ଭୁବନେଶ୍ବର,ନିରପେକ୍ଷ ଖବର : ତା ୦୨/୧୨ କେଏଲ ବିଶ୍ବବିଦ୍ୟାଳୟ ପକ୍ଷରୁ ଜୟଦେବ ଭବନରେ ଏକ ଛାତ୍ରଛାତ୍ରୀ କ୍ୟାରିୟର ସମ୍ମିଳନୀ ଅନୁଷ୍ଠିତ ହୋଇଯାଇଛି।। ଏଥିରେ ଉଚ୍ଚ ଶିକ୍ଷା ମନ୍ତ୍ରୀ ସୁରଜ ସୂର୍ଯ୍ୟବଂଶୀ ମୁଖ୍ୟ ଅତିଥି ଭାବେ ଯୋଗଦେଇ ଛାତ୍ରଛାତ୍ରୀମାନଙ୍କୁ ଉତ୍ତମ ଭବିଷ୍ୟତ ଗଢ଼ିବା ଲାଗି ପରାମର୍ଶ ଦେଇଥିଲେ । ଛାତ୍ରଛାତ୍ରୀମାନଙ୍କୁ ସେ ପାଠପଢ଼ା ଓ କ୍ୟାରିୟରରେ ସଫଳ ହେବାର ମନ୍ତ୍ର ଦେଇଥିଲେ। ଏହି ଅବସରରେ ସେ ବିଶ୍ବବିଦ୍ୟାଳୟର ଇଞ୍ଜିନିୟରିଂ ପ୍ରବେଶିକା ପରୀକ୍ଷା ‘କେଏଲ୍ଇଇଇ’ର ପୋଷ୍ଟରକୁ ଉନ୍ମୋଚନ କରିଥିଲେ | ଏହି କାର୍ଯ୍ୟକ୍ରମରେ ଚର୍ଚ୍ଚିତ ରାଜନେତା ସୁର ରାଉତରାୟ ଅତିଥି ଭାବେ ଯୋଗଦେଇ ଛାତ୍ରଛାତ୍ରୀମାନଙ୍କୁ କ୍ୟାରିୟର ଗଠନର ବିଭିନ୍ନ ଦିଗ ବିଷୟରେ ବୁଝାଇଥିଲେ। ବିଶ୍ବବିଦ୍ୟାଳୟର ନିର୍ଦ୍ଦେଶକ (ନାମଲେଖା) ଡକ୍ଟର ଜେ ଶ୍ରୀନିବାସ ରାଓ ଯୋଗଦେଇ କ୍ୟାରିୟର ସମ୍ପର୍କରେ ଛାତ୍ରଛାତ୍ରୀଙ୍କ ମାର୍ଗଦର୍ଶନ କରିଥିଲେ | ମଧ୍ୟରେ ବିଶ୍ବବିଦ୍ୟାଳୟର ଜୋର୍ନାଲ ମୁଖ୍ୟ ଆର୍ ଶିବ କୁମାର ଓ ଟିମ୍ ସଦସ୍ୟମାନେ ଉପସ୍ଥିତ ଥିଲେ। କେଏଲ୍ ବିଶ୍ଵବିଦ୍ୟାଳୟର ପ୍ରବେଶିକା ପରୀକ୍ଷାର ଦ୍ବିତୀୟ ପର୍ଯ୍ୟାୟ ୨୦୨୬ ଜାନୁଆରି ୩ରୁ ୮ ତାରିଖ ପର୍ଯ୍ୟନ୍ତ ଚାଲିବା ସମୟରେ ଇଞ୍ଜିନିୟରିଂ, ଲାଟେରାଲ୍ ଏଣ୍ଟ୍ରି, ମାଷ୍ଟର୍ସ ଆପ୍ଟିଚ୍ଯୁଡ୍, ସାଇନ୍ସ ଆପ୍ଟିଚ୍ୟୁଡ୍ ଓ ହ୍ୟୁମାନିଟିଜ୍ ଆପ୍ଟିଚ୍ୟୁଡ୍ ପରୀକ୍ଷା ଅନୁଷ୍ଠିତ ହେବ। ବିଶ୍ଵବିଦ୍ୟାଳୟ ପକ୍ଷରୁ କେଏଲ୍ଇଇଇର ପ୍ରତିଭାବାନ ଛାତ୍ରଛାତ୍ରୀଙ୍କୁ ୩୫ କୋଟି ଟଙ୍କା, ୯୬ ପର୍ସେଣ୍ଟାଇଲରୁ ଅଧିକ ମାର୍କ ରଖିଥିବା ଛାତ୍ରଛାତ୍ରୀଙ୍କୁ ୧୦୦ ପ୍ରତିଶତ ଟ୍ୟୁସନ ଫି’ ଛାଡ଼ ବାବଦରେ ୩୦ କୋଟି ଟଙ୍କା, ଇଣ୍ଟର ମେରିଟ୍ ଛାତ୍ରଛାତ୍ରୀମାନଙ୍କୁ ୧୫ କୋଟି ଟଙ୍କା ଏବଂ ମ୍ୟାନେଜମେଣ୍ଟ, ହ୍ୟୁମାନିଟିଜ୍ ଓ ବିଜ୍ଞାନର ଛାତ୍ରଛାତ୍ରୀଙ୍କୁ ୨୦ କୋଟି ଟଙ୍କାର ଶିକ୍ଷାବୃତ୍ତ ପ୍ରଦାନ କରାଯିବ। ମୋଟ୍ ଉପରେ ବିଶ୍ବବିଦ୍ୟାଳୟ ତରଫରୁ ପ୍ରତିଭାବାନ ଛାତ୍ରଛାତ୍ରୀଙ୍କୁ ୧୦୦ କୋଟି ଟଙ୍କାର ବୃତ୍ତି ପ୍ରଦାନ କରାଯିବ। ଏହି କାର୍ଯ୍ୟକ୍ରମକୁ ନିରପେକ୍ଷ ଖବର ପରିଚାଳନା କରିଥିଲେ।
