ପ୍ରଶାସନିକ ଅଧିକାରୀ ନାଁରେ ଠକେଇ କରୁଥିବା ଠକକୁ ଦଣ୍ଡିତ କଲେ କୋର୍ଟ…

ବାରିପଦା(ନିରପେକ୍ଷ ଖବର)ତା-୩୧/ଜୁଲାଇ/୨୦୧୯- ନକଲି ସରକାରୀ ଅଧିକାରୀ ବୋଲି ନିଜର ପରିଚୟ ଦେଇ ଲୋକଙ୍କୁ ଠକି ଚାଲୁଥିବା ଜଣେ ବ୍ୟକ୍ତିକୁ ମୟୁରଭଞ୍ଜ ଜିଲ୍ଲା ସ୍ପେଶାଲ ଦୌରା ଜର୍ଜ ସୁମିତା ଆଚାର୍ଯ୍ୟ ଦଣ୍ଡିତ କରିଛନ୍ତି। ବୁଧବାର ମାନ୍ୟବର କୋର୍ଟ ଦୋଷୀକୁ ୬ବର୍ଷ ଜେଲଦଣ୍ଡ ସହ ୧୦୦୦୦ ଟଙ୍କା ଜୋରିମାନା ଓ ଅନାଦେୟ ହେଲେ ଅଧିକ ୩ ମାସ ଜେଲ ଭୋଗିବାକୁ ନିର୍ଦ୍ଦେଶ ଦେଇଛନ୍ତି। ଅଭିଯୁକ୍ତ ଜଣକ ହେଲେ ଭଦ୍ରକ ଜିଲ୍ଲା ବଉଳପାଳ ଅଞ୍ଚଳର ସତ୍ୟଜିତ ପଣ୍ଡା। ସୂଚନା ଅନୁଯାୟୀ, ଦୋଷୀ ଜଣକ ନିଜକୁ ଏକ ସରକାରୀ ଅଧିକାରୀର ପରିଚୟ ଦେଇ ବାରମ୍ବାର ନିରୀହ ଲୋକଙ୍କୁ ଠକି ଚାଲିଥିଲେ। ଏନେଇ 2018 ମସିହାରେ ବାରିପଦାର ପାୟଲ ରାୟଙ୍କ ଠାରୁ ଏକ ସ୍ୱୟଂ ସହାୟକ ଗୋଷ୍ଠୀ କରାଇଦେବେ ବୋଲି କହି ତାଙ୍କ ଠାରୁ ୩୦୦୦ ଟଙ୍କା ନେଇଥିଲେ। ପରେ ପାୟଲଙ୍କୁ ଆଉ ସେ ଧରାଛୁଆଁ ଦେଇନଥିଲେ।ଏନେଇ ବାରିପଦା ଟାଉନ ଥାନାରେ ପାୟଲ ଏକ ଏତଲା ଦେଇଥିଲେ। ଏତଲା ମୂଳେ ପୁଲିସ ଅଭିଯୁକ୍ତକୁ ଗିରଫ କରି ବିଚର୍ବିଭାଗୀୟ ଅଦାଲତକୁ ପଠାଇଥିଲା। ବୁଧବାର ଏହି ମାମଲାର ବିଚାର କରି ମାନ୍ୟବର କୋର୍ଟ ନକଲି ପ୍ରଶାସନିକ ଅଧିକାରୀ ସତ୍ୟଜିତକୁ ଦୋଷୀ ସାବ୍ୟସ୍ତ କରିଛନ୍ତି।