ଭୁବନେଶ୍ୱର, ନିରପେକ୍ଷ ଖବର(୫/୧୨): ଦିଲ୍ଲୀରେ ଚାଲିଥିବା ଚାଷୀ ଆନ୍ଦୋଳନକୁ ସମର୍ଥନ କରି ନବନିର୍ମାଣ ଯୁବଛାତ୍ର ସଂଗଠନ ପକ୍ଷରୁ ଏକ ବିଶାଳ ବାଇକ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି। ସଂଗଠନର ରାଜ୍ୟ ସଂଯୋଜକ MD Manwar Alli ଙ୍କ ନେତୃତ୍ୱ ରେ ଶହ ଶହ ଯୁବଛାତ୍ର ଯୋଗ ଦେଇଥିଲେ । ଏନେଇ ଶ୍ରୀ ଅଲ୍ଲୀ କହିଛନ୍ତି ଯେ, କେନ୍ଦ୍ର ସରକାରଙ୍କ ନୂତନ କୃଷି ଆଇନରେ ପୁଞ୍ଜିପତିମାନେ ଲାଭମାନ ହେଉଥିବା ବେଳେ ଚାଷୀ କିନ୍ତୁ ହତାଶ ହେଉଛନ୍ତି।
ସରକାରଙ୍କର ଏ କଳା ଆଇନକୁ ତୁରନ୍ତ ପ୍ରତ୍ୟାହାର କରନ୍ତୁ ବୋଲି ସେ ଦାବି କରିଛନ୍ତି। ତୁରନ୍ତ ଏହାକୁ ପ୍ରତ୍ୟାହାର କରା ନଗଲେ ଆଗାମୀ ଦିନ ହଜାର ହଜାର ଯୁବଛାତ୍ର ଓଡ଼ିଶାରୁ ଦିଲ୍ଲୀ ଯିବେ ବୋଲି ଚେତାବନୀ ଦେଇଛନ୍ତି। ଏଥିସହିତ ଆସନ୍ତା ୮ ତାରିଖରେ ଚାଷୀମାନେ ଦେଇଥିବା ଭାରତ ବନ୍ଧ ଡାକରାରେ ସମସ୍ତେ ସହଯୋଗ କରିବା ପାଇଁ ସେ ଅନୁରୋଧ କରିଛନ୍ତି। ଶନିବାର ଅନୁଷ୍ଠିତ ପ୍ରତିବାଦରେ ସଂଗଠନର ଭୁବନେଶ୍ୱର ସଂଯୋକ ଅମିତ ଜେନା , ରଞ୍ଜନ ନାୟକ ,ଜୋସବନ୍ତ ଦାସ ,ଦେବାଶିଷ ନାୟକ , ଅମାର୍ଜିତ ସ୍ୱାଇଁ ,ରାୟ ରଞ୍ଜନ ମୋହନ୍ତି, ପ୍ରଶାନ୍ତ ପରିଡ଼ା, ବୁଲୁ ଜେନା ,ସୁନୀଲ ନାୟକ ,ତସର ଖାଁ, ଜୟାନ୍ତ ଗୋସ୍ୱାମୀ ,ସୌମିଓ ରଞ୍ଜନ ପଣ୍ଡା ପ୍ରମୁଖ ନେତୃତ୍ୱ ନେଇଥିଲେ।
