ଶିଶୁକୁ ନିଜେ ମା ଅକ୍ସଞ୍ଜେନ ଦେଉଥିବା ଭିଡ଼ିଓ ଭାଇରାଲ।
ବାରିପଦା(ନିରପେକ୍ଷ ଖବର)ତା-୨୫/୦୧/୨୦୨୦-ପିଆରଏମ ମେଡିକାଲ କଲେଜ ଆଣ୍ଡ ହସ୍ପିଟାଲ ହେବା ପରେ ମୟୁରଭଞ୍ଜ ଜିଲ୍ଲାରେ ଖୁସିର ଲହରୀ ଖେଳି ଯାଇଥିଲା। ଜିଲ୍ଲାବାସୀଙ୍କ ସବୁ ଦୁଃଖ ଲାଘବ ହେଲା ଭଳି ଲାଗୁଥିଲା। ହେଲେ ଲୋକଙ୍କର ଦୁଃଖ ଦୂର ହେବା ତ ଦୂରର କଥା ଏବେ ଭଗବାନଙ୍କ ଭରଷାରେ ରୋଗୀମାନେ ମେଡିକାଲରେ ଚିକିତ୍ସା ହେଉଛନ୍ତି। କେତେବେଳେ ଡାକ୍ତରଙ୍କ ଦୌରାତ୍ମରେ ଶିକାର ହେଉଛନ୍ତି ତ ଆଉ କେତେବେଳେ ନର୍ସଙ୍କ ହାତରେ ଚିକିତ୍ସା ହେବାକୁ ପଡୁଛି କେତେବେଳେ ମେଡିକାଲ କେଣ୍ଟିନରେ କାର୍ଯ୍ୟରତ ମହିଳା କର୍ମଚାରୀଙ୍କ ଦ୍ୱାରା ରୋଗୀଙ୍କୁ ଇଂଜେକସନ ମଧ୍ୟ ଦିଆଯାଇଛି। ତଥାପି ଆଉ ବିକଳ୍ପ କିଛି ନ ଥିବାରୁ ମୟୁରଭଞ୍ଜବାସୀ ବାଧ୍ୟବାଧ୍ୟକତାରେ ଏଠାକୁ ଚିକିତ୍ସା ହେବାକୁ ଆସୁଛନ୍ତି। ଏବେ ପିଆରଏମ୍ ମେଡିକାଲରେ ଏମିତି ଏକ ଚିତ୍ର ଆସିଛି, ଯାହା ଜାଣିଲେ ଆପଣମାନେ ଆଶ୍ଚର୍ଯ୍ୟ ହୋଇ ଯିବେ ଆଉ ସ୍ୱାସ୍ଥ୍ୟସେବାର ନଗ୍ନ ଚିତ୍ରକୁ ଧିକ୍କାର କରିବେ।
ଏହି କିଛିଦିନ ତଳେ ଜଣେ ଡାକ୍ତର ରୋଗୀଙ୍କୁ ଘରୋଇ ମେଡିକାଲକୁ ଜୋରଜବରଦସ୍ତ ସ୍ଥାନନ୍ତର ଘଟଣା ଭିଡିଓ ଭାଇରାଲ ହେବା ପରେ ପୁଣି ପଣ୍ଡିତ ରଘୁନାଥ ମୁର୍ମ ମେଡିକାଲ କଲେଜ ଆଣ୍ଡ ହସ୍ପିଟାଲରେ ପୁଣି ଏକ ଅଭାବନୀୟ ଘଟଣା ସାମ୍ନାକୁ ଆସିଛି। ଶିଶୁ ବିଭାଗରେ ଜଣେ ମହିଳା ତାର କୋମଳମତି ଶିଶୁକୁ ନିଜେ ଅକ୍ସୀଜେନ ଦେଉଥିବା ବେଳେ ଏକ ଭିଡିଓ ଭାଇରାଲ ହେଇଛି।
ପିଆରଏମ୍ ମେଡିକାଲରେ ରୋଗୀଙ୍କୁ ବାରମ୍ବାର ଡାକ୍ତରଙ୍କ ଅବହେଳା ଯୋଗୁ ରୋଗୀ ମୃତ୍ୟ ହେଉଥିବା ବେଳେ ମେଡିକାଲ କର୍ତ୍ତୃପକ୍ଷ କିନ୍ତୁ ଚେତୁ ନାହାନ୍ତି। ଶିଶୁ ରୋଗ ଭଳି ଏକ ଗୁରୁତ୍ୱପୂର୍ଣ୍ଣ ବିଭାଗରେ ରୋଗୀମାନେ ଏଭଳି ଚିକିତ୍ସା ହେବା ମେଡିକାଲ କର୍ତ୍ତୃପକ୍ଷଙ୍କ କାଯ୍ୟ ଦକ୍ଷତା ଉପରେ ପ୍ରଶ୍ନବାଚୀ ସୃଷ୍ଟି କରିଛି। ଡାକ୍ତର ଓ ନର୍ସମାନଙ୍କର ଦାଇତ୍ୱହୀନତା ପାଇଁ ପିଆରଏମ୍ ମେଡିକାଲରେ ବାରମ୍ବାର ଏଭଳି ଘଟଣା ଘଟୁଥିଲେ ବି କର୍ତ୍ତୃପକ୍ଷ ଚେତୁ ନାହାନ୍ତି।
ଯାହା ଫଳରେ ଅଧିକାଂଶ ସମୟରେ ଡାକ୍ତରଙ୍କ ଅବହେଳା ପାଇଁ ରୋଗୀ ମୃତ୍ୟୁ ହେଉଥିବା ଅଭିଯୋଗ ଆସୁଛି। ଜଣେ ମା ତାର କୋମଳମାତି ଶିଶୁକୁ ଅକ୍ସୀଜେନ ଦେବା ଘଟଣା ଟି ଗତ ୧୭ ତାରିଖର ବୋଲି ଜଣାପଡିଛି। ଏନେଇ ମେଡିକାଲ କର୍ତ୍ତୃପକ୍ଷଙ୍କ ସହ ଯୋଗାଯୋଗ କରାଯାଇଥିଲେ ମଧ୍ୟ ସେମାନେ ଏ ବିଷୟରେ କିଛି ଜାଣି ନ ଥିବା କହିଛନ୍ତି।
