*ମେଡିକାଲ ଅଧିକକ୍ଷଙ୍କ ଅପାରଗତା ପାଇଁ ଡିଏନଏ ରିପୋର୍ଟ ଆସିବା ବିଳମ୍ବ ହେଉଥିବା ଅଭିଯୋଗ*
ବାରିପଦା(ନିରପେକ୍ଷ ଖବର)ତା-୧୮/୦୫- ଗତ ୧୧ ତାରିଖରେ ପିଆରଏମ୍ ମେଡ଼ିକାଲ କଲେଜ ଆଣ୍ଡ ହସ୍ପିଟାଲରେ ହୋଇଥିବା ଶିଶୁ ଅଦଳ ବଦଳ ଘଟଣାକୁ ନେଇ ଉତ୍ତ୍ୟକ୍ତ ମହିଳାମାନେ ମୟୁରଭଞ୍ଜ ଜିଲ୍ଲାପାଳଙ୍କ ଅଫିସକୁ ଭଙ୍ଗାରୁଜା କରିଛନ୍ତି। କଣ ପାଇଁ ଡିଏନଏ ରିପୋର୍ଟ ଆସିବା ବିଳମ୍ବ ହେଉଛି ବୋଲି କହି ଜିଲ୍ଲାପାଳଙ୍କ ଉପସ୍ଥିତରେ କାର୍ଯ୍ୟଳୟର ଝରକା ଗୁଡିକୁ ଭାଙ୍ଗିଛନ୍ତି।ଜିଲ୍ଲାପାଳ କାର୍ଯ୍ୟାଳୟରେ ଉପସ୍ଥିତ ଥିବା ସମୟରେ ଏଭଳି ଅଭାବନୀୟ ଘଟଣା ଘଟିଛି। ପିଆରଏମ ମେଡିକାଲର ଅଧିକ୍ଷକ ଡାକ୍ତର ବୌକୁଣ୍ଠନାଥ ମହାପାତ୍ରଙ୍କ ଅପାରଗତା ପାଇଁ ପିଲା ଅଦଳ ବଦଳ ହୋଇଥିଲା ବୋଲି ଅଭିଯୋଗ କରିଛନ୍ତି ଉତ୍ତ୍ୟକ୍ତ ଲୋକେ।ଶତାଧିକ ମହିଳା ଓ ପୁରୁଷ ଜିଲ୍ଲାପାଳଙ୍କ ଅଫିସ ଆଗରେ ହଙ୍ଗମା କରିଛନ୍ତି। ଖବରପାଇ ଘଟଣାସ୍ଥଳରେ ଏସପି ପରମାର ସ୍ମିଥ ପୁରୁଷୋତ୍ତମ ଦାସଙ୍କ ସମତେ ୧ ପ୍ଲାଟୁନ ପୁଲିସ ଫୋର୍ସ ପହଁଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରିବା ପରେ ପରିସ୍ଥିତି ଶାନ୍ତ ପଡିଥିଲା। ସୂଚନାଯୋଗ୍ୟ ଗତ ଏପ୍ରିଲ ୨୬ ତାରିଖରେ ବାରିପଦା ସଦରଥାନା ଅନ୍ତର୍ଗତ ଜାମବଣି ଗ୍ରାମର କାର୍ତ୍ତିକ ସିଂ ଙ୍କର ସ୍ତ୍ରୀ ରଇବାରୀଙ୍କୁ ପ୍ରସବ ବେଦନା ହେବାରୁ ବାରିପଦା ସ୍ଥିତ ପି ଆର ଏମ୍ ମେଡ଼ିକାଲ କଲେଜ ଏଣ୍ଡ ହସପିଟାଲ ରେ ଭର୍ତ୍ତି କରିଥିଲେ । 
ଏହାପରେ ରଇବାରୀ ସେଠାରେ ଏକ ପୁତ୍ର ସନ୍ତାନ ଜନ୍ମ ଦେଇଥିଲେ । ନବଜାତ ଶିଶୁଟି ଜନ୍ମ ସମୟରେ ଅସୁସ୍ଥ ଥିବାରୁ ତାକୁ ଡାକ୍ତରଖାନାର ଏସ ଏନ ସି ୟୁ ବିଭାଗ ରେ ଭର୍ତ୍ତି କରାଯାଇଥିଲା । ତେବେ ମେ ୦୫ ତାରିଖରେ ଶିଶୁଟି ସୁସ୍ଥ ହୋଇଯିବାରୁ ହସପିଟାଲରୁ ମା ଓ ଛୁଆ କୁ ଡିସଚାର୍ଜ କରାଯାଇଥିଲା । ତେବେ ମେ ୧୧ ତାରିଖ ଦିନ ଶିଶୁଟିକୁ କିଛି ଟିକା ଦେବାର ବାକି ଅଛି ବୋଲି କହି ଆଶାକର୍ମୀ ଙ୍କୁ ଫୋନ ମାଧ୍ୟମରେ ଏସ ଏନ ସି ୟୁ କୁ ବିଭାଗୀୟ କର୍ମଚାରୀ ଡକାଇଥିଲେ ।
ଡାକ୍ତରଖାନାରେ ପହଞ୍ଚିବା ପରେ ଶିଶୁ କୁ ଏସ ଏନ ସି ୟୁ ବିଭାଗର ନର୍ସ ମାନେ ଟୀକା ଦେବା ବାହାନା ରେ ଭିତର କୁ ନେଇ ଯିବାର କିଛି ସମୟ ପରେ ନର୍ସ ଜଣଙ୍କ ଶିଶୁ ଟି ମରିଯାଇଛି ବୋଲି କହିଥିଲେ। ତେବେ ଦୁଇଜଣ ମା ଙ୍କ ନାମ ସମାନ ଥୁବାରୁ ଏ ଭଳି ଶିଶୁ ଅଦଳ ବଦଳ ହୋଇଛି ବୋଲି ମେଡ଼ିକାଲ କର୍ତ୍ତୃପକ୍ଷ ମାନିବା ସହ ଡି ଏନ ଏ ଟେଷ୍ଟ ପରେ ସମସ୍ୟା ସମାଧାନ ହେବ ବୋଲି କହିଥିଲେ। ହେଲେ ଏହି ଘଟଣା ଘଟିବାର ୨ ସପ୍ତାହ ବିତି ଯାଇଥିଲେ ମଧ୍ୟ ଡିଏନଏ ରିପୋର୍ଟ ଏ ପର୍ଯ୍ୟନ୍ତ ଆସି ନାହିଁ। ମେଡିକାଲ କର୍ତ୍ତୃପକ୍ଷ ଜାଣିଶୁଣି ଡିଏନଏ ରିପୋର୍ଟ ପ୍ରକାଶ କରୁ ନାହାଁନ୍ତି ବୋଲି ଅଭିଯୋଗ କରି ଆଇନକୁ ହାତକୁ ନେବାକୁ ଉଦ୍ୟମ କଲେ ବୋଲି ଉତ୍ତ୍ୟକ୍ତ ମହିଳା କହିଛନ୍ତି।
