ବାରିପଦା(ନିରପେକ୍ଷ ଖବର)ତା ୧/ଅକ୍ଟୋବର/୨୦୧୯:ମୟୁରଭଞ୍ଜ ଜିଲା ବେତନଟୀ ରେଞ୍ଜ ଦାନ୍ତୀଆମୁହାଁ ଗ୍ରାମପଞ୍ଚାୟତ ର ମାଛୁଆ ଜଙ୍ଗଲ ରେ ଦନ୍ଥା ହାତୀ ଆକ୍ରମଣରେ ଜାମୁଗଧା ଗାଁର ଗଜେନ୍ଦ୍ର ମହାନ୍ଥ ଙ୍କ ମୃତ୍ୟୁ ହୋଇଛି। ମୃତବୃଦ୍ଧ ଗଜେନ୍ଦ୍ର ମହାନ୍ତଙ୍କର ବୟସ ୭୫ ବର୍ଷ ବୋଲି ଜଣାଯାଇଛି।ଗଜେନ୍ଦ୍ର ଜଙ୍ଗଲ ସୁରକ୍ଷା କମିଟି ର ସଭାପତି ଥୁବା ବେଳେ ମାଛୁଆ ଜଙ୍ଗଲ ଦେଇ ନିଜ ଚାଷ ଜମି କୁ ଯିବା ସମୟରେ ହାତୀ ଆକ୍ରମଣରେ ଘଟଣା ସ୍ଥଳରେ ମୃତ୍ୟୁ ବରଣ କରିଥିଲେ। ସୂଚନାପାଇ ବନ ବିଭାଗ ଓ ପୋଲିସ ଘଟଣା ସ୍ଥଳରେ ପହଞ୍ଚିଥିଲେ ତେବେ ଗଜେନ୍ଦ୍ର ଜଙ୍କଲ ପାଇଁ କାମ କରୁଥିବାରୁ ତାଙ୍କ ପୁଅକୁ ବନବିଭାଗ ରେ ଚାକିରୀ ପାଇଁ ଦାବି କରିଥଲେ ଗାମବାସୀ। ଗ୍ରାମବାସୀ ନିଜ ଜିଦରେ ଅଟଳ ରହିଥିଲେ ପୁଅକୁ ବନ ବିଭାଗ ଚାକରି ପ୍ରତିସୃତି ନ ଦେଲେ ଶବ ଉଠେଇବାପାଇଁ ଦେଇ ନ ଥିଲେ ଗ୍ରାମବାସୀ।ଏ ନେଇ କିଛି ସମୟ ଉତ୍ତେଜନା ମଧ୍ୟ ଦେଖାଦେଇଥିଲା। ତେବେ ମୃତ ଗଜେନ୍ଦ୍ର ଙ୍କ ପୁଅକୁ ବନବିଭାଗ ଦୈନିକ ମଜୁରୀ ରେ ଠିକା ନିଯୁକ୍ତି ଓ ମୃତକ ଙ୍କ ପରିବାର କୁ ନିୟମ ଅନୁଯାୟୀ ୪ ଲକ୍ଷ କ୍ଷତିପୂରଣ ପ୍ରତିଶ୍ରୁତି ଦେବାପରେ ଶବ ବ୍ୟବଛେଦ ପାଇଁ ବାରିପଦା ପଣ୍ଡିତ ରଘୁନାଥ ମୂର୍ମ୍ ମେଡିକାଲ କଲେଜ କୁ ପଠାଯାଇଛି।ଏହି ଅଞ୍ଚଳରେ ବହୁସଂଖ୍ୟକ ହାତୀ ରହିଛନ୍ତି। ବନ ବିଭାଗର ଚେଷ୍ଟା କରି ବି ସେମାନଙ୍କୁ ଘଉଡ଼ାଇ ପାରୁ ନାହାନ୍ତି ବୋଲି କୁହାଯାଉଛି। ତେଣେ ଲୋକେ ବି ସଚେତନ ହେଉ ନଥିବା ହେତୁ ଏଭଳି ଘଟଣା ଘଟୁଥିବା କୁହାଯାଉଛି।ସୂଚନାଯୋଗ୍ୟ ମୟୂରଭଞ୍ଜ ଜିଲ୍ଲା ବାଙ୍ଗିରିପୋଷି ରେଞ୍ଜ ଅଂଚଳରେ ଗତ ୧୫ ଦିନ ହେଲାଣି ୧୩ଟି ଶିମିଳିପାଳ ହାତୀ ଆଡ଼୍ଡା ଜମାଇଛନ୍ତି। ବାଙ୍ଗିରିପୋଷି ବ୍ଲକ ଭୂଆଶୁଣୀ ପଞ୍ଚାୟତର କନ୍ଦଳିଆ,ଶୁଆପାଟ ଓ ଧୋବଣୀଶୋଳ ଫଚାୟତର ଟୁଲିଆପାହାଡରେ ହାତୀଗୁଡ଼ିକ ଦିନବେଳେ ରହୁଥିବା ବେଳେ ରାତି ହେଲେ ଉତ୍ପାତ ଆରମ୍ଭ କରୁଛନ୍ତି
