ଜୀବନଦୀପ ନସିଂହୋମ ବିରୋଧରେ ଆସିଲା ସଙ୍ଗୀନ ଅଭିଯୋଗ

ବାରିପଦା ୨୩/୫(ନିରପେକ୍ଷ ଖବର): ଜୀବନଦୀପ ନର୍ସିଂହୋମରେ ଡାକ୍ତରଙ୍କ ଚିକିତ୍ସା ଅବହେଳାରୁ ନବଜାତ ଶିଶୁର ମୃତ୍ୟୁ ହୋଇଥିବା ପରିବାର ଲୋକ ଅଭିଯୋଗ ଆଣିଛନ୍ତି । ଗର୍ଭବତୀଙ୍କ ଅପରେସନ ପାଇଁ ନର୍ସିଂହୋମରେ ଆବଶ୍ୟକୀୟ ସରଞ୍ଜାମ ନ ଥିବା ବେଳେ ଡାକ୍ତରଙ୍କ ଦାୟିତ୍ୱହୀନତା ପାଇଁ ନବଜାତକର ମୃତ୍ୟୁ ହୋଇଛି ବୋଲି ଅଭିଯୋଗ କରି ଟାଉନ୍ ଥାନାରେ ଏତଲା ଦେଇଛନ୍ତି । ଅଭିଯୋଗ ମୁତାବକ ବାରିପଦା ଟାଉନ୍ ଥାନା ଅନ୍ତର୍ଗତ ତଖତପୁର ଅଚଂଳର ରମେଶ ଚନ୍ଦ୍ର ସିଂହ ଗତ ୧୬ ତାରିଖରେ ଗର୍ଭବତୀ ସ୍ତ୍ରୀ ସୁନିତାକୁ ଡାକ୍ତରଙ୍କ ପରାମର୍ଶକ୍ରମେ ସ୍ଥାନୀୟ ଜୀବନଦୀପ ନର୍ସିଂହୋମରେ ଭର୍ତି କରିଥିଲେ । ହେଲେ ୧୭ ତାରିଖ ଡାକ୍ତର ତାଙ୍କର ଅସ୍ତ୍ରେପ୍ରଚାର କରିବା ପାଇଁ ଓଟିକୁ ନେଇଥିଲେ । ଅପରେସନ ସମୟରେ ଡାକ୍ତରମାନେ ଅବହେଳା କରିଥିବାରୁ ନବଜାତ ଶିଶୁର ସ୍ୱାସ୍ଥ୍ୟବସ୍ଥା ବିଗିଡି ଯାଇଥିଲା । ଶିଶୁଟିର ଶରୀର ହଳଦିଆ ଦେଖାଯିବାରୁ ପରିବାର ଲୋକ ମେଡିକାଲ କର୍ତୃପକ୍ଷଙ୍କୁ ପଚାରିଥିଲେ । କିନ୍ତୁ ଶିଶୁଟି ସୁସ୍ଥ ଥିବା କହି ଅପରେସନ ହୋଇଥିବା ମାଆକୁ ରଖି ନବଜାତକକୁ କଟକ ଶିଶୁ ଭବନକୁ ସ୍ଥାନାନ୍ତର କରିଦେଇଥିଲେ । ଫଳରେ ନର୍ସିଂହୋମ ଡାକ୍ତରଙ୍କ ଉପରେ ସନ୍ଦେହ କରି ତାଙ୍କୁ ବାରିପଦା ପିଆରଏମ୍ ମେଡ଼ିକାଲ୍‌ରେ ୧୭ ତାରିଖ ସକାଳେ ଡାକ୍ତରଙ୍କୁ ଦେଖାଇଥିଲେ । ସେଠାରେ ଡାକ୍ତର ତାଙ୍କୁ ଏସଏନସିୟୁରେ ଭର୍ତି କରାଇ ଚିକିତ୍ସା କରାଇଥିଲେ । କିଛି ସମୟ ପରେ ଶିଶୁଟିର ସ୍ୱାସ୍ଥ୍ୟବସ୍ଥା ଗୁରୁତର ହେବାରୁ କଟକ ଶିଶୁ ଭବନକୁ ସ୍ଥାନାନ୍ତର କରିଥିଲେ । କଟକ ଶିଶୁ ଭବନରେ ଉକ୍ତ ଦିନ ରାତିରେ ପହଚିଂବା ପରେ ପୂର୍ବରୁ ଅସ୍ତ୍ରପ୍ରଚାର ସମୟରେ ନବଜାତକ ମୁଣ୍ଡରେ ଆଘାତ ହୋଇଥିବାରୁ ଏହାର ମୃତ୍ୟୁ ଘଟିଥିବା କାଳେ ତାଙ୍କୁ ଡାକ୍ତର କହିଥିଲେ । ସେଥିପାଇଁ ରମେଶଙ୍କ ମନ ନ ମାନିବାରୁ କଟକର ଆଉ ଏକ ଘରୋଇ କ୍ଲିନିକ୍‌ରେ ନେଇ ଦେଖାଇଥିଲେ । ସେଠାରେ ମଧ୍ୟ ଡାକ୍ତର ସମାନ କଥା କହିଥିଲେ ବୋଲି ରମେଶ ଅଭିଯୋଗ କରିଛନ୍ତି । ଉପାୟଶୂନ୍ୟ ହୋଇ ମୃତ ଶିଶୁକୁ ଧରି ଶନିବାର ସକାଳେ ଜୀବନଦୀପ ହସ୍ପିଟାଲରେ ପହଚିଂବା ପରେ ମାଆକୁ ଡିସଚାର୍ଚ କରିଥିଲେ । ପରେ ରମେଶ ଓ ତାଙ୍କର କିଛି ସମ୍ପର୍କୀୟ ନସିଂହୋମ କର୍ତୃପକ୍ଷ ଅବହେଳା କରିଥିବା ଅଭିଯୋଗ ହସ୍ପିଟାଲରେ ହଙ୍ଗାମା କରିବା ସହ ଟାଉନ୍ ଥାନାରେ ଏତଲା ଦେଇଥିଲେ । ଏନେଇ ଜୀବନଦୀପ ହସ୍ପିଟାଲର ଡାକ୍ତର କେ ସି ମହାନ୍ତିଙ୍କୁ ପଚାରିବାରୁ ସେ କହିଛନ୍ତି, ଯେ ଶିଶୁରୋଗ ବିଶେଷଜ୍ଞଙ୍କ ଦ୍ୱାରା ଅସ୍ତ୍ରପ୍ରଚାର କରାଯାଇଥିଲା । ଚିକିିତ୍ସାରେ କୌଣସି ଅବହେଳା ହୋଇ ନାହିଁ । ଏନେଇ ଥାନାରେ ୩୩୦/୨୦ ନମ୍ବରରେ ଏକ ମାମଲା ରୁଜୁ କରାଯାଇ ତଦନ୍ତ ଜାରି ରହିଥିବା ଟାଉନ ଥାନା ଅଧିକାରୀ ବୀରେନ୍ଦ୍ର ସେନାପତି କହିଛନ୍ତି ।