବ୍ରମ,ପୂର୍ବତନ ଉପବାଚସ୍ପତି ସାନନ୍ଦ ମାରାଣ୍ଡି, କୃଷି ଓ ଶିଳ୍ପ ନିଗମ ଅଧ୍ୟକ୍ଷ ଦେବାଶିଷ ମହାନ୍ତି, ରାଜ୍ୟସଭା ସାଂସଦ ମମତା ମହାନ୍ତ, ପୂର୍ବତନ ଏସ.ଡ଼ି.ସି ଅଧକ୍ଷ ଦେବାଶିଷ ମାର୍ଣ୍ଡି,ପୂର୍ବତନ ବିଧାୟକ ସାଇବା ସୁଶୀଲ ହାଁସଦା,ଜେମାମଣି ଶୁଣ୍ଢି,ତୁଳସୀ ସିକ୍ରୀ,ପରେଶ ମୁଣ୍ଡା,ରତିକାନ୍ତ ପରୀକ୍ଷା,ଗଣେଶ ମିଶ୍ର,ଉମାକାନ୍ତ ମହାନ୍ତି, ଜଲେନ ନାୟକ,ଦୀପକ ମିଶ୍ର,ତୁଶୀଲ ହେମ୍ବ୍ରମ,ବଳଦେବ ହେମ୍ବ୍ରମ ପ୍ରମୁଖ ଉପସ୍ଥିତ ଥିଲେ।
