ଭୁବନେଶ୍ୱର, ନିରପେକ୍ଷ ଖବର:ତା ୩୦/୦୧ ଉତ୍ତର ନିର୍ବାଚନମଣ୍ଡଳୀର ଯୁବନେତା ତଥା ବିଜେପିର ଆଶାୟୀ ବିଧାୟକ ପ୍ରାର୍ଥୀ ଦେବାଶିଷ ନାୟକ ରାଜନୀତି ମଇଦାନକୁ ଓହ୍ଲାଇଛନ୍ତି। ଯାହା ଏବେ ଦେଖିବାକୁ ମିଳୁଛି ସେ ତାଙ୍କ ସହସ୍ର ସମର୍ଥକ ଓ କର୍ମୀଙ୍କ ସହ ଶୈଳଶ୍ରୀ ବିହାର ୱାର୍ଡ ନଂ ୭ରେ ବାପି ଜନସମ୍ପର୍କ ପଦଯାତ୍ରା କରିଛନ୍ତି। ଏହି ପଦଯାତ୍ରା ଅପରାହ୍ନରେ ତାରିଣୀ ମନ୍ଦିର ଛକରୁ ବାହାରି ଚାଲି ଚାଲି ଘରେ ଘରେ ବୁଲି ସମସ୍ତ ବ୍ୟବସାୟ କରୁଥିବା ଲୋକ ଓ ସ୍ଥାନୀୟ ବାସିନ୍ଦା ମାନଙ୍କୁ ଭେଟିଥିଲେ। ତାଙ୍କ ସହ ସ୍ଥାନୀୟ କର୍ପୋରେଟର୍ ଯଶୋଧାରା ପ୍ରଧାନ ଓ କର୍ମୀମାନେ ସାମିଲ୍ ହୋଇଥିଲେ। ପରେ ପଦଯାତ୍ରାଟି ୱାର୍ଡ ନଂ ୧୪ରେ ପହଞ୍ଚିଥିଲା । ଏହି ଅବସରରେ ବାପି କହିଥିଲେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜନହିତକର ଯୋଜନାକୁ
ଘରେ ଘରେ ପହଞ୍ଚାଯିବ। ଆଗାମୀ ଦିନରେ ପ୍ରତ୍ୟେକ ୱାର୍ଡରେ ବୁଲିବା ସହ ଲୋକଙ୍କୁ ଭେଟିବି ବୋଲି ମଧ୍ଯ କହିଛନ୍ତି। ଦଳ ଯଦି ଟିକେଟ୍ ଦେବ ଆଗାମୀ ଦିନରେ ଉତ୍ତର ନିର୍ବାଚନମଣ୍ଡଳୀର ଲୋକଙ୍କ ସେବା କରିବି। ଅନ୍ୟପଟେ ବାପି ପ୍ରଚାର ମଇଦାନକୁ ଓହ୍ଲାଇବା ପରେ ଅନ୍ୟ ବିଜେପି ଆଶାୟୀ ପ୍ରାର୍ଥୀଙ୍କ
ମଧ୍ୟରେ ନିଦ ହଜିଯାଇଛି। ନୂଆବର୍ଷରେ ବାପି
କେନ୍ଦ୍ରମନ୍ତରୀ ଧର୍ମେନ୍ଦ୍ର ପ୍ରଧାନଙ୍କ ସହ ବ୍ୟାନରରେ ଦେଖା ଯାଉଥିବାରୁ ତାଙ୍କୁ ବିଜେପି ପକ୍ଷରୁ ଟିକେଟ୍ ମିଳିପାରେ ବୋଲି ମଧ୍ୟ
ଜୋର୍ଦାର ଚର୍ଚ୍ଚା ହେଉଛି।
