ପୁଣି ଏକ ଲୋମହର୍ଷକାରୀ ଘଟଣା ସାମ୍ନାକୁ ଆସିଲା……

ବାରିପଦା(ନିରପେକ୍ଷ ଖବର)ତା-୧୦/ଅଗଷ୍ଟ/୨୦୧୯-ଆଦିବାସୀ ଅଧୁସିତ ମୟୁରଭଞ୍ଜ ଜିଲ୍ଲାରେ ପୁଣି ଏକ ଲୋମହର୍ଷକାରୀ ଓ ଲଜ୍ୟା ଘଟଣା ସାମ୍ନାକୁ ଆସିଛି। ଜଣେ କଲେଜ ପଢୁଆ ଝିଅର ଲଗ୍ନ ଫୋଟୋ ସୋସିଆଲ ମିଡିଆରେ ଭାଇରାଲ ହେଉଛି। ମଣିଷରୂପୀ ରାକ୍ଷସଙ୍କ କବଳରେ ଶିକାର ହେଲେ ଏହି କଲେଜ ପଢ଼ୁଆ ନାବାଳିକା ଝିଅ। ନାବାଳିକା ଛାତ୍ରୀ ଜଣଙ୍କୁ ଦୁଷ୍କର୍ମ ଓ ପରେ ତାର ଫୋଟକୁ ଭାଇରାଲ ହେବା ଭଳି ଏକ ଜଘନ୍ୟ ଘଟଣା ମୟୁରଭଞ୍ଜ ଜିଲ୍ଲାରେ ଦେଖିବାକୁ ମିଳିଛି। ଗୋରୁମହିଷାଣି ଥାନା ଅଂଚଳର ଏକ ଗ୍ରାମରେ ଶନିବାର ଏଭଳି ଏକ ଅମାନୁସିକ ଘଟଣା ଘଟିଛି। ସୂଚନା ମୁତାବକ ଗୋରୁମହିଷାଣି ଥାନା ଜାମଦା ଅଞ୍ଚଳର ଲେମ୍ଭ ନାମକ ଯୁବକ ଏମିତି କାଣ୍ଡ ରଚିଛି। ନିକଟସ୍ଥ ଗ୍ରାମର ଜଣେ କଲେଜ ଛାତ୍ରୀଙ୍କୁ କଲେଜରୁ ଫେରୁଥିବା ସମୟରେ ଗ୍ରାମ ନିକଟସ୍ଥ ଥିବା ଓଶାଦା ଜଙ୍ଗଲକୁ ଟେକି ନେଇ ଏହି ନାବାଳିକା ଛାତ୍ରୀ ଜଣଙ୍କୁ ଦୁଷ୍କର୍ମ କରିଥିଲା । ଦୁଷ୍କର୍ମ କରିବା ସହ ତାର ଉଲଗ୍ନ ଫୋଟ ଉତ୍ତୋଳନ କରିଥିଲା । ଦୁଷ୍କର୍ମ କଥା ଘରେ ଜଣାଇଲେ ଉଲଗ୍ନ ଫୋଟ ସୋସିଆଲ ମିଡ଼ିଆରେ ଭାଇରାଲ କରିଦେବ ବୋଲି ସେ ଧମକ ଦେଇଥିଲା। ଫଳରେ ଫୋଟ ଭାଇରାଲ ହେବା ଭୟ ଓ ଲଜ୍ୟାରେ ଛାତ୍ରୀ ଜଣକ ଦୁଷ୍କର୍ମ କଥା କାହାକୁ ଜଣାଇନଥିଲେ । କିନ୍ତୁ ଫୋଟ ଭାଇରାଲ ହେବା ପରେ ଘର ଲୋକ ଜାଣିବାକୁ ପାଇଥିଲେ । ଏନେଇ ପରିବାର ଲୋକେ ଅଭିଯୁକ୍ତ ଯୁବକଙ୍କୁ ପଚାରିବାରୁ ପରିବାରଲୋକଙ୍କୁ ସେ ଜୀବନରୁ ମାରିଦେବାକୁ ଧମକ ଦେଇ ଫେରାର ହୋଇଯାଇଥିବା ଜଣାପଡିଛି । ଲଜ୍ଜ୍ୟାରେ ଭାଙ୍ଗି ପଡିଥିବା ପରିବାର ଲୋକେ ଶନିବାର ଗୋରୁମହିଷାଣି ଥାନାରେ ଏନେଇ ଅଭିଯୋଗ କରିଛନ୍ତି। ପୋଲିସ ଅଭିଯୁକ୍ତ ଯୁବକକୁ ଧରିବା ପାଇଁ ତଦନ୍ତ ଜାରି ରଖିଥବା ପୁଲିସ କହିଛି।