ଭୁବନେଶ୍ୱର ନିରପେକ୍ଷ ଖବର: ୨୦/୦୫/୨୦୧୯: ଚଳିତ ମେ’ ମାସ ୩ ତାରିଖରେ ଓଡ଼ିଶା ଉପକୂଳରେ ହୋଇଥିବା ବାତ୍ୟା ‘ଫନୀ’ ରେ ପ୍ରଭାବିତ ହୋଇଥିବା ଲୋକଙ୍କୁ ଗେଲ୍ (ଇଣ୍ଡିଆ) ତରଫରୁ ଓଡ଼ିଶା ରାଜ୍ୟ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷ (ଓସ୍ଡମା)କୁ ରିଲିଫ ଏବଂ ଥଇଥାନ ବାବଦକୁ ୫ କୋଟି ଟଙ୍କା ସହାୟତା ରାଶି ପ୍ରଦାନ କରାଯାଇଛି । ଶ୍ରୀ କେ.ଭି.ଜି ଶ୍ରୀନିବାସ, ଜେନେରାଲ ମ୍ୟାନେଜର (ନିର୍ମାଣ), ଗେଲ୍ (ଇଣ୍ଡିଆ) ଆଜି ଭୁବନେଶ୍ୱରସ୍ଥିତ ସ୍ୱତନ୍ତ୍ର ରିଲିଫ୍ କମିଶନରଙ୍କ କାର୍ଯ୍ୟାଳୟରେ ଓସ୍ଡମା ମୁଖ୍ୟ ତଥା ସ୍ୱତନ୍ତ୍ର ରିଲିଫ୍ କମିଶନର, ଓଡ଼ିଶା, ଶ୍ରୀ ବିଷ୍ଣୁପଦ ସେଠୀଙ୍କୁ ୫ କୋଟି ଟଙ୍କାର ଏକ ଚେକ୍ ପ୍ରଦାନ କରିଥିଲେ । ଗେଲ୍, ଏକ କେନ୍ଦ୍ରୀୟ ରାଷ୍ଟ୍ରାୟତ କମ୍ପାନୀ, ଓଡ଼ିଶାରେ ନିଜର ସମ୍ପ୍ରସାରିତ ପ୍ରକଳ୍ପ ଜଗଦୀଶପୁର-ହଳଦିଆ ଏବଂ ବୋକାରୋ-ଧାମରା ପ୍ରାକୃତିକ ଗ୍ୟାସ ପାଇପଲାଇନ ନିର୍ମାଣ କରୁଛି । ଏହା ଭୁବନେଶ୍ୱର ଏବଂ କଟକରେ ସହରୀ ଗ୍ୟାସ ବିତରଣ ନେଟୱର୍କକୁ ମଧ୍ୟ ପରିଚାଳନା କରୁଛି । ବାତ୍ୟା ପରେ ଗେଲ୍ (ଇଣ୍ଡିଆ) ସ୍ୱଳ୍ପ ସମୟ ମଧ୍ୟରେ ସହରରେ ଜେନେରେଟର ସୁବିଧା ସହିତ ସିଏନ୍ଜି ଯୋଗାଣକୁ ପୁର୍ନରୁଦ୍ଧାର କରିପାରିଛି ।
