ବାରିପଦା(ନିରପେକ୍ଷ ଖବର)ତା-୧୩/ଜାନୁଆରୀ/୨୦୨୦-ରାଜ୍ୟକୁ ପୁଣି ଫେରିଛି ଶୀତ ।ଶୀତ ର ପ୍ରକୋପରୁ ସାରା ଓଡିଶା ବର୍ତ୍ତି ପାରୁନାହିଁ ।
ପ୍ରବଳ ଜାଡରେ ଥରୁଛି ଓଡିଶା । ଆଂଚଳିକ ପାଣିପାଗ ବିଭାଗ କାର୍ଯ୍ୟାଳୟରୁ ମିଳିଥିବା ସୂଚନା ଅନୁସାରେ ଓଡ଼ିଶାର ବିଭିନ୍ନ ସ୍ଥାନ ମାନଙ୍କ ରେ ଥଣ୍ଡା ଜାରିରହିଛି ।ଏହି ଥଣ୍ଡାର ଜାଡ ମୟୁରଭଞ୍ଜ ଜିଲ୍ଲାରେ ମଧ୍ୟ ପ୍ରବଳ ପରିମାଣରେ ଅନୁଭୂତ ହେଉଛି। ସାଧାରଣ ଜୀବନ ଯାତ୍ରାକୁ ମଧ୍ୟ ପ୍ରଭାବିତ କରୁଛି।ଫଳରେ ସହରରୁ ଆରମ୍ଭ କରି ଗାଁ ପଯ୍ୟନ୍ତ ଏବେ ଶୀତରେ ଥରୁଛି।ଏହି ବର୍ଷ ମୟୁରଭଞ୍ଜର ଶୀତ ତାର ସମସ୍ତ ପୂର୍ବ ରେକର୍ଡକୁ କାଟିଦେଇଛି।ପାରଦ ୧୦ ଡିଗ୍ରୀ ତଳକୁ ଖସିଯିବା ସହ ପ୍ରବଳ ଶୀତ ଅନୁଭୂତ ହେଉଛି।କିଛି କିଛି ସ୍ଥାନରେ ନିଆଁ ଜାଳି ଶୀତର ପ୍ରକୋପରୁ ରକ୍ଷା ପାଇବାକୁ ଚେଷ୍ଟା କରୁଛନ୍ତି।ପର୍ବତମାଳା ରେ ଘେରି ରହିଥିବା ଏହି ଜିଲ୍ଲାରେ କିଛି ସ୍ଥାନରେ ତୁଷାରପାତ ମଧ୍ୟ ଜାରି ରହିଛି।ଗତ କାଲି ଶିମିଳିପାଳ ଅଭୟାରଣ୍ୟରେ ଦେଖିବାକୁ ମିଳିଛି ତୁଷାର ପାତ। ଧୀରେ ଧୀରେ ପାରଦ ନିମ୍ନ ଗାମୀ ହେବାସହ ତୁଷାର ପାତ ଦେଖିବାକୁ ମିଳିଛି। ଶିମିଳିପାଳ ଅଭୟାରଣ୍ୟ ମଧ୍ୟରେ ଥିବା ନିଷିଦ୍ଧାଞ୍ଚଳ ଯଥା କୁମାରୀ , ବାରହାକାମୁଡ଼ା , ଉପର ବାରହାକାମୁଡ଼ା ଓ ମେଘାସନି ଅଂଚଳ ମାନଙ୍କରେ ତୁଷାରପାତ ହୋଇଛି।
ତୁଷାରପାତ ପରେ ଘାସ ଗଲିଚା ଉପରେ ଧଳା ଆସ୍ତରଣ ଛାଇ ହୋଇ ରହୁଛି।ଶୀତର ପ୍ରକୋପରେ ଶିମିଳିପାଳ ଅଂଚଳରେ ବସବାସ କରୁଥିବା ଲୋକଙ୍କ ଜନଜୀବନ ଅସ୍ତବ୍ୟସ୍ତ ହୋଇପଡ଼ିଛି।ପଶୁ ପକ୍ଷୀ ସମସ୍ତେ ଶୀତ ର ଜାଡରେ ଥରୁଛନ୍ତି। ସକାଳୁ ସକାଳୁ ଏହି ସବୁ ଅଞ୍ଚଳରେ ଥିବା ଗଛ ପତ୍ରରେ ତୁଷାରପାତରେ ଘୋଡାଇ ହୋଇରହିଛି।ଶିମିଳିପାଳକୁ ବୁଲିବା ପାଇଁ ଆସୁଥିବା ପର୍ଯ୍ୟଟକ ମାନେ ଏହି ତୁଷାରପାତର ଖୁବ ମଜା ନେଉଛନ୍ତି।ପାହାଡ ଓ ପ୍ରକୃତିମାଳାରେ ଘେରି ରହିଥିବା ଶିମିଳିପାଳ ତୁଷାରପାତ ପରେ ସତେ ଯେମିତି ପର୍ଯ୍ୟଟକଙ୍କ ପାଇଁ ଭୁସର୍ଗ ପାଲଟି ଯାଇଛି।
