Blank space
Blank space
Breaking News/ମୁଖ୍ୟ ଖବର:
କେବଳ ନବୀନ ଓ କେବଳ ଶଙ୍ଖ ଆସିଲେ ହିଁ ଆମ ରାଜ୍ୟରେ ଆହୁରି ଉନ୍ନତି ହୋଇପାରିବ୩୬ ନଂ ୱାର୍ଡ ମଧୁସୂଦନ ନଗର ଓ ୟୁନିଟ -୪ ମାର୍କେଟ ଅଞ୍ଚଳରେ ଜନ ସଂପର୍କ ପଦଯାତ୍ରାଓଡ଼ିଶାରେ ମୋଦୀଙ୍କର ଚିରାଚରିତ ମିଛ ପ୍ରତିଶ୍ରୁତି ଓ ଫମ୍ପା ଭାଷଣକୁ କଟାକ୍ଷ କଲା କଂଗ୍ରେସମଧ୍ୟରେ ବଢ଼ୁଚି ବଜେପି ଛିଡୁଚି ବିଜେଡିୱାର୍ଡ ନଂ ୪ ର ସମ୍ମିଳିତ ବିଜେପି କର୍ମୀମାନଙ୍କ ଦ୍ୱାରା ଆୟୋଜିତ ଏକ ସମାବେଶକେୟାର ହସ୍ପିଟାଲ ପକ୍ଷରୁ କେୟାର କନେକ୍ଟ କର୍ମଶାଳା ଆୟୋଜିତପଟିଆ ରାଜାଙ୍କ ଆଶୀର୍ବାଦ ନେଲେ ପ୍ରିୟଦର୍ଶୀଦୁଇଟି ପଦ୍ମ ଫୁଲ ଚି଼ହ୍ନରେ ମୋହର ମରିବା ପାଇଁ ନିବେଦନ କଲେ ପ୍ରିୟଦର୍ଶୀନିର୍ବାଚନ ଇସ୍ତହାରରେ ରହୁ ଭୁବନେଶ୍ୱର ଜିଲ୍ଲା ଘୋଷଣାPARICHAY FOUNDATION-PROJECT -PAVI – DISTRIBUTION DRIVE SUPPORTED BY Shipping corporation of India.ବିଜେପି ଡରରେ ନବୀନ ବାବୁ ଓଡ଼ିଶା ବାସୀଙ୍କୁ ଧୋକା ଦେଇଛନ୍ତିNMIET organizes 17th Athletic Meetସ୍ମାର୍ଟ ଲିଭିଙ୍ଗ୍ ସଲ୍ୟୁସନର ମାନ ବୃଦ୍ଧି ପାଇଁ ଟ୍ରାଞ୍ଜେପ ସ୍ମାର୍ଟ ବିଲିଂ ଏବଂ ଆମ୍ପିଓ ପୋଲାଣ୍ଡର ମିଳିତ ଉଦ୍ୟମଓଡ଼ିଶା କୃଷକ ସାଥୀ ସଂଘ ପକ୍ଷରୁ ରାଜ୍ୟ ସରକାରଙ୍କୁ ଚେତାବନୀ…ଏଏସିସିଆଇ ର ୩ ଦିନିଆ ସମ୍ମିଳନୀ ଅନୁଷ୍ଠିତ ହୋଇଯାଇଛିଆଗାମୀ ୨୦୨୪ ନିର୍ବାଚନ ଉତ୍ତରରୁ ଲଢ଼ିବେ ଦେବାଶିଷ ନାୟକଖୋଲିଲା ଆଭୂଷଣ ଜ୍ବେଲର୍ସ“ଜଗବନ୍ଧୁ ଜରାଶ୍ରମ” ପକ୍ଷରୁ ଶୀତବସ୍ତ୍ର ଓ ରାସନ ସାମଗ୍ରୀ ବଣ୍ଟନପ୍ରଫେସର ରଶ୍ମୀ ମିଶ୍ରଙ୍କ ପୁସ୍ତକ “ୟୁଭିକା” ଉନ୍ମୋଚିତPoetry Collection “YUVAIKA” Launched
Blank space

ଦ୍ଵିତୀୟ ଶ୍ରୀକ୍ଷେତ୍ର ବାରିପଦାକୁ ଠକି ଚାଲିଛନ୍ତି ରାଜ୍ୟ ସରକାର..

ଭୁବନେଶ୍ୱର ଅଭିମୁଖେ ପୁଣି ପଦଯାତ୍ରାରେ ଦ୍ଵିତୀୟ ଶ୍ରୀକ୍ଷେତ୍ରର ସେବାୟତ...

0

ବାରିପଦା(ନିରପେକ୍ଷ ଖବର)ତା-୨୯/ଜୁଲାଇ/୨୦୧୯-ଦ୍ଵିତୀୟ ଶ୍ରୀକ୍ଷେତ୍ର ବାରିପଦର ଶ୍ରୀ ଶ୍ରୀ ହରିବଳଦେଵ ମହାପ୍ରଭୁ ବିଜେ ଓ ବାଣ୍ଠିଆ ଜଗନ୍ନାଥ ମନ୍ଦିର ସମେତ ବିଭିନ୍ନ ମଠ ମନ୍ଦିର ଗୁଡିକର ସୁରକ୍ଷା ଓ ବିଶେଷ ସୁବିଧା ସୁଯୋଗ ଯୋଗାଇ ଦେବା ପାଇଁ ଦ୍ବିତୀୟ ଶ୍ରୀକ୍ଷେତ୍ର ବାରିପଦାର ସେବାୟତମାନେ ଆଜି (ସୋମବାର)ପୁଣି ପଦଯାତ୍ରାରେ ବାହାରିଛନ୍ତି। ନିର୍ଧୁମ ବର୍ଷାରେ ଭିଜି ଭିଜି ୩୦ ଜଣ ସେବାୟତ ଦାବି ପୂରଣ ପାଇଁ ଭୁବନେଶ୍ବର ଅଭିମୁଖେ ପଦଯାତ୍ରା ଜାରି ରଖିଛନ୍ତି। ମୟୂରଭଞ୍ଜ ଜିଲ୍ଲାର ସ୍ୱାଭିମାନ ଓ ଦ୍ବିତୀୟ ଶ୍ରୀକ୍ଷେତ୍ରର ସୁରକ୍ଷା ପାଇଁ ସେବାୟତମାନେ ନିଜ ଜୀବନକୁ ବାଜି ଲଗାଇବେ ବରଂ ଦାବି ପୂରଣ ନହେବା ପର୍ଯ୍ୟନ୍ତ ପଛଘୁଞ୍ଚା ଦେବେନାହିଁ ବୋଲି ସେମାନେ ଚେତାବନୀ ଦେଇଛନ୍ତି। ରାଜାରାଜୁଡା ଅମଳର ଦ୍ଵିତୀୟ ଶ୍ରୀକ୍ଷେତ୍ର ଭାବେ ପରିଗଣିତ ହୋଇଥିବା ଅଧିଷ୍ଠିତ ଦେବତା ଶ୍ରୀ ଶ୍ରୀ ହରିବଳଦେଵ ମହାପ୍ରଭୁଙ୍କ ନୀତିକ୍ରାନ୍ତି ତଥା ସେବାୟତ ନିଯୁକ୍ତିରେ ସୁବିଚାର ପାଇଁ ସରକାରଙ୍କ ନିକଟରେ ବହୁବାର ଆବେଦନ, ଧାରଣା , ଅନଶନ ଆଦି କରାଯାଉଥିଲେ ମଧ୍ୟ ରାଜ୍ୟ ସରକାର ଆଦୌ କର୍ଣ୍ଣପାତ କରୁନଥିବା ସେବାୟତମାନେ ଅଭିଯୋଗ କରିଛନ୍ତି। ଦାବି ପୂରଣ ପାଇଁ ଗତ ଜୁନ ମାସ ୧୯ ତାରିଖରେ ସେବାୟତମାନେ ମୁଖ୍ୟମନ୍ତ୍ରୀଙ୍କ ନିବାସ ପର୍ଯ୍ୟନ୍ତ ପଦଯାତ୍ରା ଆରମ୍ଭ କରିଥିଲେ । ହେଲେ ମାନ୍ୟବର ରାଜସ୍ୱମନ୍ତ୍ରୀ ସୁଦାମ ମାରାଣ୍ଡି ଅଧା ରାସ୍ତାରୁ ସେବାୟତଙ୍କୁ ପ୍ରତିଶୃତି ଦେଇ ଅଧା ବାଟରୁ ଫେରାଇ ଆଣିଥିଲେ। ଗତ ଜୁନ ମାସ ୨୯ ତାରିଖ ସେ ସେବାୟତଙ୍କୁ ନେଇ ମୁଖ୍ୟମନ୍ତ୍ରୀଙ୍କ ସହ ସାକ୍ଷାତ କରାଇଥିଲେ। ପରେ ଜୁଲାଇ ୧୭ ତାରିଖ ଆଇନମନ୍ତ୍ରୀଙ୍କ ସହ ଏନେଇ ଆଲୋଚନା କରି ଦ୍ଵିତୀୟ ଶ୍ରୀକ୍ଷେତ୍ର ମହାପ୍ରଭୁଙ୍କର ସମସ୍ତ ଅସୁବିଧାର ସ୍ଥାୟୀ ସମାଧାନ ତୁରନ୍ତ କରାଯିବ ବୋଲି ଆଇନ ମନ୍ତ୍ରୀ ପ୍ରତିଶ୍ରୁତି ଦେଇଥିଲେ। ହେଲେ ସରକାର ଦେଇଥିବା ପ୍ରତିଶୃତି ଆଜି ପର୍ଯ୍ୟନ୍ତ ପାଣିରଗାର ହୋଇ ରହିଯାଇଛି। ଏଭଳି ମିଥ୍ୟା ପ୍ରତିଶ୍ରୁତି ନ ଦେବା ସହିତ ଯଥାଶୀଘ୍ର ଦାବି ପୂରଣ ପାଇଁ ସେବାୟତମାନେ ଦାବି କରିଛନ୍ତି।ଯେ ପଯ୍ୟନ୍ତ ଦାବି ପୂରଣ ନ ହୋଇଛି ଜୀବନ ଯିବା ପଯ୍ୟନ୍ତ ମହାପ୍ରଭୁଙ୍କ ପାଇଁ ଲଢ଼ିଇ ଜାରି ରହିବ ବୋଲି ଚେତାବନୀ ଦେଇଛନ୍ତି। ସରକାରଙ୍କର ଏଭଳି ଛଳନାପୂର୍ଣ୍ଣ ନୀତିକୁ ବିରୋଧୀଦଳ ବିଜେପି ଓ କଂଗ୍ରେସ ଦଳ ପକ୍ଷରୁ ତୀବ୍ର ବିରୋଧ କରାଯାଇଛି। ବିଶ୍ଵ ପରିଚିତ ଦ୍ୱିତୀୟ ଶ୍ରୀକ୍ଷେତ୍ର ଶ୍ରୀ ଶ୍ରୀ ହରିବଳଦେଵ ମନ୍ଦିର କୁ ଅଣଦେଖା କରିବାକୁ ପ୍ରଶ୍ନବାଚୀ କରିଛନ୍ତି ବିରୋଧୀ। ପାଟକୁରା ନିର୍ବାଚନ ଆଗକୁ ଥିବାରୁ ଗତ ୨୯ ତାରିଖ ସରକାର ସେବାୟତମାନଙ୍କୁ ମିଛ ପ୍ରତିଶ୍ରୁତି ଦେଇ ମୟୁରଭଞ୍ଜର ସ୍ୱାର୍ଥକୁ ଝୁଲାଇ ରଖାଯାଇଛି ବୋଲି ବି.ଜେ.ପି ର ଜିଲ୍ଲା ସଭାପତି ଡ଼ା. କୃଷ୍ଣଚନ୍ଦ୍ର ମହାପାତ୍ର କହିଛନ୍ତି। ସେହିଭଳି ଗତ ପଦଯାତ୍ରାରେ ସାମିଲ ଥିବା ଭଞ୍ଜସେନାର ଅଧକ୍ଷ କହିଛନ୍ତି , ସରକାରଙ୍କୁ ଚିହିଁବାରେ ସେବାୟତ ଓ ମୟୂରଭଞ୍ଜ ଜିଲ୍ଲାବାସୀ ଭୁଲ କରିଛନ୍ତି।। ରାଜ୍ୟ ସରକାର କେବଳ ମିଛ ପ୍ରତିଶ୍ରୁତି ଦେଇଜାଣନ୍ତି, କିନ୍ତୁ କାମରେ କରି ଦେଖାଇପାରନ୍ତି ନାହିଁ ବୋଲି ଭଂଜସେନା କହିଛି। ଭଞ୍ଜସେନା ମୟୂରଭଞ୍ଜ ର ସ୍ୱାଭିମାନ ପାଇଁ ସେବୟତମାନଙ୍କ ସହିତ ଭଞ୍ଜସେନା ରହିଛି ଆଗକୁ ମଧ୍ୟ ରହିଥିବା ବୋଲି ଭଂଜସେନାର ଅଧ୍ୟକ୍ଷ, ସତ୍ୟ ସରୂପ ଦାଶ କହିଛନ୍ତି।ଆଗକୁ ଆସୁଛି ପୌର ନିର୍ବାଚନ, ସରକାର ଏ ପଦଯାତ୍ରା କୁ କୋଉ ମୋଡ଼ ଦେଉଛନ୍ତି, ତାହା ଦେଖିବାର ବାକି ରହିଲା।

Mo sapath

Leave A Reply

Your email address will not be published.