ପାରାଦୀପ,ନିରପେକ୍ଷ ଖବର:ତା ୨୨/୧୧ ଆସନ୍ତା ନଭେମ୍ବର ୨୩ ତାରିଖରେ ପାରାଦୀପ ଅଠରବାଙ୍କି ବାଲିପ୍ଲଟ ସ୍ଥିତ ସଙ୍ଘ କାର୍ଯ୍ୟାଳୟରେ ଡମ୍ପର ମାଲିକ ସଂଘ କର୍ମକର୍ତ୍ତା ନିର୍ବାଚନ ଅନୁଷ୍ଠିତ ହେବାକୁ ଯାଉଛି l ଏହି ନିର୍ବାଚନରେ ସକାଳ ୮ ଟାରୁ ଅପରାହ୍ନ ୩ ଟା ପର୍ଯ୍ୟନ୍ତ ଭୋଟ ଗ୍ରହଣ କରାଯାଇ ପରେ ପରେ ଫଳାଫଳ ଘୋଷଣା କରାଯିବ l ଚଳିତ ନିର୍ବାଚନରେ ୩ ଜଣ ପ୍ରାର୍ଥୀ ପ୍ରତିଦ୍ବନ୍ଦିତା କରୁଥିବା ବେଳେ ଅନ୍ୟ ଦୁଇ ପ୍ରାର୍ଥୀଙ୍କ ବିରୋଧରେ କେହି ପ୍ରତିଦ୍ବନ୍ଦିତା କରୁନଥିବାରୁ ସେମାନେ ନିର୍ଦ୍ୱନ୍ଦ୍ୱରେ ନିର୍ବାଚିତ ହୋଇଛନ୍ତି l ୩୮୫ ମାଲିକ ଏଥର ନିର୍ବାଚନରେ ୩ କର୍ମକର୍ତ୍ତା ଙ୍କୁ ନିର୍ବାଚିତ କରିବାକୁ ଯାଉଥିବା ବେଳେ ଗୁରୁତ୍ୱପୂର୍ଣ୍ଣ ସଭାପତି ଓ ସମ୍ପାଦକ ପଦବୀ କେଉଁ ଗୋଷ୍ଠି ହାତକୁ ଯିବ ତାହା ଫଳାଫଳ ଘୋଷଣା ପରେ ଜଣାପଡିବ l ତେବେ ଚଳିତ ନିର୍ବାଚନରେ ସଂଘର ସଭାପତି ପଦ ପାଇଁ ବିଜୟ କୁମାର ନାୟକ (ସଦା) ଓ ମନୋରଞ୍ଜନ ମିଶ୍ର ପ୍ରତିଦ୍ବନ୍ଦିତା କରୁଥିବା ବେଳେ ଶ୍ରୀ ନାୟକ (ସଦା) ଓ ତାଙ୍କ ସମର୍ଥିତ ପ୍ରାର୍ଥୀଙ୍କ ପଲ୍ଲା ଭାରି ରହିଥିବା ଚର୍ଚ୍ଚା ହେଉଛି l ସୂଚନା ଥାଉକି ସଂଘ ଏବଂ ଗାଡି ମାଲିକଙ୍କ ସ୍ୱାର୍ଥ ରକ୍ଷା ଏବଂ ଆର୍ଥିକ ବିକାଶ କ୍ଷେତ୍ରରେ ସମ୍ପ୍ରତି ସଭାପତି ବିଜୟ ନାୟକ ଙ୍କ ଗୁରୁତ୍ୱପୂର୍ଣ୍ଣ ଭୂମିକା ରହିଛି l ତେଣୁ ଏଥର ବିଜୟଙ୍କ ବିଜୟ ସୁନିଶ୍ଚିତ ବୋଲି ତାଙ୍କ ସମର୍ଥକ ଦୃଢ଼ ନିଶ୍ଚିତ ଥିବାବେଳେ ଅପରଗୋଷ୍ଠୀ ଦୀର୍ଘଦିନ ହେବ ସେଭଳି ଆଖିଦୃଶିଆ କାର୍ଯ୍ୟ କରିନଥିବା ଅଭିଯୋଗ କରି ଏଥର ତାଙ୍କର ନିଶ୍ଚିତ ପରାଜୟ ଘଟିବ ବୋଲି କହୁଥିବାର ଦେଖିବାକୁ ମିଳିଛି l ହେଲେ ଆସନ୍ତା ୨୩ ରେ ଚିତ୍ର ସ୍ପଷ୍ଟ ହେବା ସହ ବିଜୟ ଟୀକା କାହା କପାଳରେ ଲାଗୁଛି ତାହା ଦେଖିବା ବାକି ରହିଲା l
