ବାରିପଦା(ନିରପେକ୍ଷ ଖବର)ତା-୫/ଜାନୁଆରୀ/୨୦୨୦-ହିନ୍ଦୁ ପରମ୍ପରା ଅବର୍ଣ୍ଣନୀୟ ଆଉ ତାଠାରୁ ଓଡିଶା ରେ ୧୨ ମାସ ରେ ୧୩ ଯାତ୍ରା ସତେ ଅନେକ ସୁନ୍ଦର । ସେହି ଆଧାର ରେ ସୂର୍ଯ୍ୟ ହେଉଛନ୍ତି ସକଳ ଶକ୍ତି ର ଆଧାର, ସୂର୍ଯ୍ୟ ଦେବତା ଙ୍କ ରଥାରୁଢ ପ୍ରତିମୂତି କୁ ସାମ୍ବଦଶମୀ ରେ ପୁଜା କଲେ କୋଟି ଜନ୍ମ ର ପୂଣ୍ୟ ମିଳେ। ଏହି ଆଧାର ରେ ଆଜି ବାରିପଦା ରେ ମଣ୍ଡପ ରେ ପୂଜା ପାଇଛନ୍ତି ସୂର୍ଯ୍ୟ ଦେବତା । ପୂଜା ଚଳିତଥର ୫୧ ବର୍ଷ ପୁର୍ତି ପାଳନ କରାଯାଉଥିବା ବେଳେ ଓଡିଶା ର ଏହା ଏକ ଅନନ୍ୟ ପୂଜା ମଣ୍ଡପ ।
୭ ଘୋଡା ସାରଥୀ ଙ୍କ ସହ ସଭା ପାଉଛନ୍ତି ସୂର୍ଯ୍ୟ ଦେବତା । ଭଗବାନ ନାରାୟଣ ଙ୍କ ର ମଣିୟ ପ୍ରତିମା ଅନ୍ୟ ରୂପ ରେ ରଥାରୂଢ଼ ସୂର୍ଯ୍ୟଦେବତା ସଭା ପାଉଛନ୍ତି ବାରିପଦା ବାଘଡାରୋଡ ର ସୂର୍ଯ୍ୟପୂଜା ପ୍ୟାଣ୍ଡେଲ ରେ । ପବିତ୍ର ସାମ୍ବ ଦଶମୀ ତିଥି ରେ ଭଗବାନ ସୂର୍ଯ୍ୟଙ୍କର ଏହି ପୂଜା କରାଯାଉଥିବା ବେଳେ ଶତାଧିକ ମହିଳା ସେମାନଙ୍କର ମାନସିକ ପୂଜା କରିଛନ୍ତି । ପୁରାଣ ବର୍ଣ୍ଣନା ଅନୁସାରେ ଶ୍ରୀକୃଷ୍ଣ ନିଜ ପୁତ୍ର ଶାମ୍ବ କୁ କୁଷ୍ଠ ରୋଗ ରୁ ମୁକ୍ତି ଲାଗି ସୂର୍ଯ୍ୟ ଙ୍କୁ ଆରଧନା କରିବା ପାଇଁ ପରାମର୍ଶ ଦେଇଥିଲେ । ଶାମ୍ବ ସୂର୍ଯ୍ୟ ଦେବତା ଙ୍କ ଆରାଧନା କରି ରୋଗମୁକ୍ତ ହୋଇଥିବାର ପୁରାଣ ରେ ବର୍ଣ୍ଣନା କରାଯାଇଛି । ପରମ୍ପରା ଅନୁସାରେ ଶାମ୍ବ ଦଶମୀ ଅବସରରେ ଭକ୍ତ ନିଜ ପୁତ୍ର ତଥା ନିଜ ପରିବାର ର ଉତ୍ତରତର ଉନ୍ନତି ପାଇଁ ଭଗବାନ କ ପାଖରେ ମାନସିକ ପୂଜା କରିବା ସହ ଖିରି, ପୁରି କରି ଭଗବାନ ଙ୍କ ନାମରେ ଅର୍ପଣ କରିଥାନ୍ତି ।
ଏହି ଅବସରରେ ଭକ୍ତ ଭଗବାନ ଙ୍କ ଅପୁର୍ବ ମିଳନ ଦେଖିବାକୁ ମିଳିଥିଲା ଏହି ପୂଜା ମଣ୍ଡପ ରେ ।ବାରିପଦା ର ଏହି ପୂଜା ମଣ୍ଡପ ୫୧ ବର୍ଷ ଧରି ପୂଜା ପାଳନ କରି ଆସୁଥିବା ବେଳେ ଶତାଧିକ ମହିଳା, ମାନସିକଧାରୀ ବୁଢାବଳଙ୍ଗ ନଦୀ ର ତ୍ରୀବେଣୀ ସଂଗମ ରୁ ଘଟ ଆଣି ପୂଜା କରିଥିଲେ ।
ଘଣ୍ଟ, ଘଣ୍ଟା, ଶଙ୍ଖ, ହୁଳହୁଳି ସହ ହୋମଯଜ୍ଞ ଅଧ୍ୟାତ୍ମିକ ପରିବେଶ ସୃଷ୍ଟି କରିଥିବା ବେଳେ ପୂଜା କମିଟି ପକ୍ଷରୁ ଶାନ୍ତି ଶୃଙ୍ଖଳା ପାଇଁ ବିଭିନ୍ନ ବ୍ୟବସ୍ଥା କରାଯାଇଥିଲା।ରଥାରୂଢ଼ ସୂର୍ଯ୍ୟ ଦେବତାଙ୍କ ପୂଜା ବାରିପଦା ର ଏକମାତ୍ର ପୂଜା ହୋଇଥିବା ବେଳେ ଏହା ଓଡିଶା ର ଏକମାତ୍ର ଅନନ୍ୟ ପରମ୍ପରା ସୃଷ୍ଟି କରିଛି ।
