ପାଟକୁରାରେ ପୁଲିସର ବର୍ବର କାଣ୍ଡ….

ବାରିପଦା, ନିରପେକ୍ଷ ଖବର(୧୮/ଜୁଲାଇ/୨୦୧୯)-କେନ୍ଦ୍ରାପଡ଼ା ଜିଲ୍ଳାର ପାଟକୁରାରେ କାର୍ଯ୍ୟରତ ଗଣମାଧ୍ୟମ ପ୍ରତିନିଧିଙ୍କୁ ପୁଲିସର ଦୁର୍ବ୍ୟବହାର ବିରୋଧରେ ମୟୁରଭଞ୍ଜର ସାମ୍ବାଦିକମାନେ ମିଳିତ ହୋଇ ଜିଲ୍ଲାପାଳଙ୍କ ଅଫିସ ସମ୍ବୁଖରେ ପ୍ରତିବାଦ ସଭା କରିଛନ୍ତି।ପାଟକୁରାରେ ପୁଲିସର ବର୍ବର କାଣ୍ଡରେ ସମ୍ପୃକ୍ତ ଥିବା ଏସପିଙ୍କ ବିରୁଦ୍ଧରେ ଦୃଢ କାଯ୍ୟାନୁଷ୍ଠାନ ଦାବିରେ ଜିଲ୍ଲାପାଳଙ୍କୁ ଦାବିପତ୍ର ଦେଲେ ସାମ୍ବାଦିକ। ପାଟକୁରା ବିଧାନସଭା ନିର୍ବାଚନର ପ୍ରଚାର ଚାଲୁଥିବା ବେଳେ ଶାସକ ଦଳର ମନ୍ତ୍ରୀ ଓ ବିଧାୟକଙ୍କ ଉପସ୍ଥିତିରେ ଜଣେ ଗଣମାଧ୍ୟମ ପ୍ରତିନିଧିଙ୍କୁ କେନ୍ଦ୍ରାପଡାର ଏସପି ମାଡ ମାରିବାକୁ ଉଦ୍ୟମ କରିଥିଲେ। ଯାହାକୁ ରାଜ୍ୟର ସମସ୍ତ ସାମ୍ବାଦିକ ବନ୍ଧୁ ନିନ୍ଦା କରିଛନ୍ତି। ଭାରତୀୟ ସମ୍ବିଧାନର ଚତୁର୍ଥସ୍ତମ୍ଭ କୁହାଯାଉଥିବା ଗଣମାଧ୍ୟମର କଣ୍ଠରୋଧ କରିବାକୁ କେନ୍ଦ୍ରାପଡା ପୁଲିସ ଉଦ୍ୟମ କରିଛି । ପୁଲିସର ଏଭଳି ବ୍ୟବହାରକୁ ବିରୋଧ କରି ରାଜ୍ୟର ବିଭିନ୍ନ ସ୍ଥାନରେ ସାମ୍ୱାଦିକମାନେ ମିଳିତ ହୋଇ ପ୍ରତିବାଦ କରୁଥିବା ବେଳେ ମୟୁରଭଞ୍ଜର ସାମ୍ବାଦିକମାନେ ମଧ୍ୟ ପ୍ରତିବାଦ କରିଛନ୍ତି।