Blank space
Blank space
Breaking News/ମୁଖ୍ୟ ଖବର:
କେବଳ ନବୀନ ଓ କେବଳ ଶଙ୍ଖ ଆସିଲେ ହିଁ ଆମ ରାଜ୍ୟରେ ଆହୁରି ଉନ୍ନତି ହୋଇପାରିବ୩୬ ନଂ ୱାର୍ଡ ମଧୁସୂଦନ ନଗର ଓ ୟୁନିଟ -୪ ମାର୍କେଟ ଅଞ୍ଚଳରେ ଜନ ସଂପର୍କ ପଦଯାତ୍ରାଓଡ଼ିଶାରେ ମୋଦୀଙ୍କର ଚିରାଚରିତ ମିଛ ପ୍ରତିଶ୍ରୁତି ଓ ଫମ୍ପା ଭାଷଣକୁ କଟାକ୍ଷ କଲା କଂଗ୍ରେସମଧ୍ୟରେ ବଢ଼ୁଚି ବଜେପି ଛିଡୁଚି ବିଜେଡିୱାର୍ଡ ନଂ ୪ ର ସମ୍ମିଳିତ ବିଜେପି କର୍ମୀମାନଙ୍କ ଦ୍ୱାରା ଆୟୋଜିତ ଏକ ସମାବେଶକେୟାର ହସ୍ପିଟାଲ ପକ୍ଷରୁ କେୟାର କନେକ୍ଟ କର୍ମଶାଳା ଆୟୋଜିତପଟିଆ ରାଜାଙ୍କ ଆଶୀର୍ବାଦ ନେଲେ ପ୍ରିୟଦର୍ଶୀଦୁଇଟି ପଦ୍ମ ଫୁଲ ଚି଼ହ୍ନରେ ମୋହର ମରିବା ପାଇଁ ନିବେଦନ କଲେ ପ୍ରିୟଦର୍ଶୀନିର୍ବାଚନ ଇସ୍ତହାରରେ ରହୁ ଭୁବନେଶ୍ୱର ଜିଲ୍ଲା ଘୋଷଣାPARICHAY FOUNDATION-PROJECT -PAVI – DISTRIBUTION DRIVE SUPPORTED BY Shipping corporation of India.ବିଜେପି ଡରରେ ନବୀନ ବାବୁ ଓଡ଼ିଶା ବାସୀଙ୍କୁ ଧୋକା ଦେଇଛନ୍ତିNMIET organizes 17th Athletic Meetସ୍ମାର୍ଟ ଲିଭିଙ୍ଗ୍ ସଲ୍ୟୁସନର ମାନ ବୃଦ୍ଧି ପାଇଁ ଟ୍ରାଞ୍ଜେପ ସ୍ମାର୍ଟ ବିଲିଂ ଏବଂ ଆମ୍ପିଓ ପୋଲାଣ୍ଡର ମିଳିତ ଉଦ୍ୟମଓଡ଼ିଶା କୃଷକ ସାଥୀ ସଂଘ ପକ୍ଷରୁ ରାଜ୍ୟ ସରକାରଙ୍କୁ ଚେତାବନୀ…ଏଏସିସିଆଇ ର ୩ ଦିନିଆ ସମ୍ମିଳନୀ ଅନୁଷ୍ଠିତ ହୋଇଯାଇଛିଆଗାମୀ ୨୦୨୪ ନିର୍ବାଚନ ଉତ୍ତରରୁ ଲଢ଼ିବେ ଦେବାଶିଷ ନାୟକଖୋଲିଲା ଆଭୂଷଣ ଜ୍ବେଲର୍ସ“ଜଗବନ୍ଧୁ ଜରାଶ୍ରମ” ପକ୍ଷରୁ ଶୀତବସ୍ତ୍ର ଓ ରାସନ ସାମଗ୍ରୀ ବଣ୍ଟନପ୍ରଫେସର ରଶ୍ମୀ ମିଶ୍ରଙ୍କ ପୁସ୍ତକ “ୟୁଭିକା” ଉନ୍ମୋଚିତPoetry Collection “YUVAIKA” Launched
Blank space

ଘରୋଇ ଶିକ୍ଷାନୁଷ୍ଠାନରେ ବନ୍ଧା ପଡିଛି ଛାତ୍ରଛାତ୍ରୀଙ୍କ ଜୀବନ

ଗୋଟିଏ ଦିନରେ 5 ଟି ଶିକ୍ଷାନୁଷ୍ଠାନ ଉପରେ ଚଢ଼ାଉ କଲା ଅଗ୍ନିଶ୍ରମ ବିଭାଗ

0

*ଅବ୍ୟବସ୍ଥାରେ ଚାଲିଛି ମୟୁରଭଞ୍ଜ ଜିଲ୍ଲାର ଘରୋଇ ଶିକ୍ଷାନୁଷ୍ଠାନ….

ଅଗ୍ନିଶମ ବିଭାଗରୁ ୧୫ଦିନ ଭିତରେ ଏନଓସି ନ ଆଣିଲେ ଦୃଢକାର୍ଯ୍ୟାନୁଷ୍ଠାନ ନେବାକୁ ଚେତାବନୀ ଦେଲେ ଅଧିକାରୀ…

Blank space

ବାରିପଦା,(ନିରପେକ୍ଷ ଖବର),୨୧/୯: ମୟୁରଭଞ୍ଜ ଜିଲ୍ଲାରେ ଥିବା ଅଧିକାଂଶ ଘରୋଇ ଶିକ୍ଷାନୁଷ୍ଠାନରେ ବନ୍ଧା ପଡିଛି ଛାତ୍ରଛାତ୍ରୀଙ୍କ ଜୀବନ। ବିପଦସଂକୁଳ ଅବସ୍ଥାରେ ଏଠାରେ ଚାଲିଛି ପାଠ ପଢା। ଏସବୁ ଶିକ୍ଷାନୁଷ୍ଠାନରେ ନା ଅଛି ଅଗ୍ନି ନିର୍ବାପକ ଯନ୍ତ୍ର ନା ଅଛି ଆଉ କିଛି ସ୍ଵତନ୍ତ୍ର ବ୍ୟବସ୍ଥା। କିନ୍ତୁ ଛାତ୍ରଛାତ୍ରୀଙ୍କ ଜୀବନ ସହ ଖେଳ ଖେଳି ଶିକ୍ଷାନୁଷ୍ଠାନର ମାଲିକମାନେ ଅଭିଭାବକମାନଙ୍କ ଠାରୁ ଲୁଟି ଚାଲିଛନ୍ତି ଲକ୍ଷ ଲକ୍ଷ ଟଙ୍କା। ଶନିବାର ଦିନ ବାରିପଦା ଅଗ୍ନିଶମ ଅଧିକାରୀ ପ୍ରକାଶ କୁମାର ଜେନା ମୟୁରଭଞ୍ଜ ଜିଲ୍ଲାର ଥିବା ବିଭିନ୍ନ ଘରୋଇ ଉଚ୍ଚଶିକ୍ଷାନୁଷ୍ଠାନକୁ ପରିଦର୍ଶନରେ ଯାଇଥିବା ବେଳେ ଏଭଳି ସମ୍ବେଦନଶୀଳ ଚିତ୍ର ସାମ୍ନାକୁ ଆସିଛି।

ଜିଲ୍ଲାରେ ସରକାରୀ ଗାଇଡ଼ ଲାଇନକୁ ଖାତିରି ନ କରି ଘରୋଇ ଉଚ୍ଚ ଶିକ୍ଷାନୁଷ୍ଠାନଗୁଡିକ ବେଧଡକ ଭାବେ ବେପାର ଜମାଇଛନ୍ତି। ସାଇ ଡିଗ୍ରୀ କଲେଜ ଓ ସାଇ ଉଚ୍ଚମାଧ୍ୟମିକ ବିଦ୍ୟାଳୟଟି ତିନି ମହଲା ବିଶିଷ୍ଟ ହୋଇଥିବା ବେଳେ ସେଠାରେ ଆବଶ୍ୟକୀୟ ଅଗ୍ନି ନିର୍ବାପକ ଯନ୍ତ୍ର ନଥିବା ବେଳେ ଅନ୍ୟାନ୍ୟ ଆନୁସଙ୍ଗିକ ବ୍ୟବସ୍ଥା ମହଜୁଦ ନଥିବା ଦେଖିବାକୁ ମିଳିଥିଲା। ଜିଲ୍ଳାରେଥିବା ୨୫ଟି ଘରୋଇ ଶିକ୍ଷାନୁଷ୍ଠାନଗୁଡିକରେ ଅଗ୍ନି ନିର୍ବାପକ ବ୍ୟବସ୍ପା ଅଛି କି ନାହିଁ ତାକୁ ତଦାରଖ କରିବା ପାଇଁ ବାରିପଦା ଅଗ୍ନଶମ ବିଭାଗ ପକ୍ଷରୁ ଯାଞ୍ଚ ପକ୍ରିୟା ଆରମ୍ଭ କରାଯାଇଥିଲା।

ହଠାତ ଦୁର୍ଘଟଣା ହେଲେ ଶିକ୍ଷାଥିମାନେ ୪ ମହଲା ଉପରୁ ତଳକୁ ଆସିବା କଷ୍ଟକର…

ବାରିପଦା ଅଗ୍ନିଶମ ଅଧିକାରୀ ପ୍ରକାଶ କୁମାର ଜେନାଙ୍କ ନେତୃତ୍ବରେ ଏକ ୫ ଜଣିଆ ଟିମ ଏନେଇ ଶନିବାର ସ୍ଥାନୀୟ ସହର ମଧ୍ଯରେ ଥିବା ବିଭିନ୍ନ ଘରୋଇ ଶିକ୍ଷାନୁଷ୍ଠାନ ଉପରେ ଚଢାଉ କରିବା ସହ କ୍ଲାସ୍‌ ରୁମ୍‌, ରୋଷେଇ ଘର, ଡାଇନିଂ ହଲ, ଲ୍ୟାବ୍‌ ଆଦିକୁ ଯାଞ୍ଚ କରିଥିଲା । ଏହି ଯାଞ୍ଚ ସମୟରେ ଅଧିକାଂଶ ଶିକ୍ଷାନୁଷ୍ଠାଠାନରେ ଅଗ୍ନଶ୍ରମ ବ୍ୟବସ୍ଥା ନଥିବା ସହ ଶିକ୍ଷାନୁଷ୍ଠାନରେ ବିଭିନ୍ନ ଆନୁସଙ୍ଗୀକ ବ୍ୟବସ୍ତା ମହଯୁଦ୍‌ ନଥିବା ଦେଖିବାକୁ ମିଳିଥିଲା। ଏପରିକି ଅନେକ ଘରୋଇ ଶିକ୍ଷାନୁଷ୍ଠାନର ମାଲିକମାନେ ସରକାରୀ ନିୟମ କାନୁନକୁ ନମାନି ୪ ମହଲା ଘରେ ଛାତ୍ରଛାତ୍ରୀମାନଙ୍କୁ ପାଠ ପଢାଯାଉଥିବା ବେଳେ ଶିକ୍ଷାନୁଷ୍ଠାନରେ ଗୋଟିଏ ମାତ୍ର ପ୍ରବେଶ ଓ ପ୍ରସ୍ଥାନ ପଥ ରହିଥିବା ଜଣାପଡ଼ିଥିଲା | ହଠାତ ତିନି କିମ୍ବା ୪ ମହଲା ଉପରେ କୌଣସି ଦୁର୍ଘଟଣା ଘଟିଲେ ଛାତ୍ରଛାତ୍ରୀମାନେ ତଳକୁ ବାହାରିବା କଷ୍ଟକର ହେବା ଆଶଙ୍କା ଥିବାରୁ ଶ୍ରୀ ଜେନା ଶିକ୍ଷାନୁଷ୍ଠାନର ମାଲିକମାନଙ୍କୁ ତାଗିତ କରିଥିଲେ। ଆସନ୍ତା ୧୫ ଦିନ ମଧ୍ଯରେ ଅଗ୍ନି ନିର୍ବାପକ ବ୍ୟବସ୍ତା ଉପଲବ୍ଧ କରାଇବା ସହ ଅଗ୍ନଶମ ବିଭାଗରୁ ଏନ୍‌ଓସି ଆଣିବାକୁ ଶିକ୍ଷାନୁଷ୍ଠାନର ମାଲିକମାନଙ୍କୁ ନୋଟିସ୍‌ ପଠାଯିବ ବୋଲି ସେ ଚେତାବନୀ ଦେଇଛନ୍ତି। ଶନିବାର ସକାଳ ସାଢେ ୧୧ଟା ସମୟରେ ବାରିପଦା ଅଗ୍ନଶ୍ରମ ଅଧିକାରୀଙ୍କ ନେତୃତ୍ଵରେ ପ୍ରଥମେ ସ୍ଥାନୀୟ ଅରୁଣଦୌୟ ଉଚ୍ଚ ମାଧ୍ଯମିକ ବିଦ୍ୟାଳୟକୁ ଗସ୍ତ କରିଥିଲେ। ସେଠାରେ ବିଭିନ୍ନ ଆନୁସଙ୍ଗିକ ବ୍ୟବସ୍ଥା ନଥିବା ଦେଖିବା ସହ କ୍ଲାସ୍‌ ରୁମ୍‌, ରୋଷେଇ ଘର ଓ ଡାଇନିଂ ହଲ ସବୁ ପାଖାପାଖି ରହିଥିବା ବେଳେ କୌଣସି ଅଗ୍ନ ନିର୍ବାହକ ଯନ୍ତ୍ର ରଖାଯଇ ନଥିବାରୁ ସେ ଉଦ୍‌ବେଗ ପ୍ରକାଶ କରିଛନ୍ତି। ଏହାପରେ ଏହି ୫ ଜଣିଆ ଟିମ୍‌ ସାଇସିଦ୍ଧି ଆବାସିକ ଉଚ୍ଚ ବିଦ୍ୟାଳୟ, ସାଇ ଡିଗ୍ରୀ କଲେଜ ଓ ସାଇ ଉଚ୍ଚମାଧ୍ୟମିକ ବିଦ୍ୟାଳୟ,ପ୍ରିନସ୍ କଲେଜକୁ ଯାଇ ଯାଞ୍ଚ କରିଥିଲେ ।

କୌଣସି ଘରୋଇ ଶିକ୍ଷାନୁଷ୍ଠାନରେ ଅଗ୍ନି ନିର୍ବାପକ ବ୍ୟବସ୍ଥା କରାଯାଇ ନଥିବା ସେ ଦେଖିବାକୁ ପାଇଥିଲେ । ଏନେଇ ଶ୍ରୀ ଜେନା କହିଛନ୍ତି ଯେ, ମୟୂରଭଞ୍ଜ ଜିଲ୍ଲାରେ ଅଧିକାଂଶ ଘରୋଇ ଶିକ୍ଷାନୁଷ୍ଠାନରେ ଅଗ୍ନଶମ ବ୍ୟବସ୍ଥା ନଥିବା ଜଣାପଡ଼ିଛି। ସେଥିପାଇଁ ଶନିବାର ପ୍ରଥମେ ୫ଟି କଲେଜ ଯାଞ୍ଚ କରାଯାଇଥିବା ବେଳେ ଆଗକୁ ସମସ୍ତ କଲେଜ ବୁଲି ସେଠାରେ କି କି ବ୍ୟବସ୍ତା ଉପଲବ୍ଧ ଅଛି ତାକୁ ଯାଞ୍ଚ କରାଯିବ। ଏବଂ ଘରୋଇ ଶିକ୍ଷାନୁଷ୍ଠାନ ଗୁଡିକରେ ଅଗ୍ନି ନିର୍ବାପକ ଯନ୍ତ୍ର ସହ ଅନ୍ୟାନ୍ୟ ଆନୁସଙ୍ଗିକ ବ୍ୟବସ୍ଥା ରଖିବାକୁ ଅଗ୍ନଶମ ବିଭାଗ ପକ୍ଷରୁ ନୋଟିସ୍‌ ପଠାଯିବାକୁ ବ୍ୟବସ୍ତା କରାଯାଇଛି। ସରକାରୀ ନିୟମକୁ ପାଳନ କରୁ ନଥିବା ଶିକ୍ଷାନୁଷ୍ଠାନଗୁଡିକ ଉପରେ ଦୃଢ କାର୍ଯ୍ୟାନୁଷ୍ପନ ଗ୍ରହଣ କରାଯିବ ବୋଲି ଅଗ୍ନିଶମ ଅଧିକାରୀ ଶ୍ରୀ ଜେନା ଚେତାବନୀ ଦେଇଛନ୍ତି।

Mo sapath

Leave A Reply

Your email address will not be published.