Blank space
Blank space
Breaking News/ମୁଖ୍ୟ ଖବର:
କେବଳ ନବୀନ ଓ କେବଳ ଶଙ୍ଖ ଆସିଲେ ହିଁ ଆମ ରାଜ୍ୟରେ ଆହୁରି ଉନ୍ନତି ହୋଇପାରିବ୩୬ ନଂ ୱାର୍ଡ ମଧୁସୂଦନ ନଗର ଓ ୟୁନିଟ -୪ ମାର୍କେଟ ଅଞ୍ଚଳରେ ଜନ ସଂପର୍କ ପଦଯାତ୍ରାଓଡ଼ିଶାରେ ମୋଦୀଙ୍କର ଚିରାଚରିତ ମିଛ ପ୍ରତିଶ୍ରୁତି ଓ ଫମ୍ପା ଭାଷଣକୁ କଟାକ୍ଷ କଲା କଂଗ୍ରେସମଧ୍ୟରେ ବଢ଼ୁଚି ବଜେପି ଛିଡୁଚି ବିଜେଡିୱାର୍ଡ ନଂ ୪ ର ସମ୍ମିଳିତ ବିଜେପି କର୍ମୀମାନଙ୍କ ଦ୍ୱାରା ଆୟୋଜିତ ଏକ ସମାବେଶକେୟାର ହସ୍ପିଟାଲ ପକ୍ଷରୁ କେୟାର କନେକ୍ଟ କର୍ମଶାଳା ଆୟୋଜିତପଟିଆ ରାଜାଙ୍କ ଆଶୀର୍ବାଦ ନେଲେ ପ୍ରିୟଦର୍ଶୀଦୁଇଟି ପଦ୍ମ ଫୁଲ ଚି଼ହ୍ନରେ ମୋହର ମରିବା ପାଇଁ ନିବେଦନ କଲେ ପ୍ରିୟଦର୍ଶୀନିର୍ବାଚନ ଇସ୍ତହାରରେ ରହୁ ଭୁବନେଶ୍ୱର ଜିଲ୍ଲା ଘୋଷଣାPARICHAY FOUNDATION-PROJECT -PAVI – DISTRIBUTION DRIVE SUPPORTED BY Shipping corporation of India.ବିଜେପି ଡରରେ ନବୀନ ବାବୁ ଓଡ଼ିଶା ବାସୀଙ୍କୁ ଧୋକା ଦେଇଛନ୍ତିNMIET organizes 17th Athletic Meetସ୍ମାର୍ଟ ଲିଭିଙ୍ଗ୍ ସଲ୍ୟୁସନର ମାନ ବୃଦ୍ଧି ପାଇଁ ଟ୍ରାଞ୍ଜେପ ସ୍ମାର୍ଟ ବିଲିଂ ଏବଂ ଆମ୍ପିଓ ପୋଲାଣ୍ଡର ମିଳିତ ଉଦ୍ୟମଓଡ଼ିଶା କୃଷକ ସାଥୀ ସଂଘ ପକ୍ଷରୁ ରାଜ୍ୟ ସରକାରଙ୍କୁ ଚେତାବନୀ…ଏଏସିସିଆଇ ର ୩ ଦିନିଆ ସମ୍ମିଳନୀ ଅନୁଷ୍ଠିତ ହୋଇଯାଇଛିଆଗାମୀ ୨୦୨୪ ନିର୍ବାଚନ ଉତ୍ତରରୁ ଲଢ଼ିବେ ଦେବାଶିଷ ନାୟକଖୋଲିଲା ଆଭୂଷଣ ଜ୍ବେଲର୍ସ“ଜଗବନ୍ଧୁ ଜରାଶ୍ରମ” ପକ୍ଷରୁ ଶୀତବସ୍ତ୍ର ଓ ରାସନ ସାମଗ୍ରୀ ବଣ୍ଟନପ୍ରଫେସର ରଶ୍ମୀ ମିଶ୍ରଙ୍କ ପୁସ୍ତକ “ୟୁଭିକା” ଉନ୍ମୋଚିତPoetry Collection “YUVAIKA” Launched
Blank space

ଅସୁରକ୍ଷିତ ହୋଇପଡ଼ିଛି ବାରିପଦା ସହର…..

ମଝି ରାସ୍ତାରେ ଚାଲିଛି ବେଆଇନ ଗାଡି ପାର୍କିଙ୍ଗ....

0

ବାରିପଦା(ନିରପେକ୍ଷ ଖବର)ତା-୬/ଅଗଷ୍ଟ/୨୦୧୯-ବାରିପଦା ସହରରେ ଦିନକୁ ଦିନ ଲୁଟ,ଡକାୟତି, ଦୁର୍ଘଟଣା ଆଦି ବଢ଼ିବାରେ ଲାଗିଛି। ଟ୍ରାଫିକ ବ୍ୟବସ୍ଥା ମଧ୍ୟ ଭୁଶୁଡି ପଡ଼ିଲାଣି। ଏପରି କି ରାସ୍ତା ମଝିରେ ଯାହାର ଯେଉଁଠି ମନ ହେଉଛି, ସିଏ ସେଠି ଗାଡି ଛିଡା କରିଦେଉଛି। ସତେ ଯେମିତି ଏ ସହର ପାଇଁ ଟ୍ରାଫିକ ନିୟମ କିଛି ନାହିଁ। ଦିନକୁ ଦିନ ଅଶାନ୍ତ ହେବାରେ ଲାଗିଛି ବାରିପଦା ସହର। ଏହି ସହରରେ ଜନସଂଖ୍ୟା ୨ଲକ୍ଷକୁ ଟପିବାକୁ ବସିଲାଣି । ହେଲେ ସହରରେ ସୁରକ୍ଷା କର୍ମୀ ଖୋଜିଲେ ମିଳୁ ନାହାନ୍ତି। ଏତେ ବଡ ସହର ପାଇଁ ପୁଲିସ ପ୍ରଶାସନ ପକ୍ଷରୁ ମାତ୍ର ୧୩ ଜଣ ଟ୍ରାଫିକ ପୁଲିସଙ୍କୁ ମୁତୟନ କରାଯାଇଛି। ଏହି ୧୩ ଜଣ ସୁରକ୍ଷା କର୍ମୀଙ୍କ ମଧ୍ୟରୁ କେହି ଯଦି ଛୁଟିରେ ରହିଗଲେ ତାହା ହେଲେ କଥା ସରିଲା। ତେଣୁ ଦିନେ ଦିନେ ସହରରେ ଟ୍ରାଫିକ ପୁରା ଫୁଙ୍ଗୁଳା ହୋଇ ରହୁଥିବା ଦେଖିବାକୁ ମିଳୁଛି। ସବୁଠୁଁ ବଡ଼ କଥା ହେଲା, ବାରିପଦା ଟାଉନ ଥାନାରେ ବି ଆବଶ୍ୟକ ଅନୁଯାଇ ସୁରକ୍ଷା କର୍ମୀ ନ ଥିବା ବେଳେ ଥାନାରେ ଗୋଟିଏ ମାତ୍ର ପେଟ୍ରୋଲିଂ ଗାଡି ରହିଛି। ଏକା ସାଙ୍ଗରେ ଯଦି ସହର ଦୁଇଟି ସ୍ଥାନରେ କିଛି ଅଘଟଣ ଘଟିଲା ତା ହେଲେ କଥା ସରିଲା। ସହର ଭିତରେ ଅପରାଧ ଘଟାଇ ଜଣେ ଅପରାଧୀ ଅନାୟାସରେ ଖସି ଯାଉଛି। ତଥାପି ପ୍ରଶାସନ ନିରବଦ୍ରଷ୍ଟା ସାଜୁଛି।ମୟୁରଭଞ୍ଜ ଜିଲ୍ଲାର ବାରିପଦା ସହର ଜିଲ୍ଲାର ମୁଖ୍ୟ କେନ୍ଦ୍ରବିନ୍ଦୁ ହୋଇଥିବା ବେଳେ ମୟୁରଭଞ୍ଜକୁ ପଡୋଶୀ ରାଜ୍ୟ ଝାଡ଼ଖଣ୍ଡ ଓ ପଶ୍ଚିମବଙ୍ଗର ସୀମା ଲାଗିରହିଛି। ଫଳରେ ପଡୋଶୀ ରାଜ୍ୟରୁ ଅନୁପ୍ରବେଶକାରୀମାନେ ଏଠାକୁ ଆସି ବିଭିନ୍ନ ପ୍ରକାରର ଅସାମାଜିକ କାର୍ଯ୍ୟରେ ଲିପ୍ତ ରହୁଥିବା ବେଳେ ସହରର ବିଭିନ୍ନ ସମ୍ବେଦନଶୀଳ ସ୍ଥାନରେ ସିସିଟିଭି ଲଗାଯାଉ ନାହିଁ। ସେପଟେ ସହରରେ ଲୋକସଂଖ୍ୟା ଦିନକୁ ଦିନ ବଢିଚାଲିଥିବା ବେଳେ ମୋଟର ଯାନ ସଂଖ୍ୟା ମଧ୍ୟ ବଢ଼ିବାରେ ଲାଗିଛି। ବଡ଼ ବଡ଼ ସପିଂ ମଲ ଓ ଦୋକାନୀମାନେ ରାସ୍ତାକୁ ମାଡି ଦୋକାନର ପସରା ମେଲାଇଛନ୍ତି। ଫଳରେ ଦୋକାନକୁ ଆସୁଥିବା ଗ୍ରାହକମାନେ ରାସ୍ତା ଉପରେ ଗାଡି ପାର୍କିଂ କରୁଛନ୍ତି। ଫଳରେ ଅଧିକାଂଶ ସମୟରେ ଦୁର୍ଘଟଣା ମଧ୍ୟ ଘଟୁଛି। ବାଣ୍ଠିଆ ଜଗନ୍ନାଥ ମନ୍ଦିର ଦେଇ ଯାଇଥିବା ମେଡିକାଲ ରାସ୍ତା,ବାରିପଦା ବଜ଼ାର ଦେଇ ଯାଇଥିବା ରାସ୍ତା,ରକ୍ସି ରୋଡ଼ ଆଦି ରାସ୍ତାରେ ବହୁ ପରିମାଣର ଭିଡ ପରିଲକ୍ଷିତ ହଉଛି। ଏ ସବୁର କାରଣ ହେଇଛି ଦୋକାନ ଓ ମଲ ମାନଙ୍କ ରାସ୍ତା ଉପରେ କରୁଥିବା ବେଆଇନ ପାର୍କିଂ। ବାରିପଦା ପୌରପାଳିକକୁ ପାର୍କିଂ ସ୍ଥାନ ଦେଖାଇ ଏମାନେ ଅନୁମତି ଆଣୁଛନ୍ତି। ହେଲେ ରାସ୍ତା ଉପରେ ପାର୍କିଂ କରୁଛନ୍ତି। ଫଳର ସାଧାରଣ ଜନତା ସହିତ ଆମ୍ବୁଲାନ୍ସ ଯିବାଆସିବାରେ ମଧ୍ୟ ବହୁତ ଅସୁବିଧା ହେଉଛି। ସରକାରୀ ନିୟମକୁ ବଡ଼ ବଡ଼ ଦୋକାନ ଓ ମଲ ମାଲିକମାନେ ଦଳିଚକଟି ଦେଇ ଚାଲୁଥିବା ବେଳେ ପୁଲିସ ପ୍ରଶାସନ ହାତ ଯୋଡି ବସିଥିବା ଦେଖିବାକୁ ମିଳୁଛି। ଏନେଇ ବାରିପଦା ଏସଡିପିଓ କୃଷ୍ଣପ୍ରସାଦ ପଟ୍ଟନାୟକଙ୍କୁ ପଚାରିବାରୁ ସେ କହିଛନ୍ତି,ବାରିପଦା ସହରରେ ସୁରକ୍ଷା କର୍ମୀଙ୍କ ଅଭାବ ରହିଛି। ସହରର ବିଭିନ୍ନ ସ୍ଥାନରେ ୩୦ଟି ସିସିଟିଭି ଲଗାଇବା ପାଇଁ ଉପରିସ୍ଥ ଅଧିକାରୀଙ୍କୁ ଜଣାଯାଇଛି। ଖୁବଶୀଘ୍ର ଏହାର ସମାଧାନ କରାଯିବ ବୋଲି ସେ କହିଛନ୍ତି। ସହର ମଧ୍ୟରେ ଦୀର୍ଘଦିନ ହେଲା ଏଭଳି ସଙ୍ଗିନ ପରିସ୍ଥିତି ଉପୁଜିଥିବାରୁ ଏହାର ଏକ ସ୍ଥାୟୀ ପ୍ରତିକାର କରିବାକୁ ଦାବି ହେଉଛି। ବେଳ ଥାଉ ଥାଉ ସାବଧାନ ନ ହେଲେ ଆଗକୁ ଆହୁରି ପରିସ୍ଥିତି ଜଟିଳ ରୂପ ଧାରଣ କରିବାର ଆଶଙ୍କା ରହିଥିବା ବୁଦ୍ଧିଜୀବୀ ମହଲରେ ପ୍ରକାଶ ପାଉଛି।

Mo sapath

Leave A Reply

Your email address will not be published.