ଜିଲ୍ଲା ଜର୍ଜ ଓ ଦୌରା ଜର୍ଜ କୋର୍ଟର ସ୍ଥାନାନ୍ତରକୁ ବିରୋଧ କରି ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ବୁଖରେ ହରତାଳ କରିବ ଜିଲ୍ଲା ଓକିଲ ସଂଘ

ବାରିପଦା(ନିରପେକ୍ଷ ଖବର)ତା-୭/ଅଗଷ୍ଟ/୨୦୧୯- ଜିଲ୍ଲା ଜର୍ଜ ଓ ଦୌରା ଜର୍ଜ କୋର୍ଟର ସ୍ଥାନାନ୍ତରକୁ ବିରୋଧ କରି ବୁଧବାର ମୟୁରଭଞ୍ଜ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ବୁଖରେ ହରତାଳ କରିବାକୁ ଚେତାବନୀ ଦେଲା ଜିଲ୍ଲା ଓକିଲ ସଂଘ। ସ୍ଥାୟୀ କୋର୍ଟ ରହିଥିବା ଜାଗାରେ ନୂତନ ଗୃହ ନିର୍ମାଣ କରିବାକୁ ବାରମ୍ବାର ସଂଘ ପକ୍ଷରୁ ଦାବି କରାଯାଉଥିଲେ ମଧ୍ୟ ପ୍ରଶାସନ ବ୍ରୁକ୍ଷେପ ନକରି ୫ କିମି ଦୂର ମହାରାଜପୁର ଠାରେ ନୂତନ କୋର୍ଟ ଗୃହ ନିର୍ମାଣ ପାଇଁ ଜାଗା ସ୍ଥିର କରଛନ୍ତି। ଫଳରେ କୋର୍ଟକୁ ଆସୁଥିବା ଜନସାଧାରଣମାନେ ବିଭିନ୍ନ ଅସୁବିଧାରେ ସମ୍ବୁଖିନ ହେବେ ବୋଲି ସାମ୍ବାଦିକ ସମ୍ବିଳନୀ ସଂଘ ଅଭିଯୋଗ କରିଛି। ମୋକଦ୍ଦମା ପରିଚାଳନାରେ ଓକିଲମାନେ ମଧ୍ୟ ଅସୁବିଧାରେ ସମ୍ବୁଖିନ ହେବେ।ବାରିପଦା ବିଚାର ବିଭାଗୀୟ ସଂଲଗ୍ନରେ ଜିଲ୍ଲାପାଳଙ୍କ କାର୍ଯ୍ୟାଳୟ ତଥା ସବ ରେଜିଷ୍ଟାର ତହସିଲ ଅଫିସ ଓ ଅନ୍ୟାନ୍ୟ ଅଫିସ ମାନ ଥିବା ଦୃଷ୍ଟିରୁ ଜନସାଧାରଣ ତଥା ପକ୍ଷମାନଙ୍କର ଯେଉଁ ସୁବିଧା ସୁଯୋଗ ପାଉଥିଲେ ତାହା ନିଶ୍ଚିତ ଭାବରେ ବାଧାପ୍ରାପ୍ତ ହେବ। ବର୍ତ୍ତମାନ ପରିଚାଳିତ କୋର୍ଟ ନିକଟରେ ମ୍ୟୁନିସିପାଲଟି, ବସଷ୍ଟାଣ୍ଡ ସମେତ ବିଭିନ୍ନ ସରକାରୀ କାର୍ଯ୍ୟାଳୟ ଥିବାରୁ କେଶ ପରିଚାଳନାରେ ସୁବିଧା ହେଉଛି। କୋର୍ଟ ପରିସରରେ ଯଥେଷ୍ଟ ଜାଗା ଥିବା ବେଳେ କୋର୍ଟର ସ୍ଥାୟୀଗୃହ ୫ କିମି ଦୂରକୁ ଉଠାଇ ନେବାର କୌଣସି ଆବଶ୍ୟକତା ନାହିଁ ବୋଲି ସେମାନେ କହିଛନ୍ତି। ଓକିଲ ସଂଘର ବିନା ପରାମର୍ଶରେ ମନମୁଖି ଭାବରେ କୋର୍ଟର ନୂତନ ସ୍ଥାୟୀ ଗୃହ ନିର୍ମାଣ ପାଇଁ ପ୍ରଶାସନର ଏଭଳି ପଦକ୍ଷେପକୁ ସଂଘ ବିରୋଧ କରୁଛି । ପ୍ରଶାସନର ଏଭଳି ନୀତି ବିରୁଦ୍ଧରେ ଜିଲ୍ଲା ଓକିଲ ସଂଘ ବୁଧବାର ବାରିପଦାସ୍ଥିତ ବିଚାର ବିଭାଗୀୟ ସମସ୍ତ କୋର୍ଟ ତଥା କଲେକଟର ଓ ଅନ୍ୟାନ୍ୟ କୋର୍ଟରେ ହରତାଳ କରିବାକୁ ଚେତାବନୀ ଦିଇଛି।