Blank space
Blank space
Breaking News/ମୁଖ୍ୟ ଖବର:
କେବଳ ନବୀନ ଓ କେବଳ ଶଙ୍ଖ ଆସିଲେ ହିଁ ଆମ ରାଜ୍ୟରେ ଆହୁରି ଉନ୍ନତି ହୋଇପାରିବ୩୬ ନଂ ୱାର୍ଡ ମଧୁସୂଦନ ନଗର ଓ ୟୁନିଟ -୪ ମାର୍କେଟ ଅଞ୍ଚଳରେ ଜନ ସଂପର୍କ ପଦଯାତ୍ରାଓଡ଼ିଶାରେ ମୋଦୀଙ୍କର ଚିରାଚରିତ ମିଛ ପ୍ରତିଶ୍ରୁତି ଓ ଫମ୍ପା ଭାଷଣକୁ କଟାକ୍ଷ କଲା କଂଗ୍ରେସମଧ୍ୟରେ ବଢ଼ୁଚି ବଜେପି ଛିଡୁଚି ବିଜେଡିୱାର୍ଡ ନଂ ୪ ର ସମ୍ମିଳିତ ବିଜେପି କର୍ମୀମାନଙ୍କ ଦ୍ୱାରା ଆୟୋଜିତ ଏକ ସମାବେଶକେୟାର ହସ୍ପିଟାଲ ପକ୍ଷରୁ କେୟାର କନେକ୍ଟ କର୍ମଶାଳା ଆୟୋଜିତପଟିଆ ରାଜାଙ୍କ ଆଶୀର୍ବାଦ ନେଲେ ପ୍ରିୟଦର୍ଶୀଦୁଇଟି ପଦ୍ମ ଫୁଲ ଚି଼ହ୍ନରେ ମୋହର ମରିବା ପାଇଁ ନିବେଦନ କଲେ ପ୍ରିୟଦର୍ଶୀନିର୍ବାଚନ ଇସ୍ତହାରରେ ରହୁ ଭୁବନେଶ୍ୱର ଜିଲ୍ଲା ଘୋଷଣାPARICHAY FOUNDATION-PROJECT -PAVI – DISTRIBUTION DRIVE SUPPORTED BY Shipping corporation of India.ବିଜେପି ଡରରେ ନବୀନ ବାବୁ ଓଡ଼ିଶା ବାସୀଙ୍କୁ ଧୋକା ଦେଇଛନ୍ତିNMIET organizes 17th Athletic Meetସ୍ମାର୍ଟ ଲିଭିଙ୍ଗ୍ ସଲ୍ୟୁସନର ମାନ ବୃଦ୍ଧି ପାଇଁ ଟ୍ରାଞ୍ଜେପ ସ୍ମାର୍ଟ ବିଲିଂ ଏବଂ ଆମ୍ପିଓ ପୋଲାଣ୍ଡର ମିଳିତ ଉଦ୍ୟମଓଡ଼ିଶା କୃଷକ ସାଥୀ ସଂଘ ପକ୍ଷରୁ ରାଜ୍ୟ ସରକାରଙ୍କୁ ଚେତାବନୀ…ଏଏସିସିଆଇ ର ୩ ଦିନିଆ ସମ୍ମିଳନୀ ଅନୁଷ୍ଠିତ ହୋଇଯାଇଛିଆଗାମୀ ୨୦୨୪ ନିର୍ବାଚନ ଉତ୍ତରରୁ ଲଢ଼ିବେ ଦେବାଶିଷ ନାୟକଖୋଲିଲା ଆଭୂଷଣ ଜ୍ବେଲର୍ସ“ଜଗବନ୍ଧୁ ଜରାଶ୍ରମ” ପକ୍ଷରୁ ଶୀତବସ୍ତ୍ର ଓ ରାସନ ସାମଗ୍ରୀ ବଣ୍ଟନପ୍ରଫେସର ରଶ୍ମୀ ମିଶ୍ରଙ୍କ ପୁସ୍ତକ “ୟୁଭିକା” ଉନ୍ମୋଚିତPoetry Collection “YUVAIKA” Launched
Blank space

ମୟୁରଭଞ୍ଜବାସୀଙ୍କୁ କ୍ଷମା ମାଗିଲେ ମନ୍ତ୍ରୀ ଅରୁଣ ସାହୁ

ଜିଲ୍ଲା ବିଜେଡିର ମଙ୍ଗ ଧରିଲେ ହେବିୱେଟ ନେତା ବିଧାୟକ ବବି

0

ବାରିପଦା,(ନିରପେକ୍ଷ ଖବର) (ବିଶ୍ୱଜିତ ଭୂୟାଁ)-୭/୦୯/୨୦୧୯: ମୟୂରଭଞ୍ଜ ଜିଲ୍ଲା ବିଜେଡି ପରିବର୍ଦ୍ଧିତ କାର୍ଯ୍ୟକାରିଣୀ ବୈଠକରେ ସାମିଲ ହେଲେ ଦୁଇ ପୂର୍ବତନ ପର୍ଯ୍ୟବେକ୍ଷ ସଞ୍ଜୟ ଦାସବର୍ମା,ମନ୍ତ୍ରୀ ଅରୁଣ ସାହୁ ଓ ନବ ନିଯୁକ୍ତ ପ୍ରଣବ ପ୍ରକାଶ ଦାସ ଓରଫ ବବି। ଯାହାକୁ ନେଇ ଜିଲ୍ଲାରେ ଚର୍ଚ୍ଚା ଜୋର ଧରିଛି। କାହିଁକି, କଣ ପାଇଁ ଓ କେମିତି ରାଜ୍ୟ ବିଜେଡିର ଏହି ତିନି ହେବିୱେଟ ନେତା ମୟୁରଭଞ୍ଜରେ ଏକତ୍ରିତ ହେଲେ ତାକୁ ନେଇ ଏବେ ବିରୋଧୀ ଦଳ ବିଜେପି, କଂଗ୍ରେସ ଓ ଜେଏମଏମ୍ ଅଙ୍କ କସିବା ଆରମ୍ଭ କରିଥିବା ବେଳେ ବୁଦ୍ଧିଜୀବୀ ମହଲରେ ଯେଉଁଠି ପାରେ ସେଠି ଏହାକୁ ନେଇ ଆଲୋଚନା ହେବାରେ ଲାଗିଛି।ମୟୂରଭଞ୍ଜ ଜିଲ୍ଲାର ବିଜେଡି ପର୍ଯ୍ୟବେକ୍ଷକ ଭାବେ ଉଭୟ ସଞ୍ଜୟ ଓ ଅରୁଣ କାର୍ଯ୍ୟ କରିସାରିଛନ୍ତି। ଉଭୟଙ୍କ କାର୍ଯ୍ୟକାଳ ସମୟରେ ଜିଲ୍ଲାରେ ଦଳୀୟ ସଂଗଠନକୁ ତୀବ୍ର ଗୋଷ୍ଠୀକନ୍ଦଳର ସାମ୍ନା କରିବାକୁ ପଡିଥିଲା। ଯାହାର ପରିଣାମ ସ୍ୱରୂପ ୨୦୧୭ ପଞ୍ଚାୟତ ନିର୍ବାଚନ ଓ ୨୦୧୯ ସାଧାରଣ ନିର୍ବାଚନରେ ବିଜେଡିକୁ ନିରାଶ କରିଦେଇଥିଲା।
ସୂଚନା ଯୋଗ୍ୟ ଯେ, ଗତ ସାଧାରଣ ନିର୍ବାଚନରେ ସାରା ଓଡ଼ିଶାରେ ବିଜୁ ଜନତା ଦଳ ବିପୁଳ ବିଜୟ ଲାଭ କରିଥିବା ବେଳେ ମୟୁରଭଞ୍ଜ ଜିଲ୍ଲାରେ କିନ୍ତୁ ଦଳ ପରାଜୟର ସ୍ଵାଦୁ ଚାଖିଥିଲା। ବିଜେଡି ଅକ୍ତିଆରରେ ଥିବା ମୟୁରଭଞ୍ଜ ଜିଲ୍ଲା ବିଜେପି ହାତକୁ ଚାଲିଯାଇଥିଲା। ବିଜେପି ଜିଲ୍ଲାର ୯ ବିଧାନସଭା ଆସନ ମଧ୍ୟରୁ ୬ଟି ଆସନ ଅକ୍ତିଆର କରିବା ସହ ଗୋଟିଏ ଲୋକସଭା ଆସନକୁ ବି ବିଜେଡି ହାତରୁ ଛଡାଇ ନେଇଥିଲା। ଦଳର ସୁପ୍ରିମ ନବୀନ ପଟ୍ଟନାୟକ ଏହାକୁ ହଜମ କରିପାରି ନଥିଲେ। ପରାଜୟର କାରଣ ଜାଣିବା ଓ ଜିଲ୍ଲାରେ ଦଳକୁ ପୁଣି ମଜବୁତ କରିବା ପାଇଁ ଜିଲ୍ଲାର ପର୍ୟ୍ଯବେକ୍ଷକ ଦାଇତ୍ୱରେ ଥିବା ମନ୍ତ୍ରୀ ଅରୁଣ ସାହୁଙ୍କୁ ହଟାଇ ଦଳର ସୁପ୍ରିମ ନବୀନ ପଟ୍ଟନାୟକ ତାଙ୍କର ସବୁଠୁ ବିଶ୍ୱସ୍ତ ବିଧାୟକ ବବି ଦାସଙ୍କୁ ଦାଇତ୍ୱ ଦେଇଛନ୍ତି। ଦଳର ସୁପ୍ରିମ ବବିଙ୍କୁ ଯେଉଁ ଦାଇତ୍ୱ ଦେଇଛନ୍ତି ତାକୁ ସମାଧାନ କରିବା ତାଙ୍କ ପାଇଁ ବଡ଼ କଷ୍ଟକର ହେବ ବୋଲି ବୁଦ୍ଧିଜୀବୀ ମହଲରେ ଆଲୋଚନା ହେଉଛି। କାରଣ ୨୦୧୪ ମସିହାରେ ଯେତେବେଳେ ସଞ୍ଜୟ ଦାସବର୍ମା ଜିଲ୍ଲାର ପର୍ଯ୍ୟବେକ୍ଷକ ଦାଇତ୍ୱରେ ଥିଲେ ସେ ସମୟରେ ଦଳ ଜିଲ୍ଲାର ସମସ୍ତ ୯ ଟି ବିଧାନସଭା ଓ ଗୋଟିଏ ଲୋକସଭା ଆସନକୁ ଦଖଲ କରିଥିଲା। ମାତ୍ର ୨୦୧୭ ମସିହା ପଞ୍ଚାୟତ ନିର୍ବାଚନ ପୂର୍ବରୁ ସଞ୍ଜୟଙ୍କୁ ହଟାଇ ଯୁବ ନେତା ଅରୁଣ ସାହୁଙ୍କୁ ଦାଇତ୍ୱ ଦେବାପରେ ଜିଲ୍ଲାର ଦଳୀୟ କର୍ମକର୍ତ୍ତାଙ୍କ ଭିତରେ ଅନ୍ତର୍ଦ୍ବନ୍ଦ ବଢ଼ିବାରେ ଲାଗିଥିଲା। ସଞ୍ଜୟ ପୂର୍ବରୁ ଜିଲ୍ଲାରେ ଯେଉଁ ସଂଗଠନ ତିଆରି କରିଥିଲେ ତାକୁ ପ୍ରାଧାନ୍ୟ ନଦେଇ ଅରୁଣ କୁଆଡେ ଦଳ ଭିତରେ ଆଉ ଗୋଟାଏ ଗୋଷ୍ଠୀ ତିଆରି କରୁଥିଲେ ବୋଲି ସେ ସମୟରେ ଅଭିଯୋଗ ଉଠିଥିଲା। ଯାହାଫଳରେ ଦଳ ଭିତରେ ଗୋଷ୍ଠୀକନ୍ଦଳ ବଢ଼ିବାରେ ଲାଗିଥିଲା। ଯେଉଁଥି ପାଇଁ ଦଳ ୨୦୧୭ ମସିହା ପଞ୍ଚାୟତ ନିର୍ବାଚନରେ ଶୋଚନୀୟ ପରାଜୟ ବରଣ କରିଥିଲା। ତଥାପି ଦଳର ସୁପ୍ରିମ ନବୀନ ପଟ୍ଟନାୟକ ଅରୁଣଙ୍କ ଉପରୁ ଭରଷା ନ ତୁଟାଇ ୨୦୧୯ ସାଧାରଣ ନିର୍ବାଚନରେ ମୟୁରଭଞ୍ଜ ଜିଲ୍ଲାର ମଙ୍ଗ ପୁଣି ତାଙ୍କ ହାତରେ ଦେଇଥିଲେ। ଫଳରେ ଜିଲ୍ଲାର ଆଗ ଧାଡ଼ିର ଦଳୀୟ କର୍ମକର୍ତ୍ତାଙ୍କ ମଧ୍ୟରେ ଫାଟ ବଢ଼ିବାରେ ଲାଗିଥିଲା। ଯାହାର ପରିଣାମ ସ୍ୱରୂପ ଗତ ସାଧାରଣ ନିର୍ବାଚନରେ ପୁଣି ପ୍ରତିଫଳିତ ହୋଇଥିଲା। ୨୦୧୯ ସାଧାରଣ ନିର୍ବାଚନରେ ମୟୁରଭଞ୍ଜ ଜିଲ୍ଲାର ୯ ଟି ବିଧାନସଭା ଆସନରୁ ମାତ୍ର ୩ଟି ଆସନ ଅକ୍ତିଆର କରିଥିବା ବେଳେ ଗୋଟିଏ ଲୋକସଭା ଆସନ ବିଜେଡି ହାତରୁ ବି ଖସି ଯାଇଥିଲା.                                                                     ମଗ୍ର ଓଡ଼ିଶାର ବୃହତ୍ତମ ଜିଲ୍ଲା ଭାବେ ମୟୂରଭଞ୍ଜ ପରିଗଣିତ ହେଉଥିବାରୁ ଏଠାରେ ଦଳର ପରାଜୟ ସମସ୍ତଙ୍କୁ ଚକିତ କରିଥିଲା। ଏନେଇ ବିଜେଡି ସୁପ୍ରିମୋ ନବୀନ ପଟ୍ଟନାୟକ ଏବେ ତାଙ୍କର ସବୁଠୁଁ ବିଶ୍ୱସ୍ତ ଓ ଭରସା ଯୋଗ୍ୟ ନେତା ବବିଙ୍କୁ ମୟୁରଭଞ୍ଜ ଜିଲ୍ଲାର ଦାଇତ୍ୱ ଦେଇଛନ୍ତି। ଦଳର ସୁପ୍ରିମ ନବୀନଙ୍କ ବିଶ୍ୱାସକୁ ଅତୁଟ ରଖିବା ପାଇଁ ବବି ପୂରା ରଣକୌଶଳ ପ୍ରସ୍ତୁତ କରିଥିବା ଶନିବାର ଦିନ ପରିବର୍ତ୍ତିତ କାର୍ଯ୍ୟକାରିଣୀ ବୈଠକରେ ଦେଖିବାକୁ ମିଳିଥିଲା। ବିଜେଡି ରାଜନୀତିରେ ଦୀର୍ଘ ଏକ ଦଶନ୍ଧି ଧରି ପ୍ରଭାବଶାଳୀ ଥିବା ଦୁଇ ନେତା ସଞ୍ଜୟ ଦାସବର୍ମା ଓ ଅରୁଣ ସାହୁଙ୍କୁ ପରିବର୍ତ୍ତିତ କାର୍ଯ୍ୟକାରିଣୀ ବୈଠକରେ ଏକାଠି ବସାଇ ବବି ମୟୁରଭଞ୍ଜ ଜିଲ୍ଲା ସଂଗଠନରେ ସେମାନଙ୍କର ଥିବା ପତିଆରାକୁ ହ୍ରାସ କରିଛନ୍ତି।                                                                                   

ଏହି ପରିବର୍ତ୍ତିତ କାର୍ଯ୍ୟକାରିଣୀ ବୈଠକରେ ୨୦୧୭ ପଞ୍ଚାୟତ ନିର୍ବାଚନ ଓ ୨୦୧୯ ବିଧାନସଭା ନିର୍ବାଚନରେ ଦଳର ପରାଜୟର ଦୋଷ ସେ ସମୟର ପର୍ଯ୍ୟବେକ୍ଷକ ତଥା ଏବେକାର କୃଷି ଓ ଉଚ୍ଚଶିକ୍ଷା ମନ୍ତ୍ରୀ ଅରୁଣ ସାହୁ ନିଜ ମୁଣ୍ଡକୁ ନେଇ ମୟୁରଭଞ୍ଜବାସୀଙ୍କୁ କ୍ଷମା ପାର୍ଥନା କରିଛନ୍ତି। ବବିଙ୍କ ରଣକୌଶଳ ଆଗରେ ମନ୍ତ୍ରୀ ଅରୁଣ ସାହୁ ଫେଲ ମାରିବା ସହ ମୟୂରଭଞ୍ଜ ଜିଲ୍ଲା ବିଜେଡି ସଂଗଠନରେ ସେ ପ୍ରଭାବଶୂନ୍ୟ ହୋଇଯାଇଥିବା ଚର୍ଚ୍ଚା ହେଉଛି। ତେବେ ଗତ କିଛି ଦିନ ତଳେ ପ୍ରଣବଙ୍କୁ ମୟୂରଭଞ୍ଜ ଜିଲ୍ଲା ବିଜେଡି ଦାୟିତ୍ୱ ଦିଆଯିବା ପରେ ସେ ଉଭୟ ସଞ୍ଜୟ ଓ ଅରୁଣଙ୍କୁ ଜିଲ୍ଲା ପରିବର୍ଦ୍ଧିତ କାର୍ଯ୍ୟକାରିଣୀରେ ସାମିଲ କରାଇ ଗୋଟିଏ ଗୁଳିରେ ଦୁଇଟି ଶିକାର କରିଛନ୍ତି। ପ୍ରଣବ ଦଳରେ ନିଜର ପତିଆରାର ଆଭାସ ମୟୂରଭଞ୍ଜ ଜିଲ୍ଲା କର୍ମକର୍ତ୍ତାଙ୍କୁ ଦେବା ସହ ସଞ୍ଜୟ ଓ ଅରୁଣଙ୍କର ଥିବା ଗୋଷ୍ଠୀଙ୍କୁ ତାଙ୍କ ହାତମୁଠାକୁ ନେବାକୁ ପ୍ରୟାସ ଆରମ୍ଭ କରିଛନ୍ତି। ପରିବର୍ତ୍ତିତ କାର୍ଯ୍ୟକାରିଣୀ ବୈଠକରେ ବବି କହିଛନ୍ତି ଯେ ଦଳ ଭିତରେ ରହି ଯେଉଁମାନେ ଗୋଷ୍ଠୀକନ୍ଦଳ ସୃଷ୍ଟ କରୁଛନ୍ତି ସେମାନଙ୍କୁ ଦଳରେ କୌଣସି ସ୍ଥାନ ମିଳିବ ନାହିଁ। ଏବେ ଦେଖିବାକୁ ବାକି ରହିଲା ଦଳର ସୁପ୍ରିମ ବବିଙ୍କୁ ଯେଉଁ ଦାଇତ୍ୱ ଦେଇଛନ୍ତି ତାକୁ ସେ କେତେ ସଫଳ ରୂପାୟନ କରୁଛନ୍ତି। ତାହା ଆଗାମୀ ପୌରପରିଷଦ ଓ ପଞ୍ଚାୟତ ନିର୍ବାଚନରେ ଜଣାପଡ଼ିବ ବୋଲି ବୁଦ୍ଧିଜୀବୀ ମହଲରେ ଆଲୋଚନା ହେଉଛି।

Mo sapath

Leave A Reply

Your email address will not be published.