ବାରିପଦା(ନିରପେକ୍ଷ ଖବର)ତା-୦୬/୦୬-ଧୀରେ ଧୀରେ ମୟୁରଭଞ୍ଜ ଜିଲ୍ଲାରେ କାୟା ବିସ୍ତାର କରିବାରେ ଲାଗିଛି କୋରୋନା। ଶନିବାର ପୁଣି ଜିଲ୍ଲାରୁ ୧୩ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି।ସେଥିମଧ୍ୟରୁ ୫ ଜଣ ଶୁଳିଆପଦା,୨ ଜଣ ବହଳଦା ଏବଂ ୬ ଜଣ ଜଶିପୁର ବ୍ଲକର ହୋଇଥିବା ସୂଚନା ମିଳିଛି। ତେବେ ଶନିବାର ଚିହ୍ନଟ ହୋଇଥିବା ୧୩ ଜଣ ମଧ୍ୟରୁ ୬ ଜଣ ନିଜ ନିଜ ବ୍ଲକ ଅଞ୍ଚଳରେ ଥିବା କ୍ୟାରେଣ୍ଟଇନ ସେଣ୍ଟରରେ ରେ ରହୁଥିବା ବେଳେ ଆଉ ଛଅ ଜଣ କ୍ୟାରେଣ୍ଟଇନ କେନ୍ଦ୍ରର ଅବଧି ପୂରଣ କରିବା ପରେ ହୋମ କ୍ୟାରେଣ୍ଟଇନରେ ରହୁଥିବା ଜଣାପଡିଛି ଅନ୍ୟ ଜଣେ କୌଣସି କ୍ୟାରେଣ୍ଟଇନ ସେଣ୍ଟରରେ ନ ଥିଲେ କିମ୍ବା ବାହାର ରାଜ୍ୟରୁ ମଧ୍ୟ ଆସି ନଥିବା ଜଣାପଡିଛି। ଶୁଳିଆପଦା ବ୍ଲକର ୫ ଜଣଙ୍କ ମଧ୍ୟରୁ ୪ ଜଣ ମହାରାଷ୍ଟ୍ର ଓ ଜଣେ ଦିଲ୍ଲୀ ଫେରନ୍ତା ହୋଇଥିବା ଜଣାପଡିଛି ସେହିପରି ଯଶିପୁର ବ୍ଲକର ୬ ଜଣ ତାମିଲନାଡୁ ରୁ ଫେରନ୍ତା ହୋଇଥିବା ବେଳେ ଅନ୍ୟ ଜଣେ ବହଳଦା ବ୍ଲକର ଗୁଜୁରାଟରୁ ଫେରନ୍ତା ବୋଲି ଜଣାପଡିଛି।ସେମାନେ ସମସ୍ତେ ଜିଲ୍ଲାକୁ ପ୍ରତ୍ୟବର୍ତ୍ତନ କରିବା ପରଠାରୁ ବ୍ଲକ କୋରେନଟାଇନ ସେଣ୍ଟରରେ ରହୁଥିଲେ।ତାଙ୍କର ସ୍ୱାବ ନମୁନା ନିଆଯାଇ ପରୀକ୍ଷଣ କରାଯିବ ପରେ କରୋନା ପଜିଟିଭ ଥିବା ଜଣାପଡିଥିଲା। ତେବେ ଚିନ୍ତା ବଢାଇଛି ବଦଳଦା ବ୍ଲକର ଚିହ୍ନଟ ହୋଇଥିବା ଅନ୍ୟ ଜଣେ କରୋନା ପଜିଟିଭ ସେ କୌଣସି ରାଜ୍ୟରୁ ଫେରିନଥିଲେ କିମ୍ବା କୌଣସି କ୍ୟାରେନଟାଇନ ସେଣ୍ଟରରେ ମଧ୍ୟ ନଥିଲେ।ବହଳଦା ସ୍ଥାନୀୟ ଅଞ୍ଚଳରୁ ଚିନ୍ହଟ ଆକ୍ରାନ୍ତ ଜଣକ ସୋସୋ ଗ୍ରାମପଞ୍ଚାୟତର ଅଟନ୍ତି ବୋଲି ଜିଲ୍ଲା ପ୍ରଶାସନ ପକ୍ଷରୁ ସୂଚନା ଦିଆଯାଇଛି।ଜିଲ୍ଲାରୁ ଚିନ୍ହଟ ଆକ୍ରାନ୍ତଙ୍କୁ ଚିକିତ୍ସା ନିମନ୍ତେ ସ୍ଥାନୀୟ ବାଙ୍କୀସୋଲ ସ୍ଥିତ କୋଭିଡ଼ ହସ୍ପିଟାଲକୁ ସ୍ଥାନାନ୍ତରିତ କରାଯାଇଛି।ଏଥି ସହିତ ଜିଲ୍ଲାର ଜଣେ ଆକ୍ରାନ୍ତ ସୁସ୍ଥ ମଧ୍ୟ ହୋଇଛନ୍ତି।ମୟୁରଭଞ୍ଜ ଜିଲ୍ଲାର ମୋଟ ଆକ୍ରାନ୍ତଙ୍କ ସଂଖ୍ୟା ୭୦ ଛୁଇଁ ଥିବା ବେଳେ ସେଥିମଧ୍ୟରୁ ୫୫ ଜଣ କରୋନା ଆକ୍ରାନ୍ତ ସକ୍ରିୟ ଥିବାବେଳେ ୧୫ ଜଣ ସୁସ୍ଥ ହୋଇ ଘରକୁ ଫେରିଛନ୍ତି।
