Blank space
Blank space
Breaking News/ମୁଖ୍ୟ ଖବର:
କେବଳ ନବୀନ ଓ କେବଳ ଶଙ୍ଖ ଆସିଲେ ହିଁ ଆମ ରାଜ୍ୟରେ ଆହୁରି ଉନ୍ନତି ହୋଇପାରିବ୩୬ ନଂ ୱାର୍ଡ ମଧୁସୂଦନ ନଗର ଓ ୟୁନିଟ -୪ ମାର୍କେଟ ଅଞ୍ଚଳରେ ଜନ ସଂପର୍କ ପଦଯାତ୍ରାଓଡ଼ିଶାରେ ମୋଦୀଙ୍କର ଚିରାଚରିତ ମିଛ ପ୍ରତିଶ୍ରୁତି ଓ ଫମ୍ପା ଭାଷଣକୁ କଟାକ୍ଷ କଲା କଂଗ୍ରେସମଧ୍ୟରେ ବଢ଼ୁଚି ବଜେପି ଛିଡୁଚି ବିଜେଡିୱାର୍ଡ ନଂ ୪ ର ସମ୍ମିଳିତ ବିଜେପି କର୍ମୀମାନଙ୍କ ଦ୍ୱାରା ଆୟୋଜିତ ଏକ ସମାବେଶକେୟାର ହସ୍ପିଟାଲ ପକ୍ଷରୁ କେୟାର କନେକ୍ଟ କର୍ମଶାଳା ଆୟୋଜିତପଟିଆ ରାଜାଙ୍କ ଆଶୀର୍ବାଦ ନେଲେ ପ୍ରିୟଦର୍ଶୀଦୁଇଟି ପଦ୍ମ ଫୁଲ ଚି଼ହ୍ନରେ ମୋହର ମରିବା ପାଇଁ ନିବେଦନ କଲେ ପ୍ରିୟଦର୍ଶୀନିର୍ବାଚନ ଇସ୍ତହାରରେ ରହୁ ଭୁବନେଶ୍ୱର ଜିଲ୍ଲା ଘୋଷଣାPARICHAY FOUNDATION-PROJECT -PAVI – DISTRIBUTION DRIVE SUPPORTED BY Shipping corporation of India.ବିଜେପି ଡରରେ ନବୀନ ବାବୁ ଓଡ଼ିଶା ବାସୀଙ୍କୁ ଧୋକା ଦେଇଛନ୍ତିNMIET organizes 17th Athletic Meetସ୍ମାର୍ଟ ଲିଭିଙ୍ଗ୍ ସଲ୍ୟୁସନର ମାନ ବୃଦ୍ଧି ପାଇଁ ଟ୍ରାଞ୍ଜେପ ସ୍ମାର୍ଟ ବିଲିଂ ଏବଂ ଆମ୍ପିଓ ପୋଲାଣ୍ଡର ମିଳିତ ଉଦ୍ୟମଓଡ଼ିଶା କୃଷକ ସାଥୀ ସଂଘ ପକ୍ଷରୁ ରାଜ୍ୟ ସରକାରଙ୍କୁ ଚେତାବନୀ…ଏଏସିସିଆଇ ର ୩ ଦିନିଆ ସମ୍ମିଳନୀ ଅନୁଷ୍ଠିତ ହୋଇଯାଇଛିଆଗାମୀ ୨୦୨୪ ନିର୍ବାଚନ ଉତ୍ତରରୁ ଲଢ଼ିବେ ଦେବାଶିଷ ନାୟକଖୋଲିଲା ଆଭୂଷଣ ଜ୍ବେଲର୍ସ“ଜଗବନ୍ଧୁ ଜରାଶ୍ରମ” ପକ୍ଷରୁ ଶୀତବସ୍ତ୍ର ଓ ରାସନ ସାମଗ୍ରୀ ବଣ୍ଟନପ୍ରଫେସର ରଶ୍ମୀ ମିଶ୍ରଙ୍କ ପୁସ୍ତକ “ୟୁଭିକା” ଉନ୍ମୋଚିତPoetry Collection “YUVAIKA” Launched
Blank space

ଭାରତୀୟ ରେଡକ୍ରସ ସୋସାଇଟି ଓଡ଼ିଶା ରାଜ୍ୟ ଶାଖାର କାର୍ଯ୍ୟନିର୍ବାହୀ ବୈଠକ

0

ଭୁବନେଶ୍ୱର- :: ୧୩/୦୨/୨୦୧୯ ସେବା କ୍ଷେତ୍ରରେ ରେଡ୍‌କ୍ରସ ଅନ୍ତର୍ଜାତୀୟ ସମ୍ମାନ ଓ ସ୍ୱୀକୃତି ହାସଲ କରିଛି । ଭାରତୀୟ
ରେଡ୍‌କ୍ରସ ସୋସାଇଟିର ଓଡ଼ିଶା ରାଜ୍ୟ ଶାଖାର କାର୍ଯ୍ୟ ବେଶ ପ୍ରଶଂସନୀୟ ଏବଂ ଓଡ଼ିଶାରେ ରେଡ୍‌କ୍ରସର  ସେବା କାର୍ଯ୍ୟକୁ ଆହୁରି ଗତିଶୀଳ, କ୍ରିୟାଶୀଳ ଓ ବ୍ୟାପକ କରିବାକୁ ରାଜ୍ୟପାଳ ତଥା ଭାରତୀୟ  ରେଡ୍‌କ୍ରସ, ଓଡ଼ିଶା ରାଜ୍ୟ ଶାଖାର ଅଧ୍ୟକ୍ଷ ପ୍ରଫେସର ଗଣେଶୀ ଲାଲ ପରାମର୍ଶ ଦେଇଛନ୍ତି ।
ଆଜି ରାଜଭବନର ଅଭିଷେକ କକ୍ଷରେ ଅନୁଷ୍ଠିତ ଭାରତୀୟ ରେଡ୍‌କ୍ରସ ସୋସାଇଟି, ଓଡ଼ିଶା  ରାଜ୍ୟ ଶାଖାର କାର୍ଯ୍ୟନିର୍ବାହୀ ବୈଠକରେ ଅଧ୍ୟକ୍ଷତା କରି ରାଜ୍ୟପାଳ ପ୍ରଫେସର ଲାଲ କହିଲେ ଯେ  ରେଡ୍‌କ୍ରସର ମହତ ଲକ୍ଷ୍ୟ ଓ ଉଦ୍ଦେଶ୍ୟର କାର୍ଯ୍ୟକାରିତା ପାଇଁ ବ୍ୟାପକ ପୃଷ୍ଠପୋଷକତା ଓ ସହଯୋଗ  ଏକାନ୍ତ ଆବଶ୍ୟକ ଏବଂ ସମୟର ଆହ୍ୱାନ ଓ ଆବଶ୍ୟକତା ମୁତାବକ ସେବାର ପରିସର ଓ ପ୍ରକାରରେ ପରିବର୍ତ୍ତନ ଏକାନ୍ତ ଜରୁରୀ ।
ବୈଠକରେ ଓଡ଼ିଶାରେ ରେଡ୍‌କ୍ରସକୁ ସକି୍ରୟ ଓ ସଶକ୍ତ କରିବାକୁ ବିଭିନ୍ନ ପ୍ରସ୍ତାବ ଉପରେ  ଆଲୋଚନା କରାଯାଇଛି । ସଂପ୍ରତି ସର୍ବଭାରତୀୟ ସ୍ତରରେ ରେଡ୍‌କ୍ରସ ପାଇଁ ଏକକ କାର୍ଯ୍ୟଧାରା ଓ
କାର୍ଯ୍ୟ ପଦ୍ଧତି ଲକ୍ଷ୍ୟରେ ନୂତନ ରୁଲ୍‌ ପ୍ରଚଳନ କରିବା ସକାଶେ ରେଡ୍‌କ୍ରସ ସଂସ୍ଥାର ଜାତୀୟ ମୁଖ୍ୟ  କାର୍ଯ୍ୟାଳୟ ପଦକ୍ଷେପ ନେଇଛନ୍ତି । ଉକ୍ତ ଆଇନ ସଂସଦର ଅନୁମୋଦନ ଲାଭ କରିବା ପର୍ଯ୍ୟନ୍ତ ରାଜ୍ୟ  ଶାଖାର ପ୍ରଚଳିତ ରୁଲ ୧୯୯୦ ଅନୁସାରେ କାର୍ଯ୍ୟ ଜାରୀ ରଖିବାକୁ ବୈଠକରେ ନିଷ୍ପତ୍ତି ଗ୍ରହଣ  କରାଯାଇଛି । ରକ୍ତଭଣ୍ଡାରଗୁଡ଼ିକର ସୁପରିଚାଳନା ନିମନ୍ତେ ରାଜ୍ୟ ସରକାର ପୂର୍ବରୁ ରେଡ୍‌କ୍ରସ ପରିଚାଳିତ ରକ୍ତଭଣ୍ଡାରଗୁଡ଼ିକର ପରିଚାଳନା ହାତକୁ ନେଇଛନ୍ତି । ତେବେ ଏହି ସବୁ ରକ୍ତଭଣ୍ଡାରଗୁଡ଼ିକରେ
ରେଡ୍‌କ୍ରସର ଲୋଗୋ ବା ଚିହ୍ନ ବ୍ୟବହାର ନିମନ୍ତେ ରାଜ୍ୟ ସରକାରଙ୍କୁ ଅନୁରୋଧ କରାଯିବାକୁ ନିଷ୍ପତ୍ତି
ହୋଇଛି । ଏହି ବୈଠକରେ ରେଡ୍‌କ୍ରସ ଓଡ଼ିଶା ରାଜ୍ୟ ଶାଖାର ସଂପାଦକ କଳ୍ପନା ଦାସ ରେଡ୍‌କ୍ରସର କାର୍ଯ୍ୟ  ସଂପର୍କରେ ସୂଚନା ପ୍ରଦାନ କରିଥିବାବେଳେ ଆଇନ ଉପଦେଷ୍ଟା ଚନ୍ଦନ ମହାନ୍ତି ପରିଚାଳନାଗତ ଆଇନ ସଂପର୍କରେ ତଥ୍ୟ ଉପସ୍ଥାପନ କରିଥିଲେ । ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ତଥା ରାଜ୍ୟ ଶାଖା ଉପସଭାପତି ବଦି୍ରନାରାୟଣ ପାତ୍ର ବୈଠକରେ  ରେଡ୍‌କ୍ରସର କାର୍ଯ୍ୟକୁ ସୁସଂହତ କରିବାକୁ ପ୍ରସ୍ତାବ ଦେଇଥିଲେ । ରାଜ୍ୟପାଳଙ୍କ ପ୍ରମୁଖ ସଚିବ ମଧୁସୂଦନ ପାଢ଼ୀ, ରେଡ୍‌କ୍ରସ ରାଜ୍ୟ ଶାଖା ଉପସଭାନେତ୍ରୀ
ପ୍ରଫେସର ଆଶା ହଂସ, ଅର୍ଥ ବିଭାଗର ପ୍ରମୁଖ ସଚିବ ଅଶୋକ ମୀନା, ପଞ୍ଚାୟତିରାଜ ଓ ପାନୀୟ ଜଳ ବିଭାଗର ପ୍ରମୁଖ ସଚିବ ଡି.କେ. ସିଂ, ସ୍ୱାସ୍ଥ୍ୟ ଓ ପରିବାର କଲ୍ୟାଣ ସଚିବ ପ୍ରମୋଦ କୁମାର ମେହେର୍ଦ୍ଦା, ଉଚ୍ଚଶିକ୍ଷା ବିଭାଗର ଶାସନ ସଚିବ ବିଷ୍ଣୁପଦ ସେଠୀ, ଉତ୍କଳ ବିଶ୍ୱବିଦ୍ୟାଳୟର କୁଳପତି ସୌମେନ୍ଦ୍ର ପଟ୍ଟନାୟକଙ୍କ ସମେତ ବିଭିନ୍ନ ଜିଲ୍ଲାର ଜିଲ୍ଲାପାଳ ତଥା ଜିଲ୍ଲା ରେଡ୍‌କ୍ରସ ଶାଖା ଅଧ୍ୟକ୍ଷ ଏବଂ ସଭ୍ୟସଭ୍ୟାମାନେ ଆଲୋଚନାରେ ଅଂଶଗ୍ରହଣ କରିଥିଲେ ।

Mo sapath

Leave A Reply

Your email address will not be published.