ବାରିପଦା(ନିରପେକ୍ଷ ଖବର)ତା-୧୮/ନଭେମ୍ବର/୨୦୧୯-ଗାଡି ଯାଞ୍ଚ ବେଳେ ବାଇକ ଦୁର୍ଘଟଣା ରେ ଚାଲିଗଲା ଜଣେ କାର୍ଯ୍ୟରତ ପୋଲିସ ଅଧିକାରୀଙ୍କ ଜୀବନ । ମୟୂରଭଞ୍ଜ ଜିଲ୍ଲାର ବାରିପଦା ଥାନା ଅଞ୍ଚଳରେ ଘଟିଯାଇଛି ଏଭଳି ଏକ ଅଭାବନୀୟ ଘଟଣା।ଯାହାକୁ ନେଇ ସମଗ୍ର ଜିଲ୍ଲା ସ୍ତବ୍ଧ ହୋଇଯାଇଛି। ମଦୁଆ ବାଇକ ଚାଳକଙ୍କୁ ଯାଞ୍ଚ କରୁଥିବା ବେଳେ କାର୍ଯ୍ୟରତ ପୋଲିସ ଅଧିକାରୀଙ୍କୁ ଏକ ବାଇକ ଧକ୍କା ଦେଇଥିଲା । ସୂଚନା ମୁତାବକ ସୋମବାର ସନ୍ଧ୍ୟା ୮:୩୦ ସମୟରେ ସ୍ଥାନୀୟ ତକତପୁର ଛକରେ ପୋଲିସ ବାଇକ ଯାଞ୍ଚ କରୁଥିବା ବେଳେ ଏହି ଦୁର୍ଘଟଣା ଘଟିଥିଲା । ଦୁର୍ଘଟଣାରେ ଶିକାର ହୋଇ ଗୁରୁତର ଅବସ୍ଥାରେ ଥିବା ପୋଲିସ ଅଧିକାରୀଙ୍କୁ ପିଆରଏମ୍ ମେଡିକାଲକୁ ଅଣାଯାଇଥିଲା । ହସ୍ପିଟାଲରେ ଆହତ ଅଧିକାରୀ ଜଣଙ୍କର ମୃତ୍ୟୁ ହୋଇଥିବା ଜଣାପଡିଛି। ମୃତ ସବଇନ୍ସପେକ୍ଟର ଜଣଙ୍କ ହେଉଛନ୍ତି ଦୟାନିଧି ଦାସ । ଦୁର୍ଘଟଣା ଘଟାଇଥିବା ବାଇକ OD-11F-1358ରେ ଦୁଇଜଣ ଯୁବକ ଏବେ ଥାନାରେ ଅଟକ ଅଛନ୍ତି । ମେଡିକାଲ ରେ ବର୍ତ୍ତମାନ ମୟୁରଭଞ୍ଜ ଆରକ୍ଷୀ ଅଧିକ୍ଷକ ପରମାର ସ୍ମିଥ ପୁରୁଷୋତ୍ତମ ଦାସ, ଅତିରିକ୍ତ ଆରକ୍ଷୀ ଅଧିକ୍ଷକ ଅଭିମନ୍ୟୁ ନାୟକ,ସଦର ଏସ ଡି ପି ଓ କେ କେ ହରିପ୍ରସାଦ, ଟାଉନ ଥାନା ଅଧିକାରୀ ଅଶୋକ ନାୟକ ପ୍ରମୁଖ ଉପସ୍ଥିତି ଅଛନ୍ତି । ପୋଲିସ କର୍ମଚାରୀଙ୍କ ମଧ୍ୟରେ ଏକ ଶୋକରଛାୟା ଖେଳିଯାଇଛି।
