*ଜିଲ୍ଲା ପ୍ରଶାସନର ଅବହେଳା ପାଇଁ ନାହିଁ ନ ଥିବା ଅସୁବିଧାରେ ସମ୍ମୁଖୀନ ହେଉଛନ୍ତି ୫୦ରୁ ଅଧିକ ପରିବାର*
ବାରିପଦା୧/୪ (ନିରପେକ୍ଷ ଖବର): କରୋନା ଭାଇରସ ଦାଉରୁ ରକ୍ଷା ପାଇଁ ସାରା ଦେଶକୁ ଲକ ଡାଉନ ରଖାଯାଇ ଥିବାବେଳେ କିଛି ଅତ୍ୟାବଶ୍ୟକ ଖାଦ୍ୟ ପଦାର୍ଥକୁ ଛାଡି ଅନ୍ୟ ସମସ୍ଥ ଦୋକାନ ବଜାର ବନ୍ଦ ରହିଛି । ଫଳରେ ଗରିବ ଓ ମାନସିକ ବିକୃତ ଲୋକମାନେ ଖାଇବାକୁ ନ ପାଇ ନାହିଁ ନ ଥିବା ଅସୁବିଧାରେ ସମ୍ବୁଖୀନ ହେଉଛନ୍ତି । ଏହି ଅସହାୟକ ମାନଙ୍କୁ ସହାୟତା ଯୋଗଇଦେବା ପାଇଁ ମୟୁରଭଞ୍ଜ ଜିଲ୍ଲା ପ୍ରଶାସନକୁ ରାଜ୍ୟ ସରକାର ନିର୍ଦ୍ଧେଶ ମଧ୍ୟ ଦେଇଛନ୍ତି।
ହେଲେ ଜିଲ୍ଲା ପ୍ରଶାସନର ଅବହେଳା ପାଇଁ ବାରିପଦା ସହରରୁ ମାତ୍ର ୧୫ କିଲୋମିଟର ଦୂରରେ ଥିବା ଶ୍ୟାମାଖୁଣ୍ଟା ବ୍ଲକ୍ ଅନ୍ତର୍ଗତ ଧୁଧିଆଶୋଳ ଗ୍ରାମର ୫୦ରୁ ଅଧିକ କାଳନ୍ଦୀ ପରିବାର ନାହିଁ ନ ଥିବା ଅସୁବିଧାରେ ସମ୍ମୁଖୀନ ହେଉଛନ୍ତି । କରୋନା ସମୟରେ ଏମାନଙ୍କ ଘରେ ଚୁଲି ଜଳୁ ନ ଥିବା ଖବର ପାଇ ବାରିପଦାର ଏକ ସ୍ୱେଚ୍ଥାସେବୀ ଅନୁଷ୍ଠାନ ହେଲ୍ପିଂ ବୟ ଏହି ଗ୍ରାମବାସୀଙ୍କ ନିକଟରେ ପହଚିଂଥିଲା । ଯୁବ ସମାଜସେବୀ ରାହୁଲ କରନଙ୍କ ନେତୃତ୍ୱରେ ଅନ୍ୟକର୍ମକର୍ତାମାନେ ବାରିପଦାରୁ ରନ୍ଧା ଖାଦ୍ୟ ନେଇ ଗ୍ରାମବାସୀଙ୍କୁ ପ୍ରଦାନ କରିଥିଲେ । ଭୋକ ଉପବାସରେ ଦିନ କାଟୁଥିବା ୩୦୦ରୁ ଅଧିକ ଲୋକଙ୍କୁ ରନ୍ଧା ଖାଦ୍ୟ ଦେଇ ସେମାନଙ୍କ ମୁହଁରେ ହସ ଫୁଟାଇଥିଲେ । ଏଭଳି ମହତ କାର୍ଯ୍ୟକୁ ବିଭିନ୍ନ ମହଲରେ ସ୍ୱାଗତ କରାଯାଉଛି । କରୋନାର କରାଳ ରୂପ ସାରା ବିଶ୍ୱକୁ ଦୋହଲାଇ ଦେଇଥିବା ବେଳେ ଓଡ଼ିଶାରେ ମଧ୍ୟ ଏହାର ପ୍ରଭାବ ପଡିଛି ।
କରୋନରୁ ବର୍ତିବା ପାଇଁ ସରକାରଙ୍କ ପକ୍ଷରୁ ଆସନ୍ତା ୧୫ ତାରିଖ ପର୍ଯ୍ୟନ୍ତ ସାରା ଭାରତକୁ ଲକ ଡାଉନ ରଖିବାକୁ ନିର୍ଦ୍ଦେଶ ଦେଇଛନ୍ତି । ମୟୂରଭଞ୍ଜ ଏକ ଆଦିବାସୀ ବହୁଳ ଜିଲ୍ଲା ହୋଇଥିବାରୁ ହେଲ୍ପିଂ ବୟର ଯୁବକମାନେ ବିିଭିନ୍ନ ସ୍ଥାନରେ ବୁଲା ଗୋରୁ ଗାଈଙ୍କ ସମେତ ଅସହାୟ ବୁଢା ବୁଢି, ପାଗଳ, ଭିନ୍ନକ୍ଷମ ଲୋକଙ୍କୁ ସାହାର୍ଯ୍ୟ ସହଯୋଗ ଯୋଗଇ ଆସୁଛି । କରୋନା ସମୟରେ ଲୋକମାନେ ନିଜ ନିଜ ପରିବେଶକୁ ସ୍ୱଚ୍ଛ ରଖିବା ସହ ସାବୁନରେ ହାତ ଧୋଇ ଖାଦ୍ୟ ପଦାର୍ଥ ଖାଇବାକୁ ସଙ୍ଗଠନ ପକ୍ଷରୁ ସମସ୍ତଙ୍କୁ ଅନୁରୋଧ କରାଯାଇଛି । ଏହି କାର୍ଯ୍ୟକ୍ରମରେ ଲଲିତ ସରକାର, ସରୋଜ ପଦାର, ସାଗର ପାତ୍ର, ରାଜେଶ ପ୍ରହରାଜ, ରାକେଶ ମହାନ୍ତି, ଯୁବ ସାମ୍ବାଦିକ ପ୍ରଭାସ କୁମାର ସାହୁ, ବିଶ୍ୱଜିତ ଭୂୟାଁ, ସୁବ୍ରତ କୁମାର ଦାସ , ଶୁଭମ ଭକ୍ତ, ସ୍ୱାଗତ ସମ୍ପଦ ସାହୁ , ନିକୁଞ୍ଜ ମହାନ୍ତି, କୁନାଲ ମିଶ୍ର ପ୍ରମୁଖ ଉପସ୍ଥିତ ଥିଲେ ।
