ଭୁବନେଶ୍ୱର,ନିରପେକ୍ଷ ଖବର: ତା. ୦୨/୧୨/୨୦୧୯
ଲଳିତ କଳା ଏକାଡେମୀ, ନୂଆଦିଲ୍ଲୀର ଭୁବନେଶ୍ୱରଠାରେ ଥିବା ଆଞ୍ଚଳିକ କେନ୍ଦ୍ରରେ ରିସର୍ଚ୍ଚ
ସ୍କୋଲାର ଭାବରେ ଯୋଗଦେଇଥିବା ୫ ଜଣ ଛାତ୍ରଛାତ୍ରୀ ଆଜି ବାଚସ୍ପତି ଡ. ସୂର୍ଯ୍ୟନାରାୟଣ ପାତ୍ରଙ୍କୁ
ତାଙ୍କ କାର୍ଯ୍ୟାଳୟ ପ୍ରକୋଷ୍ଠରେ ସୌଜନ୍ୟ ସାକ୍ଷାତ କରିଛନ୍ତି । ବାଚସ୍ପତି ଡ. ପାତ୍ର ସେମାନଙ୍କୁ ଶୁଭେଚ୍ଛା
ଜଣାଇବା ସହ ସେମାନଙ୍କର ଉଜ୍ଜ୍ୱଳ ଭବିଷ୍ୟତ କାମନା କରିଥିଲେ ।
ଇନ୍ଦିରା କଳା ସଂଗୀତ ବିଶ୍ୱବିଦ୍ୟାଳୟ, ଛତିଶଗଡ଼ର ଛାତ୍ରୀ ପିଙ୍କି କୁମାରୀ, ବନାରସ ହିନ୍ଦୁ
ବିଶ୍ୱବିଦ୍ୟାଳୟର ଶେ୍ୱତାରାଣୀ ଘୋଷ, ଉତ୍କଳ ସଂସ୍କୃତି ବିଶ୍ୱବିଦ୍ୟାଳୟର ସରୋଜ ରଣା, ସୁଜାତା
ମହାପାତ୍ର ଓ କ୍ଷିତୀଶ ଚନ୍ଦ୍ର ଦାସ ‘ଗରି’ ଛାତ୍ରବୃତ୍ତି ପାଇବା ପରେ ଭୁବନେଶ୍ୱର ଆଞ୍ଚଳିକ କେନ୍ଦ୍ରରେ ଏକ
ବର୍ଷ ପାଇଁ ଗବେଷଣାରତ ଅଛନ୍ତି । ସେମାନେ ବିଧାନସଭାର ବିଭିନ୍ନ ପୁରାତନ ପୋର୍ଟ୍ରେଟ୍, ପେଣ୍ଟିଂ,
ଗ୍ରନ୍ଥାଗାର ସହ ଅନ୍ୟ ବିଭାଗଗୁଡ଼ିକୁ ବୁଲି ଦେଖିଥିଲେ ।
ଏହି ସୌଜନ୍ୟ ସାକ୍ଷାତ ସମୟରେ ବିଦ୍ୟାର୍ଥୀମାନେ ବାଚସ୍ପତି ଡ. ପାତ୍ରଙ୍କୁ ସେମାନଙ୍କ ଦ୍ୱାରା
ପ୍ରସ୍ତୁତ ବାଚସ୍ପତିଙ୍କ ଏକ ପୋର୍ଟ୍ରେଟ୍ ଉପହାର ଦେଇଥିଲେ । ଏହି ଅବସରରେ ବିଧାନସଭା ସଚିବ ଶ୍ରୀ
ଦାଶରଥୀ ଶତପଥୀ ଏବଂ ଅନ୍ୟ ବରିଷ୍ଠ ଅଧିକାରୀ ଉପସ୍ଥିତ ଥିଲେ
